يا جماعه يا ريت حد يساعدني
عربيتي 2013 تربو طبعا بالفتيس الملعون dsg و للاسف جابت فتيس علي 39000 الف
والمشكله ان انا بقيت بره الضمان ...
دلوقتي هو انا ممكن اصلحه بره التوكيل ولو ده حصل ممكن يتكلف كام ؟؟؟؟؟
ارجو الافاده من اصحاب الخبره
عرض للطباعة
يا جماعه يا ريت حد يساعدني
عربيتي 2013 تربو طبعا بالفتيس الملعون dsg و للاسف جابت فتيس علي 39000 الف
والمشكله ان انا بقيت بره الضمان ...
دلوقتي هو انا ممكن اصلحه بره التوكيل ولو ده حصل ممكن يتكلف كام ؟؟؟؟؟
ارجو الافاده من اصحاب الخبره
جابت اية في الفتيس ..
اما الكلاتشات ودي يعني الاسطوانة و الديسك لانة فتيس مانيوال بينقل اتوماتيك
ودي امرها سهل جدا و سعرها مش غالي في التوكيل
او بقي الحاجة التانية هي وحدة الميكاترونكس و ده غالية جدا بس معرفش سعرها
لو الكلاتشات هي اللي باظت.. دة زي الاسطوانة و الديسك في العربيات المانيوال و هي اللي بتبوظ بدري شويتين حلوين لكن لو وحدة الميكاترونكس فهي غالبا بتبوظ بعد 100 الف كم
ثمنها 28000 الف جنية نصيحة اطلع على فرع القطامية ولازم تتغير فى الضمان حتى الضمان لو خلص الناس عاملوا كدة وغيروها برة الضمان ببلاش وبتاخد من شهر الى شهرين
ازاي حضرتك بره الضمان انت شاريها خليجي؟
هو باعها علشان الفتيس لعلمك !!!!!!! وده فتيس ملعون ومعروف مش عارف اشتريت العربية دي ليه !!!!!!!!
عموماً بالفعل الوحدة بـ28 الف جنية للاسف :( وربنا يعوض عليك
ان شاء الله خير روح لاحمد زاهر فى المعادى وقوله من طرف د.؟عصام ومش هايكون اكتر من 6 او 7 الاف باذن الله
مجرد إقتراح : مش ممكن تسقطلها موتور 1600 بفتيس أوتوماتك , أعتقد الحل ده هايكون أرخص من 28 ألف .
لا حول ولا قوة الا بالله
shit happens :(
قدر الله وما شاء فعل والحمد لله
معلش سؤال خارج الموضوع .. هو فتيس ال dct فيه نفس مشاكل الفتيس dsg
ربنا يعوض عليك !!! 39 الف يا نهار ابيض!!
دي تتصلح و تتباع على طول عشان ممكن بعد وحدة الميكاترونك تجيب كلاتشات و بكده هتكون غيرت الفتيس كامل تقريبا بس على مرتين
ربنا يعينك و تعرف تطلع من المشكله دي باءقل التكاليف انشالله تحاول تاني في التوكيل على اساس ان الفتيس محدش لمسه عشان ملوش صيانه دوريه زي باقي اجزاء العربيه
و اي عربيه معروضه للبيع مليون في الميه بتتباع بسبب الفتيس اصل ايه اللي هيخلي واحد يبيع عربيه الماني تربو كسر زيرو
اعتقد حل ان تسقط لها موتور 1600 بفتيس عادي هيكو ارخص بكتيييييير
قدر الله وما شاء فعل والحمد لله
انصحك نصيحة صلحها في التوكيل وبعها فورا وعوضك علي الله
DCT معناه ((فتيس ثنائى المقبض )) و دا مش خاص بشركة معينة
و كل شركة ليها اسم للفتيس خاص بيها لكن الفكرة واحدة ,,و ف فولكس اسمه DSG
و خلى بالك ان الفتيسات ال DCT فى منها نوعين dry و wet
ال wet DCT مفيش منه مشاكل اوى ,, المشكلة ف الفتيسات ال dry DCT
و خلى بالك ان الفتيسات دى رغم ان فى منها مشاكل كتيييييير لكن الحق يقال انها تكنولوجيا عالية جدا
عموما هتلاقى ف المنتدى مشاركات كتير ف بتتكلم بالتفصيل عن القصة دى
زى دى مثلا http://www.nilemotors.net/Nile/344098-200-9.html
هاتوها من النت حتعمل 10 الاف بس
لا ياباشا انا مش بدافع عن الفتيس ,, بالعكس
دايما بقول بلاش اى عربية بفتيس dsg و بلاش مخاطرة و محدش ناقص وجع دماغ
و ان مفيش اى دليل على انتهاء مشاكله
لكن كل واحد ياخد حقه ,,
الفتيس فعلا تكنولوجيا عاليه جدااااااا ,, دا فتيس ماشى بأقل من 2 لتر زيت !!!!!!
و اتكلمنا قبل كدا عن الارقام المبهرة اللى بيحققها من حيث زمن النقلة و التسارع و الانبعاثات و و و ,,,
و كل كدا مش هيشفع طبعا للفتيس ,, لكن بنقوله عشان نبقى غطينا كل جوانب الموضوع
انا متشكر جداا يا جماعه ..و قدر الله و ما شاء فعل
طب حضرتك جرب تسأل انك تغير الفتيس من dsg الي فتيس ست سرعات وشوف
الفتيس بتاع الجولف ٧ المانيوال شوفو يعمل كام وركبه وتوكل علي الله
ربنا يقدر الناس علي حل مشاكل
الفتيس ده
شئ محزن جداً وللاسف يتكرر كثيراً ...
ولسة الضمان سنتين بس والزبون هو اللي بيتحمل الضرر
قلبي عندك حقيقي
قولي اساعدك ازاي؟؟
ممكن قائمة باسماء السيارات اللى بينزل فيها الفتيس ده علشان الناس تاخد بالها
السلام عليكم و احلى تحية لاصحاب الاسكودا الكرام لو تاذونولي انا ليا ملاحظة صغيرة اوي
احنا سبنا اصل المشكلة و مسكنا في الفتيس قطعنا فروته
صاحب العربية الكريم قال انه اشتراها من واحد معملش و لا صيانة واحدة في التوكيل
بالله عليكم اللي معملش صيانه و لو لمرة واحدة في التوكيل و راكب عربية بالتكنولوجيا دي يبقى كان بيعامل العربية ازاي
صحيح الفتيس dsg ليه مشاكله المعروفة و اللي برضه احقاقا للحق في تناقص مستمر لكن اهمال العربية و سوء الاستخدام عليه نسبه كبيره من المشاكل اللي بتحصل
و بعدين ماهو سوء الاستخدام عمل مشاكل كتير لناس اعرفها معاها a5 و فانتازيا قبل ما الفتيس dsg يظهر و يا ما ناس غيرت فتايس مشهورة جدا بالاعتمادية ( فتيس المازدا الاوتو اللي راكب في الفورد فوكس اللي معايا تقريبا مالوش مشاكل في ناس بوظته علشان ما تعملش صيانه للفتيس و بغيرو بزيت فتيس من ابو الكيلو ب ٢٥ جنيه)
الواحد في مصر عايز يركب عربية غالية و بتكنولوجيا معقدة و يعاملها كانها لادا ( مع كامل الاحترام و التقدير لملاكها الكرام) و مش عايز يصرف عليها و بيتجاهل ان مصاريف تشغيل العربية متناسبة مع سعرها و لما الاهمال يبوظ حاجات فيها يطلع العيب في العربية مش فياهماله هو و تطاع سمعه علي العربية انها فيها و فيها
لا حول ولا قوة إلا بالله
ربنا معاك
شيء محزن .. ربنا يعوضك خير .. و يرزقك بعربية أحسن منها
جزء من تحمل المسئولية من الملاك اللي بيكابروا و يغالطوا و لما حد يسألهم يقولوا الدنيا عنب .. و يروح غيرهم يشتري و لما تحصل مشكلة يرجعوا يقولوا مشكلة فردية
ياترى مدافعي ال dsg فين دلوقتي ؟!
صيانة ايه مع فتيس باظ على 39 الف كم
هو في صيانة للفتيس اساسا .. قبل 60 الف او 80 الف كم .. على حسب نوع العربية
ياريت لو الفتيس ال dsg ليه صيانات مختلفة توضحها
منتظرين قائمه باسماء السيارات بالفتيس dsg