الموضوع: هام جدا بخصوص امبير الحراره في الفيكترا بي...

بسم الله الرحمن الرحيم..
مريت بتجربه بخصوص الحراره عاوز اعرضها عليكم للفايده لانها دوختني !! لغايه ماوصلت للحل بفضل الله..
-الطبيعي ان المروحه تشتغل عند 90د وتنزل لغايه 85د جوه البلد ..تمام
وفي السفر هتنزل شويه لغايه 80د وتقف تماما . ده طبعا لو حضرتك مركب ترموستات الكوع وسويتش الحراره الريكومندد 95-100 100 - 105 د .

-اللي حصل معايا ان المروحه بتشتغل عند 80د وتنزل لغايه 75د وفي السفر بيبقي الامبير علي الازرق !!!! قعدت كده فتره كبيره. خلالها كشفت علي كل حاجه في دوره التبريد ..اختبرت الترموستات وقيست سويتش المراوح وقيست ميه الدوره وكان كله تمام الحمد لله.ارضي البطاريه وكل الوصلات...طيب ايه اللي بيحصل ده؟؟

لاحظت حاجه دي اللي وصلتني للحل .ان رانج امبير الحراره في الوضع الحالي هو نفس رانجه في الوضع الطبيعي اللي المفروض يبقي عليه . بس قيمته اقل شويه .زي مايكون ماخر العشر درجات الفرق ..

بسم الله وفكيت صوباع الحراره اللي مسؤل عن الامبير ( راكب في مانفولد الميه من فوق وعليه ريشه نحاس وخارج منه سلك) لقيته ماكسد جامد او بمعني تاني مجنزر لانه نحاس زي حساس
الكولانت كده .كان يوم جمعه ومحدش فاتح . قلت انظفه واشوف . نظفته بفرشه سلك دواره عندي ع الشنيور لغايه مابقي بيلمع وركبت وانا باترقب

الحمد لله الامبير رجع لحالته الطبيعيه .واللي عاوز اقوله ان اي حد عنده لخبطه في الحراره مش
شرط تكون بسبب مشكله في الدوره . ممكن جدا يكون عيب في صباع الحراره المسؤل عن الامبير
ممكن ننظفه حتي نبدا به للطمانينه مش هنخسر حاجه .

اخيرا للي عاوز يفكه وينظفه , قبل الفك هتفضي شويه ميه من القربه ( تقريبا ملو القربه بس) علشان ميه التبريد ماتقعش ع الارض - الريشه النحاس راكبه علي مسمار الصباع من فوق لتحت, شدها انت لفوق ماتخافش من حاجه ومفتاح بلدي مشنشر مقاس 13 وفك ونظف وعيش
دي صوره الصباع بعد النظافه . للاسف ماصورتش قبل النظافه بس ممكن تتخيل ان لونه كان اسود *بني*اخضر...