الموضوع: هوه مواتير الايكوتيك بتوقف لوحدها

شكرا لصاحب الموضوع


انتوا قلبكم ضعيف ليه كدا !


بنا اني كنت مشهور ان رجلي طارشه ايام زمان بقى دلوقتي بشوف الطريق بالعافيه

ومكنتش بارضى اجرب عربيات فالتوكيل عامله اكتر من 60 الف كم .. خوفا من العواقب

وزمان لما كنت بشد بعربيتي مع حد مكنش عندي مشاكل الموتور يطير مالكبوت

ايام وراحت لحالها بقى

المهم

ال RPM limiter ده معمول ليه ؟ عشان الموتور ميدخلش في ال RED ZONE !!

طيب هيحصل اه يعني !

هيحصل ان الصمامات هتخبط فالبساتم ! اه عند السرعاد المرتفعه دي السوست اللي بترجع الصمام مش هتلحق ترجعه هيرشق في البستون وشكرا كدا


المواتير لازم يكون عليها RPM limiter وده بيتعمل بطريقتين

الاولى والقديمه لو الموتور بوابه عاديه مش كهرباء وحضرتك دايس ومصمم يعمل اه عشان ينفضلك ويحمي نفسه ؟! بيقطع بنزين عن الرشاشات الموتور يبدا ينزل بال RPM فيرجع اشاره الرشاشات تاني فضخ بنزين تاني يبدا ال RPM يعلى وهكذا ودا الصوت المتقطع بانتظام اللشهير بتاع التفصييل اللي بنسمعه DIN DIN DIN DIN DIN

الطريقه التانيه مع المواتير اللي البوابه فيها كهرباء

الحمايه بتكون انه بينفض لدوسه رجلك و بيقفل البوابه و مهما دوست البوابه مش هتفتح فتحه اكبر من ال 6500 RPM فالفكتر اسي مثلا

طبعا الفتحه دي بتختلف في السلانسيه عن on gear او وانت معشق و بتسحب

مثلا عالسلانسيه دوس عالاخر هتلاقي ال RPM ثبت قبل ال RED ZONE و فقدنا اعظم لحن فالتاريخ .. لحن التفصيل


لكن طبعا ده اكتر امان للموتور عشان مش بيترجرج زي زمان ياثر عالقواعد واجزاء الموتور نفسها




ده مش اخر المطاف انت لسه تقدر تخش فال RED zone بالرغم من الحمايه عالموتور ؟؟؟ ازاي بقى ؟؟


لو سقط نقلتين مره واحده مثلا الفتيس هيجبر الموتور يخش فال red zone حتى لو بطلت العربيه



و لو متابع سير الكاتينه و نوعه اصلي فصل براحتك ولا تخاف من اي حاجه بس ميبقاش اسلوب حياه يعني عشان متستهلكش الموتور عالفاضي


الفكترا سي والاسترا اتش بتفف قبل ال Red zone سواء سلانسيه او معشقه

صحيح الفكترا سي بتجيب ال limit بتاع ال RPM عالخامس على فكره و بالفتيس الاصلي بتكون 210 كم ساعه


ال 235 ده يا عداد بايظ يا فتيس مش بتاعها