يعنى اية انتى لاك .. و ما الفرق بينة و بين الباك فير
يعنى اية انتى لاك .. و ما الفرق بينة و بين الباك فير
متابع
متابع
اللى اعرفه هو الانتى لاج anti lag لو ده اللى قصدك عليه
هو وسيله بتخلى عربيات السبق او العربيات اللى فيها مواتير قويه و خصوصا لو معاها تيربو ما تتأخرش فى الاستجابه لدوسة رجلك على الاكسلريشين لان طبعا جزء من الثانيه بيفرق عند الناس دى و ليها كذا طريقه فى ناس بتعدل نظام توقيت خلط الهوا و البنزين و فى ناس بتحقن نيتروس كميه محدوده فبيقضى على اى تأخير ممكن يحصل لحد ما التيربو يعطى كامل قوته
الانتى لاج دا ف المواتير التيربو
عشان يقلل اللاج اللى هو اكبر مشكلة ف اداء التيربو
الباك فاير دا حاجة تانية خالص
كيت بيركب للعربية و يخلى الشكمان يطلع نار لما تزود بنزين و تدوس على الزرارا المخصص
و ع فكرة فى مشاكل معينة ف العربية ممكن تخلى الشكمان يطلع نار
و خلى بالك ان الباك فير ممكن يحصل ف المواتير التيربو اللى فيها انتى لاج
و بتبان اوى لما السواق يرفع رجلة من ع البنزين و دا بسبب ال misfiring
بس الحكاية دى هتلاقيها ف عربيات السباقات مش ف العربيات العادية
ال anti-lag ده بيتعمل في العربيات اللي فيها مواتير تربو , لان التربوهات خصوصا الكبيره بتعمل حاجه اسمها lag يعني بتبتدي تحس بسحب التربو متاخر علي rpm عالي و هنا بقي وظيفه ال anti-lag انه يعمل سلسله فرقعات تخلي التربو حاضر معاك و طبيعي انه يعمل back fire كتير مع اصوات فرقعه ... اما ال back fire اللي تقصده ده جهاز بيركب في اي عربيه متوصل بزرار فتح و قفل لما تفتحه و تكبس شويه بنزين يحرقلك البنزين الني و يطلع نار من الشكمان و ده ملوش اي هدف غير الشكل و يعتبر اذي جامد علي الموتور لاسباب كتير منها انك بتفصل علي الفاضب و المليان علشان يبقي عندك كميه بنزين ني كافيه تتحرق و منها ان ده بيزود ال back pressure علي الموتور و في الاخر ملوش اي فوايد برضه ال anti-lag ليه اضرار زي انه عامل ضغط علي التربينه و فاتحها طول التراك اللي نازلاه العربيه و بيقلل عمرها جامد ده غير مشاكل ثانيه من ال misfiring ممكن تعمل مشكله في نظام التربو كله -بس اخر سبب ده مش فاكر تفاصيله للاسف لانه كان اتشرحلي من واحد صاحبي مهندس ميكانيكا من زمان و نسبت ايه السبناريو اللي ممكن يحصل يبوظ الدنيا كلها -
و شكرا يا رجالة على ارائكم القيمة