سائق مستهتر عايز الحرق

**m_6600** · 25-09-2014 12:21 PM

المشاركة الأصلية كتبت بواسطة ramymechanics

على فكرة انا متفق مع عنوان الموضوع لأن اللى بنشوفه من سلوكيات 85% على الأقل من الناس يستاهلوا الحرق عشانها فممكن نعدل العنوان ل شعب 85% منه عاوز الحرق

بتروح مصلحة بتلاقى 85% من الموظفين مرتشين
بتروح لتجار بتلاقى 85% منهم نصابين
بتلاقى الطلبة فى الشارع 85% منهم بيسبوا الدين و بيعاكسوا ويتحرشوا ببنات
85% من الشباب بقى نسخة من عبده موتة

فمتزعلوش واى كدة افضل اننا نواجه الحقيقة من اننا ندفن راسنا فى الرمل

صح كلامك مزبوط

و صاحب الموضوع الحمد لله ان ربنا نجاك

**amr_8800** · 25-09-2014 01:36 PM

انا مش فاهم الناس زعلانه ليه
احنا فعلا شعب مستهتر و٩٠٪ من سلوكياتنا سيئه ومش في السواقه وبس ده في كل حاجه
ومحدش يقولي متعممش والكلام ده عشان دي هي الحقيقه
انزل الشارع وشوف كمية العربيات الي واقفه صف تاني ثالث وقافله الطريق وتلاقي صاحبها قاعد عليها عشان البيه بيشرب عصير وموقف الشارع كلو لاخرو
شوف الاشاره لما يكون مفيش عسكري بتبقا عامله ازاي اقل من ١٠٪ بس الي ممكن يلتزمو بيها
شوف السواقه على الدائري عامله ازاي
وشوف وشوف وشوف
الكلام مش هيخلص
انا نفسي حصل معايا موضوع مشابه كان الطريق واقف ولقيت واحد داخل فيا وكل الي سمعتو معلش يا بيه اصل الفرامل هربت

محدش يزعل من صاحب ت
الموضوع عشان للاسف هو ده الواقع