ايه يا جماعة سر وجود عدد كبير جدا من كورولا الشكل الجديد معروض للبيع كسر زيرو كيلوات اقل من 20 الف كم؟؟؟
ايه يا جماعة سر وجود عدد كبير جدا من كورولا الشكل الجديد معروض للبيع كسر زيرو كيلوات اقل من 20 الف كم؟؟؟
والله دايما كنت بتساؤل عن الموضوع ده
دي مش عربية صيني ولا رخيصة ومعروفة في السوق
الغريبة انها كل الفئات والالوان والموديلات حتى 2015 !!!!!
ازيك يا محمد . اخبارك ايه؟؟
اللي اعرفه ان قطع غيارها في التوكيل مبالغ فيها جدا.
اعتقد ان التجميع التركي اقل جودة من الياباني
فادى باشا اخبارك ايه واخبار الشله القديمة؟؟!!اقتباس:
المشاركة الأصلية كتبت بواسطة فادى محمد
معلش انا مش متواجد زى الاول بس من وقت لاخر بنرجع ناخد لفة كده فى منتدانا المحبوب
ماعتقدش ان ده سبب كافى
ما كل التوكيلات الان بقت حاجة صعبه
1. قطع الغيار اسعارها مقبولة مقارنة بالمنافسين في نفس الفئة لا ازيد و لا اقل يعني تيل ب 650 اكصدام امامي 1200 فانوس امامي 2200 فانوس خلفي 1800
2. التقفيل التركي زي الياباني بحكم امتلاكي للموديلين ااتركي 2014 و الياباني 2011 .
3. متعرفش ظروف اللي بيبيع ايه ممكن يكون مزنوق ممكن مستريحش ممكن واحد زي حالاتي عارض عربيتي عشان اجيب الهاي لاين كورولا برضو .
4. المعروض 19 عربية كورولا 2014 و 2015 طيب حضرتك لو بصيت علي المعروض من السكودا a7 هتلاقيه 15 عربية مع الفارق ان مبيعات الكورولا اعلي بكتير من ال a7 و انتشار اكتر بكتير منها يكفي ان الكورولا اعلي مبيعات في 2014 بمعدل 750 عربية في الشهر ده كفيل انه يخلي معدل البيع اعلي و انا عن نفسي شايفه طبيعي بالنسبة للمبيعات اللي تمت.
اتفق معك حتى فى الميجان التركى اقل جودة من الفرنساوىاقتباس:
المشاركة الأصلية كتبت بواسطة mostafa3000
اختلف معاك معاك قلبا و قالبا يا باشمهندس انك تبيع عشان تجيب كورولا تاني نفس الشكل بس هايلايناقتباس:
المشاركة الأصلية كتبت بواسطة mohamed.hany
ده كده هتعمل زي اللي حب يتجوز على مراته طلعت له هيا برضه ما نابه غير مصاريف الجوازه الجديده
لو فعلا هتبيع يبقى يا انسجنيا يا البيجو 508 الفيس لفت اللي هتنزل كمان شهرين مصر المفروض انها نازله بشاشه عشان تضيع ميزة الانسجنيا
في ظني
كلمة السر : الأوفر برايس
سعرها مبالغ فيه بالنسبة لامكانيتها
بصراحة يا استاذ هاني انا شخصيا مختلف مع نفسي ، ال 508 مغرية جدا و كانت اختياري الاساسي عربية هايلة بكل ما تحمله الكلمة من معني و مستني الشكل الجديد بس مش هتنزل اقل من 250 للبيز لاين و ده فوق مقدرتي الحقيقةاقتباس:
المشاركة الأصلية كتبت بواسطة hany63
انشاءالله على ما تنزل تقدر تجيب اللي احسن منها كماناقتباس:
المشاركة الأصلية كتبت بواسطة mohamed.hany
٩٠ في المية من ال a7 المعروضة فتيس dsgاقتباس:
المشاركة الأصلية كتبت بواسطة Mohamed.Hany
مش ال ١٦٠٠
ان شاء اللة ربنا يكرمك بيها وهاي لاين كماناقتباس:
المشاركة الأصلية كتبت بواسطة mohamed.hany
الموضوع ببساطه و ده بيحصل فى العربيات اللى بتبيع كويس فى السوق . انه الناس بتاخد قروض شراء سياره او شرا عربيه بالتقسيط بضمان المرتب و يروح على ماركه تكون بياعه و يتعاقد و يشتريها و يعرضها بيع كسر زيرو و يسيل الفلوس كاش و يكمل تقسيطها مع البنك و خصوصا فيه بنوك كتير دلوقتى مش عامله حظر بيع ضمان شيكات بنكيه . طبعا مش هايروح يشترى عربيه تقيله فى بيعها و شوفت ناس كتير بتعمل كده . من
الاخر تجاره .
حضرتك انا سالت السوال دة ميت مرة ومافيش رد نافع الكورولا والسيراتو 2014 و 2015 كل واحد حجة هايفة قوى دواعى السفر طبعا دة رد اهبل قوى لان فى ناش اشترت باوفر برايس كمان ولازممممممممم حيخسر جزء من الفلوس بس هيا سمعة على العربية مش حلوة ومحدش يقول قطع غيار مبالغ فيها جميع توكيلات مصر حتى الصينى قطع غيار مبالغ فيها جدا وفى عربيات منتشرة وتركى برضة وباشوفها فى الشارع كتير ومافيش منها كسر زيرو للبيع وبصراحة تقفيلها انظف من الكورولا بمراحل وهيا الهوندا سيفيك 2014 او 2013 اكيد فى سبب بخصوص الكورولا والسيراتو يا ريت نعرفةاقتباس:
المشاركة الأصلية كتبت بواسطة m.mokhtar
فرأي دي حركة سوق دايما كده
مش لمشكلة فالعربية
والله اعلم
السؤال هو في حد اشتكي و في اي شكوي عامه علي العربية (غير الارتفاع و تم حله) ؟
في الواقع هي عربيه العام بجميع المقايس
انا كان اختياري 508 2013 و بحمد ربنا اني جبت الكورولا
انتو بتكلمو في ايه يا جماعه الكورولا علمت علي السوق و خلاص
ملقوش في الورد عيب..............كملو انتو
طيب ويا تري ليه حضرتك فضلت تجيب كورولا عن 508؟؟اقتباس:
المشاركة الأصلية كتبت بواسطة mzowail
تقدر تقول فلكلور شعبياقتباس:
المشاركة الأصلية كتبت بواسطة mzaher
بمعنى ثقافة السوق المصري
الكورولا تعتبر فعلا على مر السنين سيارة الشعب و انا عندي واحده ٢٠٠٦ استحاله افرط فيها عشان بتستحمل هري المدام و الاولاد
انما لما نييجي نقارن الصراحه كركوبه الكورولا في منطقه و ال٥٠٨ في منطقه تانيه خالص شكلا و موضوعا
اقتباس:
المشاركة الأصلية كتبت بواسطة mzaher
1- طيب انا كان معايا الميجان الهاي لاين, عربيه تحفه بس لازم تاخد بالك من كل حاجه (طريقة السواقه - الفتيس - يعني العربيه حساسه في كل حلجه (طب ليه وجع الدماغ) - و بعدين قعدت 6 شهور علشان اعرف ابيعها!! علشان عايز سعر يناسبني
نيجي للكورولا ( شكل - اوبشنز كل الي انت عايزو و اكتر - توكيل محترم - سلاسه في النقلات مش موجوده في الـ508 و دي حاجه مهمه جدا في الطرق المصريه - اعادة بيع - موتور اديلو بنزين 50 هايمشي بردو )
ال508 اركبها في دبي المانيا كده
انما هنا في بلدك اركب تويوتا و ده راي الشخصي.
و بعدين الكورولا اوسع من ال508 في الكنبه الي ورا :) علشان العيال و كده.
ممكن اكون متحيز شويه بس مش قوي و صباح الفل علي كل الناس
واضح انك مريت بتجربه صعبه مع الميجان و انا نفسي مريت زمان بتجربه زفت مع بيجو ٢٠٥اقتباس:
المشاركة الأصلية كتبت بواسطة mzowail
بس معظم العناصر اللي حضرتك ميزتك فيها الكورولا للاسف الحقيقه عكس كده و دي حقايق مش راحه شخصيه ماعدا يمكن موضوع التوكيل و اعادة البيع بس برضه عايز اقول لك ان لو العربيه حلوه و مفيهاش مشاكل هتحس ان التوكيل زي الفل و العكس تماما و عندك مواضيع بالهبل بتسب و تلعن في توكيل تويوتا ايام الفتيس ال mmt و حاليا لما الشركه الام نزلت بالفتيس الجديد التوكيل بقى اكثر من رائع
احسن حاجه في حضرتك انك قلت انك متحيز و انا كنت زيك بالمناسبه لما قلت قبل كده ان الهوندا برقبة الباسات بس انا الصراحه كان عندي حق و مش تحيز عشان كنت غيرت ٢ فتيس و بعت بخساره ٧٠ الف جنيه
و عموما الكورولا تعتبر الاختيار الامثل للشخص اللي عايز حاجه عمليه للمشاوير اليوميه
تحياتي
بالنسبة للسوق المصري السعر غير مبالغ فية بالنسبة لامكانياتهااقتباس:
المشاركة الأصلية كتبت بواسطة ahmed abdkarim
بالنسبة لامكانياتها تعالي نشوفها سوا وطلعلي عربية فيها الامكانيات دي ارخص
انظمة ثبات trc vsc
فرامل abs abd ba
تكييف dual zone
جنوط اسبور
فتيس cvt وغير اي فتيس cvt في مصر
hill assistant
dvd +blutooth
تارة مالتي
مثبت سرعة
كروز كونترول وشاشة اعطال
مرايات ضم
7 ايرباج
عفشة رياضية
باور كهربا متغير مع السرعة
موتور ناعم بكاتينة جنزير
كاوتش بردجستون تورانزا
اوتوبارك
حساسات ورا وقدام وجناب وكاميرا خلفية
حساسات مطر واضاءة وسمارت كي
نظام صوتي رائع موش موجود في اي عربية مماثلة
حلت معادلة الارتفاع مع الثبات
سبورت مود وكمان ستبترونيك
اوسع صالون 1600 تركبو
تابلوة فخم جدا
ايريال مدمج وسخانات ازاز خلفي ومرايات
مراية زاتية التعتيم
واللة من كتر الامكانيات معدتش فاكر حد يكملي
هات الامكانيات دي في عربية ياباني (بالسعر دة ) ومتقوليش لا فرنساوي ولا بتاع عشان محبش العربيات المشاكل
بدون تحيز واللة يا جماعة الكورولا محدش طلع فيها عيب جوهري كموتور او فتيس او عفشة لحد دلوقتي وعربيها سمعتها فل علي مدي السنين وانا كان معايا كرولا 94 ولما جبت نوبيرا زيرو كنت قرفان منها الاول وبعدين رجعت جبت كرولا تاني وانا في رايي العربية دي تتفوق علي اي عربية كوري او فرنساوي او حتي ياباني في السوق المصري (فئة 1600) في الفئة لحد 240 الف جنية
انا بقالي فترة متابع اخبار السيارات الجديدة....و خصوصا الاوكتافيا الـ a7 الجديدة لان شكلها عاجبني و تحفة...
بس لما تشوف ازاي عربيات زيرو ما كملتش 1000 كم...و بيطلع فيها كوارث اعطال و تغيير فتيس..و طرمبة بنزين تضرب علي الطريق الدولي .... تحس انك هاترمي فلوسك علشان الشكل و الاسم و الموديل...لا و العربية ايلي سعرها قرب من الربع مليون ممكن تموتك علي الطريق....
بصراحة تويوتا...مالهاش حل....سيبكوا من اي كماليات او شكل ....العربية دي كفاية انها ما بتعملش معاك موقف يحرجك او يعرضك للخطر....
يكفي الكورولا اعتماديتها....حتي لو من غير اي اوبشن....عربية ما تقفش علي طريق و لا تعطل معاك...حتي لو كنت مهمل في صيانتها و التعامل معاها.....
ربنا يمتع كل ملاكها بيها و يعطيهم خيرها و يكفيهم شرها....و يرزقنا و يفتح علينا و نجيب واحدة....:)
أنا رأي زيك بالظبطاقتباس:
المشاركة الأصلية كتبت بواسطة yasser100