ايوة ايوة :36_2_33:
من الآخر كدة لو نويت تشترى موبايل محترم من دول و معاك مبلغ و قدره .. هتشترى مين فى دول ؟؟؟؟
:Copy of rfds:
عاوزة خناقة اندرويدية و ايفونية موووووولعة :36_7_7[1]:
فى انتظار آرائكم
عرض للطباعة
ايوة ايوة :36_2_33:
من الآخر كدة لو نويت تشترى موبايل محترم من دول و معاك مبلغ و قدره .. هتشترى مين فى دول ؟؟؟؟
:Copy of rfds:
عاوزة خناقة اندرويدية و ايفونية موووووولعة :36_7_7[1]:
فى انتظار آرائكم
اكيد نوت 4
ابل بقت بتقدم تكنولوجيا اقدم و بقت هي ال بتقلد ال باقي
ده غير المشاكل ال ابتدت تظهر فيه
https://www.youtube.com/watch?v=znK652H6yQM
أولا النوت 4 أعلي فكل خواصه عن الأيفون 6 كاميرا و بروسيسور ورامات وكل حاجه
أبل عامله موبايل ألومنيوم و مع الضغط فجيب البنطلون مثلا هتلاقي الموبايل أتني !!
دا غير ان نظام أبل أصبح قديم ومش متطور بتقادم الأجيال
نوت 4 و بعدين الايفون 6 بلس سالت عليه هينزل ب 10.5 كتيير قوى عليه
هو بغض النظر عن ان النوت 4 أعلى كمواصفات والأندرويد أشمل ومحشى أوبشنز كتيرة عن الـ ios
بس الأيفون ليه محبينه برده حتى لو كان نزل بنفس الشاشة العقيمة الـ 3.5 انش ورامات 512 حتى
هيشتروه برده :)
هو الفكرة مش ان الايفون 6 مواصفاته ضعيفة لآ الزتونة هنا هو السوفت وير
و طبعا مننكرش ان أبل بخيلة جداا على أجهزتها وبتحط المواصفات بالقطارة
أبل بتلعب على حتة ان الـ ios خفيف جداا وسريع ومش محتاج مواصفات عالية زى أجهزة الأندرويد عموما
وهى بتعتبر ان السوفت مش محتاج أكتر من كده وأكتر من كده فى المواصفات تعتبر حشو على الفاضى
هى سياستهم كده وهتفضل كده ومش هيتغيروا وعشان يوصلوا لمواصفات النوت 4 ممكن على أيفون 9 ولا حاجة :)
وطبعا يظل لكل جهاز معجبينه ومحبينه ومننكرش برده ان الأندرويد أتطور جداا وبقه منافس شرس وقوى
وكمان لسه أما نسخة أندرويد L تنزل هتلاقى فرق كبير لصالحه
ولكن فئة النوت دى حالة خاصة ومش هيفهم كده الا اللى اتعامل مع الجهاز ده بجميع اصدراته
وفى رأيى هو ده اللى يتقال عليه سمارت فون حقيقى والايفون مش هيعمل نص اللى بيعمله النوت أو الأندرويد عموما
فى الاخر انا بعت النوت 2 بتاعى خلاص بعد سنتين بالتمام والكمال :)
وفى انتظار النوت 4 ان شاء الله :)
انا سمعت ان ايفون 6 وصل 11 الف
وبجد كتير عليه
انا لو معايا مبلغ محترم هاجيب ايفون 5s وابيع ال4s مع ان تقريبا مفيش فرق بينهم
ومينفعش طبعا اجيب موبايل اندرويد بالشىء الفلانى والاقيه بيهنج هاقوم مكسره على طول
مفيش مقارنه بين ابل وبين اى موبايل تانى لصالح ابل طبعا :)
بصراحه اسعار ابل هتخليني مافكرش فيه
الا لو هيجيبلي عروسه مثلا !
بغض النظر اني فعلا بعتبر منتجاتهم سوفتوير فقط (للي محتاج برامج معينه في الكمبيوتر مثلا)
انما تليفوناتهم, مش عارفلها لازمه بصراحه
الفرق الوحيد بين الاتنين
ان ابل اهتمت بالحماية على سهولة الاستخدام
و سامسونج اهتمت بسهولة الاستخدام على الحماية
.
موضوع التهنيج ده مبقاش موجود في موبايلات سامسونج من اول النوت 3
و لو حد استخدم النوت برو هيعرف ان سامسونج عدت ابل خلاص و بفرق حلو كمان
حماية من انهي اتجاه ؟؟؟
هو حضرتك مسمعتش عن موضوع ال icloud ولا ايه ؟
الحماية بتاعت ابل دي كل لازمتها انك تستخدم منتاجتهم بس و يلمو من ورا العملا فلوس
ال iphone اعتماديته اعلي من السامسونج و مشاكله اقل انما السعر اللي نازل به ال iphone 6 اللي هو ١١ الف جنيه يخللي الواحد يستبعده بصراحه بدون تفكير و علي الفكره بعيد عن كلام الدعايه ال ios8 مش فارق كتير عن ال ios7 بل بالعكس هما عاملين فيه شويه مشاكل زي علي سبيل المثال لا الحصر انهم شالوها منه ال edge و بقي يا اما 3G فقط و اللي بتفحت البطاريه و استهلاك الانترنت علي الموبايل او الجيل الرابع اللي هي مش موجوده في شبكات المحمول ده غير انه بياخد مساحه كبيره عند التنزيل و شويه ال bugs اللي بتطلع منه و اعتقد ان بالحركة بتاعه السعر دي Apple هتخسر كتير من زبائنها و انصح حضرتك لو عايز ال iphone عندك ال 4s و ال 5 و ال 5s اما لو سامسونج يبقي ال note4
مش فاهم حاجه هههههههههههههههه
لما حضرتك تنزل اى حاجة من اى تون بتكون محمية من الفيروسات و التهكير بنسبة 100%
و لكن الاندرويد ممكن تنزل من اى حتة .. يعنى ممكن تنزل اغانى متفيرسة ... الخ
و هو دة نظام الحماية .
__________________
ممكن بقى حضرتك تقولى ال icloud بيعمل اية لنظام الاندرويد ؟؟؟
طبعا مفيش حاجة محمية من الفيروسات بنسبة 100% الان اى برنامج متامن 100% ممكن ناس تهكرو
بس قصدى انة متامن بنسبة كبيرة جدا على عكس الندوريد الى مش متامن اصلا
فرق السعر الى حضرتك بتتكلم عليييية دة علشان ماركة معروفة ولها سمعة ممتازة
" الماركات العالمية فكرة اخترعها الازكياء ليضحكو على الاغنياء ، فصدقها الفقراء "
الاذكياء *
بجد حضرتك جبت المفيد و بصراحة انا زهقت من الأنرويد و عندى أجهزة كتير أندرويد مع اختلاف امكانيتها أعلاهم جهاز نوت 10.1 و ليا تجربة واحدة مع الأيفون زمان و بصراحة أعترف أن الأيفون أكثر ثباتا و عمرى ما شفته بيهنج مع ان جهازى كان برامات 256 جيجا بس !!! جهازى كان iphone 3GS
و مبروك عليك مقدما النوت 4
هو طبعا السعر اللى حضرتك كاتبه دة فلكى جدااااااااااا .. يعنى أنا عرفت ان سعر الأيفون 6 بلس 16 جبجا ب 3300 ريال يعنى أقصى حاجة 6600 جنيه مصرى !! دة كدة يبقوا عندنا حرامية رسمى !!!
و أتفق معاك طبعا أن الأيفون أخف كتير حتى من اجهزة النوت اللى هى افضل سلسلة من السامسونج
طبعا الأسعار دى مش طبيعية و مستحيلة على الأقل لى شخصيا حتى لو معايا المبلغ دة !!
بس حضرتك تقصد أى سوفت وير؟؟؟؟
كلام صحيح بس فيه فروق تانية كتيرة كمان
زى الايفون لا يدعم البلوتوث .. لا يشغل كل صيغ الأفلام .. لا يدع كارت ميمورى .. لا يدعم OTG و دى مشاكل بالنسبة لى كبييييييرة
السامسونج نظامه خنيق و مهما بقيت مواصفاته عالية برضه لو تقلت عليه أوووى لازم يهنج
أنا والدى معاه نوت 3 و بصراحة هو فعلا مختلف جذريا عن الموبايلات اللى قبله بس برضه و الله بيهنج لما بتقل اوى عليه !! مع ان راماته 3 جيجا .. ايفونى القديم عمره ما هنج بالرغم ان راماته كانت 256 ميحا بس !!!!
الفكرة انى نفسى اجيب حاجة iOS
زهقت من الاندرووووووووويد .. حتى التطبيقات تلاقوا دايما النسخة ال ios احسن كتييير من النسخة اللى نازلة لأجهزة الأندرويد
كلاممممممممممم سليم 100% .. جوجل ستورز نفسه مش آمن خاااااااااااااااااااالص و مليان كمان spam
يبقوا أغبياء جداااااااااااااا لو الأيفون نزل بالأسعار دى !!!! بس انا مش منخيلة ان جهاز تمنه فى أمريكا 750 دولار يبقى فى مصر ب 11 ألف جنيه !!! حرااااااااااااااااااااااا اااااااااااااااام
هههههه .. يا فندم احنا بنتكلم على الايفون !! فقراء ايه بس :36_2_33::36_2_33:
يا فندم ركز فى الكلام الى اتقال وانت تفهم @@
لا يا باشا والله كان معايا قبل كده نوت 3 وكان بيهنج وهتلاقى نوت 4 برضه بيهنج وكمان galaxy s5 بيهنج ولو اخترعو نوت 30 كمان هايهنج .. وعلى سبيل المثال ممكن اجيب اقل موبايل فى اللوميا وهو 520 من صناعه نوكيا والله عمره مش هيهنج زى النوت 3 ... التهنيج ده صفه اساسيه فى الاندرويد وهاتفضل فيه
النوت 4 طبعا .. كفاية حساس قياس نسبة اكسجين الدم اللي فيه .
موبايل وقدره 11 ألف جنيه وطري بسهوله يتني !! دا لو حصل كده صاحبه هيعيط جنبه
النوت 4 أكتسح الأبل بجداره
ايه الاسعار دي يا جماعه ، الايفون 6 بلس ال 128 جيجا عامل حوالي 8000 مصري وده اعلى حاجه
بالنسبه للأسعار في مصر قدامها فترة لغاية متثبت كالعاده زي كل سنة
بعيد عن المواصفات على الورق اللي دايما اي موبايل ب 2000 جنيه مواصفاته تعدي الايفون ،
إلا إن الايفون في التجربه العمليه بيتفوق علي اي موبايل في نفس فئة السعر وده عن تجربه
وبالمناسبه الأيفون كمان بيهنج وأخر مره رميته في الارض والشاشه اتكسرت ، بس عمره ما بيوصل لتهنيج السامسونج
وعن تجربة فئة الجلاكسي اس كلها والنوت تحديدا النوت 3 ( فيه اتنين في البيت ) والتاب اللي بكتب منه دلوقتي وشويه وهرزعه في الأرض :D
الموبايل الأندريود الوحيد اللي جربته وكان كويس هو htc one m7 وده اللي كنت ناوي عليه قبل ما الايفون 6 ينزل
الخلاصه الايفون ليه ناسه ، ﻷسباب كتير معتقدش ان حد في 2014 ميعرفهاش
ده رأيي كمستخدم عادي جرب ابل وجرب سامسونج وبالنسبالي سامسونج زبالة الزباله ماعدا النوت 3
ملحوظه لو كلمة فئة مكتوبه غلط يبقي التاب هو السبب :-)
الايفون6 ب 5900 جنية ... 11الف اية ؟!
واللي عايز اندرويد يجيب ال htc one m8 وبس
دكتور شهدي ايه رأيك في اللوميا 930 ، اللوميا عموما ؟
لاخويا وخارج من بلاك بيري طول عمره
انت لو جبت نوت 3 و قفلت ال multitasking و شوية الحاجات ال مش موجودة في ابل مش هيهنج نهائي
و كمان بالmultitasking لو عارف انت بتنزل ايه من بلاي ستور مش هيهنج
التهنيج بيبقى من سوء الاستخدام في اغلب الاوقات و الموجود برضو و شوفته في ايفون 4s بنفسي
ده غير مشاكل الهاردوير ال دايما بتظهر في منتجات ابل
و برضو لو حد جرب النوت برو ال10 او ال12 بالذات هيعرف ان سامسونج عدت
بالمناسبة دي الهاردوير بتاع ابل سامسونج ال بتصنعه كله لوحدها و لسه ابل بتفكر تشوف مصنع تاني عشان متبقاش لعبة في ايد سامسونج
السعر في مصر دلوقتي 10
http://select-mob.com/apple-iphone-6.html
نسيت اقول كمان ان الايفون لو هنج ممكن يهنج مرتين تلاتة فى ٣_٤ سنوات لكن بجد السامسونج ممكن يهنج مرتين تلاتة فى اليوم
انا كان معايا ايفون ضايع اللى هو 3gs و رامات ربع جيجا و مرة واحدة عمل ريستارت لوحده و مرة تانية شحنه علق .. بسسس كدة فى خلال فترة استخدام ٣ سنوات و فيه فى البيت ايباد ٣ نيو عمرررره ما هنج بمعنى الكلمة .. فى حين بقى ان اجهزة زى نوت 10.1 هنجت كتييييييير اوى حتى النوت ٣ بيهنج و خصوصا اثناء تشغيل الفيديوهات بكثرة
و الله والدى عمره ما شغل ال multitasking .. بس بيهنج لما تشغل فيديوهات كتيرة بس طبعا هو ارحم بكتييييير من موبايلات سامسونج السابقة .. مفيش اى شك فى كدة
حاجة كمان سامسونج هى اللى اكتر مش بتجرب و لا بتختبر اجهزتها قبل الطرح فى السوق و عندها اجهزة كتييييير اوى ظهر لها مشاكل .. زى جراند ١ و لما الناس اشتكت نزلت نسخة معدلة و سميتها جراند ٢ و اوقفت انتاج جراند ١ على طوووول بعد قليل من اصداره .. كمان تابلت اس .، لقوا البطارية بتسخن جدااااااا جداااا بدرجة مبالغة لدرجة ان الكفر الخلفى بتاع الجهاز بيسيح .. اجهزة كتييير اوى كمان بتنزل السوفت وير بتاعها مش stable .. كمان بصراحة فيه ميزة فى الايفون و هى دعم الشركة له بعد البيع .. يعنى سامسونج تنتج فى السنة بتاع ١٠ اجهزة و تنسى تنزل ابديت لنصفهم بالرغم ان الجهاز يبقى ب ٤٠٠٠ و اكتر .. لكن ابل بتفضل تدعم اجهزتها لعدة سنوات بعد الطرح و بتنزل ابديت للعالم كله فى نفس التوقيت ّ
بس الاكيد طبعا انه عمررررررى ما هدفع ١٠ الاف جنيه فى موباااايل ابداااااااااااااااااااااا ااا دة يبقى بالنسبة لى على الاقل هبل !!!!!
نفس ال comment اللي بكتبه في اي مقارنه بين ال ios و ال android
iPhone = Porsche 911
Samsung\android device = Nissan gtr
خلينى بس أوضح نقطتين
الأولى : مفيش حاجة اسمها وقفت انتاج الجراند 1 علاطول :)
أى جهاز بينزل فى سامسونج مدته سنة وتلاقى الجيل التانى بتاعه نزل
ومن الطبيعى والمنطقى يوقف إنتاج الجيل القديم اللى هو الجراند 1
الجراند 1 نزل فى يناير 2013
الجراند 2 نزل فى يناير 2014
:)
قيسى على كده جميع الفئات سواء S - note - grand - ace - star - tab وهكذا
النقطة التانية : نظام ios مملوك لشركة أبل عكس سامسونج نظام الأندرويد ملك لشركة جوجل وهنا الفرق
بمعنى ..
أجهزة أبل كلها على بعضها من يوم ما اتولدت 10 اجهزة :) وكلامى هنا محصور على الأيفون فقط
إنما سامسونج عندها فئات كتير جداااا ومش حصرة نفسها على جهاز فلاج شيب واحد كل سنة تنزله
وده مش عيب على فكرة بالعكس دى ميزة تحسب ليها وده دليل على انتشارها ونجاحها
يعنى لو عايزة تليفون اندرويد بـ 600 جنيه هتلاقى و لو عايزة بـ 6000 جنيه هتلاقى
نتكلم على ابل والسوفت وير بتاعها
دى شركة واحدة بتملك جهاز واحد ونظام واحد وسهل عليها جداا تتيح التحديثات لقلة عدد الأجهزة
وياريت التحديث بينزل سليم وأخر خبر قريته ان تحديث 8.0.1 فيه مشاكل مع الأيفون الجديد 6 و 6 بلس :)))
المهم نيجى لسامسونج لازم تستنى جديد جوجل من تحديثات الأندرويد وتاخده وتعدل عليه
وتضيف اللانشر الخاص بيها وبرامجها الخاصة وتختبر الجهاز وبعد كده تطلق التحديث
وشوفى بقه كام جهاز عندها محتاج تحديث والمهم ان التحديث بيوصل فى الأخر
وعلى فكرة التحديثات بتيجى بسرعة لأجهزة الفلاج شيب عكس الفئات الرخيصة
وأفتكر ان الكيتكات نزل على النوت 3 والـ S4 قبل اى شركة تانية
وبما اننا بنتكلم على السوفت وير والأنظمة خلينى أقول ان سامسونج بتملك نظام أسمه Tizen
وشغالة عليه بس طبعا لسه فى بداياته ولكن أكيد هيوصل للنور فى يوم من الأيام
وهنا بقه هيكون الوضع مختلف وهتبقى سرعة التحديثات أسرع من اى نظام تانى
وده لسه الله اعلم هينزل أمتى على التليفونات بس سامسونج منزلاه على ساعتها الجديدة Gear S
اخر حاجة أحب اقول للى هيشترى htc one m8
أنت هتاخد جهاز شكله شيك جدااا وخامة ممتازة ونظام سلس وكل حاجة بس يظل فى الأخر أندرويد برده :) يعنى اللاج هيطوله هيطوله :)
+ كاميرا زبالة :) وتقنية الترا بيكسل فاشلة :)
+ بطارية ضعيفة الى حد ما
تحياتى
بالنسبه لموضوع يتني وال bending test متهيألي دي حاجه مقصوده لغرض ما
بدليل ان ال 5s و ال 5 اول ما نزل اشتغلت الهوجه دي شويه وبعدين مسمعناش عنها حاجه وانا نفسي مشوفتش حد حصل معاه كده
http://cdn.cultofmac.com/wp-content/...u1-640x215.jpg
http://www.gizmochina.com/wp-content...hone_block.jpg
الغريبه بقي ان كل سنه ( اه والله كل سنه ) من قبل الاعلان حتى عن الايفون تبدأ الاشاعات وهي نفسها وبرغم كده بينزل ويبيع ويكتسح
وحاجه علي جنب كده لسامسونج فانز انت بتبقي شايل النوت 3 وعينك بتروح للايفون في أي قعده ، مش كلهم طبعاً بس أغلبهم :)
علي العموم كلها كام يوم وينتشر وتبدأ الريفيوهات وكل حاجة تبان
ومنصحش حد يستنى يشتريه من مصر لسببين اولهم السعر العجيب اللي هينزل بيه
وثانيهم ان وكيل ابل الجديد من اول السنه بقى ( بي تك ) للاسف الشديد :@
اسعار الايفون 6
http://nileup.com/up/uploads/nilemotors_14116712181.jpg