الموضوع: يجو 301 هاي لاين ام لانسر شارك الفئة الأولي

شارك افضل

ليه متفكرش في سيراتو

انا في نفس حيرتك بس بفاضل بين شارك فئة تانية و 301 هاي لاين
و احب اقولك اللي وصلت له بعد تجربة قيادة للاتنين يمكن يفيدك و نقرر احنا الاتنين ساعتها و هقولك بموضوعية كل واحدة ما لها و ما عليها من غير تعصب (لانه ما ينفعش اقولك هات دي او دي و خلاص لازم اسباب) .


شارك 2015:

مميزات

خارجيا شكها هجومي و جذاب و بالرغم انها نفسها من 2008 الا انها مازات ملفته للانظار.

داخليا فقيرة شوية في الخامات و التقفيل و الاوبشن (بتكلم علي فئة تانية وكيل).

موتور قوي 117 hp مع ناقل اربع سرعات عادي مش ستيب ترونك بس تسارعها جيد خصوصا بعد 80 كم/س.

تكييف ياباني مش هقول اكتر من كده.

صالون واسع و مريح.

عفشة خلفية multi link محترمة جدا و ده سر ثابتها و ان كانت علي حساب الراحة لانها عفشة رياضية.

عيوب

شنطة هي الاصغر في فائتها.

صوت الموتور مسموع و عالي نسبيا و ده يرجع للعزل المتواضع للمقصورة بالاضافة ان صوت موتوها mivec هو موتور رياضي .

صوت احتكاك الاطارات مسموع داخل المقصورة ( يقال انها بتنتهي مع تغيير نوع الكاوتش ).

باور تقيل نسبيا لانه هيدروليك.

قطع غيار غالية بالنسبة ل 301 , يعني الكوبلن ب 5000 في التوكيل و مش موجود و فانوس امامي معدي 2000 و اكصدام امامي برضه كاسر ال 2000 !! (و جروب الشارك علي الفيس هيفيدك في موضوع قطع الغيار داخل و خارج التوكيل)

بيجو 301

مميزات

شكل جديد و هجومي.

موتور 115 hp مع ناقل من اربع سرعات ستيب ترونك و تسارعه مرضي جدا بعد 60 كم/س.

داخليا الهاي لاين اشيك و افضل في التقفيل من الشارك.

كماليات كتير مقابل الشارك اللي بتنزل متنفضة.

صالون واسع طوليا و لكن عرضيا الشارك اوسع.

اسعار قطع الغيار داخل التوكيل معقولة جدا بالنسبة لعربية اوروبي و طبعا اقل بفرق ملحوظ عن الشارك.

شنطة حجمها جيد.

مكيف جيد لان الكمبريسور ياباني.

باور خفيف جدا ( كهربائي).

صاج خارجي اتقل من الشارك.

عيوب

اعتمادية الفرنساوي لا تقارن بالياباني ,اقل طبعا و ان كانت البيجو افضل الفرنساوي في مصر كسمعة الا ان العربية لسه جديدة في السوق و مع الوقت هيبان مدي اعتماديتها بعكس الشارك اللي اتهرست في السوق من 2008.

عفشة خلفية عادية Torsion beam و طبعا مش هتاخد منها نفس ثبات الشارك لكنها مريحة اكتر.

الموتور حساس جدا لنوع البنزين .

نتشة الفتيس بين الاول و التاني و ان كانت مش عيب لكنها محسوسة ( و يقال انها قلت بشكل ملحوظ بعد السوفت وير الجديد).

التكييف بيقولوا بياثر علي السحب و لكن للامانة انها سوقتها و كنت مشغل التكييف و الصيف في الخليج لا يقارن بمصر و لم اشعر باي مشكة في سحب العربية (و يقال انها اختفت بعد السوفت وير الجديد).

دي خلاصة اللي وصلت لها حتي الان وفي النهاية انت اللي هتركب يعني لازم تسوق الاتنين و انت وحدك اللي تقرر تجيب ايه .

تحياتي

المشاركة الأصلية كتبت بواسطة wella3330

انا في نفس حيرتك بس بفاضل بين شارك فئة تانية و 301 هاي لاين
و احب اقولك اللي وصلت له بعد تجربة قيادة للاتنين يمكن يفيدك و نقرر احنا الاتنين ساعتها :u_thin1[1]: و هقولك بموضوعية كل واحدة ما لها و ما عليها من غير تعصب (لانه ما ينفعش اقولك هات دي او دي و خلاص لازم اسباب) :n_no[1]:.


شارك 2015:

مميزات

خارجيا شكها هجومي و جذاب و بالرغم انها نفسها من 2008 الا انها مازات ملفته للانظار.

داخليا فقيرة شوية في الخامات و التقفيل و الاوبشن (بتكلم علي فئة تانية وكيل).

موتور قوي 117 hp مع ناقل اربع سرعات عادي مش ستيب ترونك بس تسارعها جيد خصوصا بعد 80 كم/س.

تكييف ياباني مش هقول اكتر من كده.

صالون واسع و مريح.

عفشة خلفية multi link محترمة جدا و ده سر ثابتها و ان كانت علي حساب الراحة لانها عفشة رياضية.

عيوب

شنطة هي الاصغر في فائتها.

صوت الموتور مسموع و عالي نسبيا و ده يرجع للعزل المتواضع للمقصورة بالاضافة ان صوت موتوها mivec هو موتور رياضي .

صوت احتكاك الاطارات مسموع داخل المقصورة ( يقال انها بتنتهي مع تغيير نوع الكاوتش ).

باور تقيل نسبيا لانه هيدروليك.

قطع غيار غالية بالنسبة ل 301 , يعني الكوبلن ب 5000 في التوكيل و مش موجود و فانوس امامي معدي 2000 و اكصدام امامي برضه كاسر ال 2000 !! (و جروب الشارك علي الفيس هيفيدك في موضوع قطع الغيار داخل و خارج التوكيل)

بيجو 301

مميزات

شكل جديد و هجومي.

موتور 115 hp مع ناقل من اربع سرعات ستيب ترونك و تسارعه مرضي جدا بعد 60 كم/س.

داخليا الهاي لاين اشيك و افضل في التقفيل من الشارك.

كماليات كتير مقابل الشارك اللي بتنزل متنفضة.

صالون واسع طوليا و لكن عرضيا الشارك اوسع.

اسعار قطع الغيار داخل التوكيل معقولة جدا بالنسبة لعربية اوروبي و طبعا اقل بفرق ملحوظ عن الشارك.

شنطة حجمها جيد.

مكيف جيد لان الكمبريسور ياباني.

باور خفيف جدا ( كهربائي).

صاج خارجي اتقل من الشارك.

عيوب

اعتمادية الفرنساوي لا تقارن بالياباني ,اقل طبعا و ان كانت البيجو افضل الفرنساوي في مصر كسمعة الا ان العربية لسه جديدة في السوق و مع الوقت هيبان مدي اعتماديتها بعكس الشارك اللي اتهرست في السوق من 2008.

عفشة خلفية عادية torsion beam و طبعا مش هتاخد منها نفس ثبات الشارك لكنها مريحة اكتر.

الموتور حساس جدا لنوع البنزين .

نتشة الفتيس بين الاول و التاني و ان كانت مش عيب لكنها محسوسة ( و يقال انها قلت بشكل ملحوظ بعد السوفت وير الجديد).

التكييف بيقولوا بياثر علي السحب و لكن للامانة انها سوقتها و كنت مشغل التكييف و الصيف في الخليج لا يقارن بمصر و لم اشعر باي مشكة في سحب العربية (و يقال انها اختفت بعد السوفت وير الجديد).

دي خلاصة اللي وصلت لها حتي الان وفي النهاية انت اللي هتركب يعني لازم تسوق الاتنين و انت وحدك اللي تقرر تجيب ايه .

تحياتي

الله ينور عليك بجد كلام زي الفل وموضوعي وغير متحيز
انا في نفس الحيرة دي مع العلم اني معايا لانسر 2007 وقبلها كان معايا لانسر 2002 فبالنسبالي لو اشتريت لانسر للمرة التالتة يبقى كتير بصراحة وكمان انا مشكلتي مع اللانسر ان صالونها فقير ومافهاش اوبشنز كتير مقارنة بال301 الهاي لاين ده غير التقفيل وجودة الخامات اللي في ال301

وغير كل دا انا عاوز اطلع من الياباني واجرب الركوبة الاوروبي وال301 هي اكتر سعر اروروبي مناسب مقارنة بالسيات التوليدو مثلا او الرينو الفلوينس