الموضوع: اخيراااااااااااا استلمت النهاردة

المشاركة الأصلية كتبت بواسطة john_hurghada

شكراااااا ياجماعة على التعاون دا بجد
ياستاذ معاذ صدقني وهم بيسلموني قالولي انها سيريون :D

بصوا ياجماعة فى الاول لازم تعزروا خبرتي
اللى اعرفوا ان الباور هو ان الدريكسيون يرجع توماتيكي بعد ملف يو ترن ولا حاجة
ياريت لو المعلومة غلط حد يصححلي

موضوع السخونة دا كان تقدير اخويا للعربية لما حط ايدو على الكابوت بعد مامشي بيها 5 دقايق

هي فراملها شديدة شوية !!!!
فى حاجة كمان عايزة اسأل عليها، كاوتش الاستبن حاسيت انو بتاع موتسيكل هو مش لازم يبقى نفس مقاس الكويتش بتاع العربية ؟

الف مبروك على العربية الجديدة .. ده اولا
ثانيا بأه ..يقال والله اعلم ان الباور هو ان الدركسيون يبقى خفبف فى ايدك وانت بتحود .. وده هتحس بقيمته وانت بتركن .. ولو حبيت تحس بقيمته اكتر جرب تسوق عربية لادا او نيفا او حتى فيليشا
ثالثا .. تقدير سخونة العربية من الكبوت غير سليم بالمرة .. لازم تعتمد على المؤشر "داخل التابلوه" او فى حالتك انت لمبة الحرارة ...لان الكبوت لازم يكون سخن . خاصة وان رجلك لسه مش واخدة على العربية .. ملحوظة .. متنساش ان العربية كمان لسه فى التليين ..ولازم متقرصش على الموتور اول اسبوعين او ثلاثة ..
رابعا .. حتة الفرامل الشديدة دى .. فاعتقد انك بتقارنها بعربية سابقة انت متعود عليها وكل عربية وليها احساسها .. بجانب حاجات اهرى كتير .. زى حالة الطنابير والتيل والسيرفو .
خامسا .. اى كاوتش استبن بيظهر وكأنه اصغر من الكاوتش اللى راكب وده لانه مش شايل اى حمل ولا مضغوط بفعل ثقل العربية .. وانت ممكن كمان تتأكد من قياسات الكاوتش سواء الاستبن او اللى راكب فى العربية وهتلاقى المقاسات دى مكتوبة بارقام بارزة على جوانب الاطار .. شوف كده واتأكد انها متطابقة .. لحسن يكون غلطوا وادولك الاستبن بتاع التوك توك الخاص بصاحب معرض السيارات
واخيرا .. مبروك مرة ثانية .. وحاول تسمتع بريحة العربية والفرش الجلد الجديد .. لان دى رائحة متتعوضش ومتلاقيهاش غير فى العربيات الزيرو

المشاركة الأصلية كتبت بواسطة placebo

خامسا .. اى كاوتش استبن بيظهر وكأنه اصغر من الكاوتش اللى راكب وده لانه مش شايل اى حمل ولا مضغوط بفعل ثقل العربية .. وانت ممكن كمان تتأكد من قياسات الكاوتش سواء الاستبن او اللى راكب فى العربية وهتلاقى المقاسات دى مكتوبة بارقام بارزة على جوانب الاطار .. شوف كده واتأكد انها متطابقة .. لحسن يكون غلطوا وادولك الاستبن بتاع التوك توك الخاص بصاحب معرض السيارات

:)
لا لا .. الاستبن بتاع السيريون فعلا صغير زي ما معاذ قال مش تخيل ..
و نفس الموضوع اعتقد متبع في الجولف الجديد ... و هو حجمه قريب جدا لحجم الكاوتش بتاع الفيزبا

المشاركة الأصلية كتبت بواسطة Hassan Khalil

:)
لا لا .. الاستبن بتاع السيريون فعلا صغير زي ما معاذ قال مش تخيل ..
و نفس الموضوع اعتقد متبع في الجولف الجديد ... و هو حجمه قريب جدا لحجم الكاوتش بتاع الفيزبا

ايوه .. انا شفته فى عربية جولف او فابيا "تقريبا" قبل كده .. وكنت فاكر ان صاحب العربية مشتريه كده مخصوص ، ومش مهم شكله مادام قطر العجلة الاستبن هو نفس قطر الكاوتش الاصلى .. لكن مكنتش اعرف ان فيه عربيات جديدة بتنزل بالاستبن السيسى ده !! .. اشك انه يكون تيوبلس زى الكاوتش الاصلى !!
عموما شكرا على المعلومة والتصحيح

ألف مبروك على العربية وكلام الشباب كله صح
وعقبالي ، انا نفسي فيها أنا كمان ودخلت هنا أشوف رأي الناس فيها

ألف مبروك مرة تانية