تحذير بخصوص فك طلمبة ماء التبريد حتى لا تتلف اشياء اخرى سكودا فليشيا

السلام عليكم
طريقة تغيير طلمبة ماء التبريد لسكودا فليشيا

الطلمبة دى اللى ميعرفهاش لازم يبوظ الكوبلن الداخلية لية علشان ليها طريقة فك معينة
و غير كدة هى سهله جدااااا

اولا سيادتك هتفك مسامير قاعدة الطلمبة و يكون الفك تهوية مش بقولك تشيل المسمار لالالالالا

ثانيا هتجيب جلفيت علشان هترفع علية العربية هتقولى ماهو الكوريك هيرفعها و خليه عليه هقولك لا يا ناصح دى شغل تانى

ثالثا هتفك العجلة اللى ناحية البطارية هتقولى اية علاقتها بالطلمبة هقولك اصبر اللغز جاى جاى
و هترفعها على الكوريك و بعد كدة هتريح العربية على جلفيت ( جلفيت دة زى قاعدة حديد العربية بتقعد عليها )

رابعا هتفك سير المجموعة ازاى هتهوى ريجلاش الدينمو هتلاقى السير بقى مرخى شيله من على الطنابير

خامسا هتجيب الكوريك تحت كرتيرة الزيت بس متنساش تحط حتة خشب بين الكوريك و الكرتيرة علشان قاعدة الكوريك متخرمش كرتيرة الزيت

سادسا حمل بالكوريك مش بقولك ارفع الموتور لالا الكوريك يبقى شايل الموتور بس

سابعا فاكر مسامير القاعدة اللى انا قولتالك هويها متفكهاش ياله ياعم فك المسامير لية لانى الموتور محمل على الكوريك

ثامنا فك قفايز الخرطوم

تاسعا فك مسامير طلمبة المياة كل المسامير و هتلاقى مسمار اتفك و مش راضى يطلع علشان طويل و بيخبط فى صاج العربية صح

عاشرا ريح الموتور لتحت سنة سنة و خلى ايدك خفيفة على الكوريك مش تنزل بيه مرة واحده لالالالالا هتقولى هنزل بيه للحد فين هتلاقى خرم موجود فى الركبة بتاعة المساعد و عليها طبة كاوتش ابقى شيلها هتلاقيها خرم تشوف منه الناحية التانية

احدى عشر هتجيب مفتاح لقمة بدراع طويل و هتيجى ناحية العجلة اللى انتا فاكتها و حط المفتاح فى الخرم هينفد من الناحية التانية و اسحب المسمار بالمفتاح و هيطلع معاك من الخرم

اثنى عشر سيادتك نظف مكان الطلمبة القديمة و ركب الجوان و الطلمبة الجديدة و ركب المسمار اللى انتا فكيتو بالمفتاح القمة بنفس الطريقة و ركب كل مسامير الطلمبة عادى جدااااااو حرق على الرباط

ثالث عشر ارفع الكوريك سنة سنة و شبط مسمار القاعدة ارفع بالكوريك للحد ما الموتور يوصل لمسامير القاعدة و ربط و حرق رباط

رابع عشر راكب الخرطومين و اكد على القفايز

خامس عشر راكب السير و شد ريجلاش الدينمو

السادس عشر اسحب الكوريك من تحت الموتور

السابع عشر ارفع بيه العربية تانى و اسحب الجلفيت من تحت العربية

الثامن عشر راكب العجلة و ربط المسامير العجلة كويس

التاسع عشر سمى بأسم الرحمن و توكل على الله بدون تزويد بنزين

العشرون متنساش تسحب الهواء و تزود المياه التبريد و اقفل على غطاء القربة و اصبر لما العربية تسخن وراجع على الخراطيم و القفايز لمتابعة تسريب

دى اجراءات تغيير طلمبة مياة التبريد
غير كدة هتكون العواقب مش كويسة

المشكلة بقى فى اية او السر فى اية الخرم الموجود فى الركبة او البطاحة بتاعة العجلة علشان تسحب منها المسمار الطويل و هما عاملين حاسبهم كويس قوووووى
يجى واحد مياخدش باله و يقعد ينزل بالموتور علشان يوسع للمسمار يجى الكوبلن يفرك من الفتيس و ممكن يكسره يبقى انتا داخلت نفسك فى قصة تانية

ربك المستعان

تحياتى بالتوفيق للجميع
منسق قسم سكودا
م / احمد سيد

ياباي ع الذل

تسلم ياباش مهندس على الشرح الوافي

يخبر كدا صعب قوى ياباش مهندس مستحيل ياعم بسطها مصعبهاش الموضوع سه جدا والخطواط اللى حضرتط ذكرتها تخلى اى واحد مستحيل يقبل على تغيير الطلومبة بنفسة هو علشان نخرج المسمار الطويل عازه يشترى جليفيت طيب متنفعش دقمة اللحمة او اى حجر يعنى من الادوات المجانية المتوفرة الجلافيت دا شغل الورش ومش الصغيرة لالالالالا الورش الكبيرة بعدين انا مش شايف داعى للقصة دى مهو احنا لما بنيجى نغير كوبلن داخلى لازم نفك الفردة ونريح المقص على هواه وهاتك يافك واحيانا دق على اسكترا الدريكسيون ومع ذالك الكوبلن مشتكاش**

يعنى التضخيم وكثرة الخطواط تخوف بجد انا شخصيا خفت احنا بنتعامل مع زملاء وبنعرض تجارب شخصيا احنا قمنا بيها فعليا***

وفك الطلومبة مش عاوز فن الفن فى تنظيف مكانها وتركيب الجوان بس خلاص***

انا روحت عملت معاينة على الطبيعة لفيفورتى مش حنحتاج نفك الفردة نهائيا المسمار اللى حضرتك بتتكلم على المسمار ال17 اللى ماسك القاعدة ***

اول حاجة حنفع الصامولة ال17 ونرفع الموتور من كارتيرة الزيت سنة سنة لحد منلاقى المسمار بقى حر الحركة نسحبة من الخرم من غير ما نفك فردة يكفى انك تكسر العجل اقصى اليمين حيظهر معاك المذكور نسحب منه المسمار **

بعد كدا السير والصواميل اللى ماسكة الطلومبة هى كلها جوايط وعليها مسامير 12 او 13 تفك ترفع العربية حتى زور القاعدة علشان نحرك القاعدة للخارج لتتحرر من الجوايط وحتلاقى طنبورة الطلومبة فى مكان واسع ارفع كمان سنة اوسع تخرج الطلومبة وبكدا نركب الجديدة وبالسلامة***

مش هتفرق جلفيت او حجر او اى حاجة تانية ترفع العربية
يعنى هو صعب فك فردة الكاوتش
ياعم صبحى بسبب تغيير طلمبة المياة دى ناس خربت كوبلن بسبب تريح الموتور للتحت
الكوبلن لية مدى فى الصعود و الهبوط لما بتيجى تريح للموتور للاخر بيخلى الكوبلن بيفرك
و الموضوع كله مش هياخد اكتر من ساعة بالظبط و لو حد عاوز يغير يقولى و نصور كمان علشان الناس تيبقى عارفة و انا شارح بالتفصيل الممل
ربك المستعان

اقتباس:

---

المشاركة الأصلية كتبت بواسطة engahmedsayed

مش هتفرق جلفيت او حجر او اى حاجة تانية ترفع العربية
يعنى هو صعب فك فردة الكاوتش
ياعم صبحى بسبب تغيير طلمبة المياة دى ناس خربت كوبلن بسبب تريح الموتور للتحت
الكوبلن لية مدى فى الصعود و الهبوط لما بتيجى تريح للموتور للاخر بيخلى الكوبلن بيفرك
و الموضوع كله مش هياخد اكتر من ساعة بالظبط و لو حد عاوز يغير يقولى و نصور كمان علشان الناس تيبقى عارفة و انا شارح بالتفصيل الممل
ربك المستعان

---

ربنا يجزيك خير طبعا انا مش مختلف معاك والله و انا عارف ان حضرتك بتتكلم كلام علمى بس للاسف دا بيصعب المسائل احنا بنتكلم بلغة الهواة الميسره وانا روحت على الطبيعة مش مهم فك الفردة بتاتا * يبقى الكوبلن خارج الموضوع من اساسة حتى لو داخل الموضوع عمرك ما روحت غيرت كوبلن خارجى وشفت الدق بمرزبة مش شاكوش الى بيضة الدريكسيون والكوبلن ماقلش اى اى اى !!!!!!!!!!*يعنى احنا هواة مش دارسين ولله الحمد بنعمل كل حاجة فى العربية بابسط الادوات واقل التكلفة ودا اللى بنقصدة من الدروس والتوجيهات اللى بنكتها للزملاء هنا وعلى فكرة مع بساطة ما نقول بنلاقى برضو ناس معندهاش استعداد اصلا انها تعمل العمل دا بايدها بس اهو ممكن يتعلم الغير **

اقتباس:

---

المشاركة الأصلية كتبت بواسطة engahmedsayed

السلام عليكم
طريقة تغيير طلمبة ماء التبريد لسكودا فليشيا

الطلمبة دى اللى ميعرفهاش لازم يبوظ الكوبلن الداخلية لية علشان ليها طريقة فك معينة
و غير كدة هى سهله جدااااا

اولا سيادتك هتفك مسامير قاعدة الطلمبة و يكون الفك تهوية مش بقولك تشيل المسمار لالالالالا

ثانيا هتجيب جلفيت علشان هترفع علية العربية هتقولى ماهو الكوريك هيرفعها و خليه عليه هقولك لا يا ناصح دى شغل تانى

ثالثا هتفك العجلة اللى ناحية البطارية هتقولى اية علاقتها بالطلمبة هقولك اصبر اللغز جاى جاى
و هترفعها على الكوريك و بعد كدة هتريح العربية على جلفيت ( جلفيت دة زى قاعدة حديد العربية بتقعد عليها )

رابعا هتفك سير المجموعة ازاى هتهوى ريجلاش الدينمو هتلاقى السير بقى مرخى شيله من على الطنابير

خامسا هتجيب الكوريك تحت كرتيرة الزيت بس متنساش تحط حتة خشب بين الكوريك و الكرتيرة علشان قاعدة الكوريك متخرمش كرتيرة الزيت

سادسا حمل بالكوريك مش بقولك ارفع الموتور لالا الكوريك يبقى شايل الموتور بس

سابعا فاكر مسامير القاعدة اللى انا قولتالك هويها متفكهاش ياله ياعم فك المسامير لية لانى الموتور محمل على الكوريك

ثامنا فك قفايز الخرطوم

تاسعا فك مسامير طلمبة المياة كل المسامير و هتلاقى مسمار اتفك و مش راضى يطلع علشان طويل و بيخبط فى صاج العربية صح

عاشرا ريح الموتور لتحت سنة سنة و خلى ايدك خفيفة على الكوريك مش تنزل بيه مرة واحده لالالالالا هتقولى هنزل بيه للحد فين هتلاقى خرم موجود فى الركبة بتاعة المساعد و عليها طبة كاوتش ابقى شيلها هتلاقيها خرم تشوف منه الناحية التانية

احدى عشر هتجيب مفتاح لقمة بدراع طويل و هتيجى ناحية العجلة اللى انتا فاكتها و حط المفتاح فى الخرم هينفد من الناحية التانية و اسحب المسمار بالمفتاح و هيطلع معاك من الخرم

اثنى عشر سيادتك نظف مكان الطلمبة القديمة و ركب الجوان و الطلمبة الجديدة و ركب المسمار اللى انتا فكيتو بالمفتاح القمة بنفس الطريقة و ركب كل مسامير الطلمبة عادى جدااااااو حرق على الرباط

ثالث عشر ارفع الكوريك سنة سنة و شبط مسمار القاعدة ارفع بالكوريك للحد ما الموتور يوصل لمسامير القاعدة و ربط و حرق رباط

رابع عشر راكب الخرطومين و اكد على القفايز

خامس عشر راكب السير و شد ريجلاش الدينمو

السادس عشر اسحب الكوريك من تحت الموتور

السابع عشر ارفع بيه العربية تانى و اسحب الجلفيت من تحت العربية

الثامن عشر راكب العجلة و ربط المسامير العجلة كويس

التاسع عشر سمى بأسم الرحمن و توكل على الله بدون تزويد بنزين

العشرون متنساش تسحب الهواء و تزود المياه التبريد و اقفل على غطاء القربة و اصبر لما العربية تسخن وراجع على الخراطيم و القفايز لمتابعة تسريب

دى اجراءات تغيير طلمبة مياة التبريد
غير كدة هتكون العواقب مش كويسة

المشكلة بقى فى اية او السر فى اية الخرم الموجود فى الركبة او البطاحة بتاعة العجلة علشان تسحب منها المسمار الطويل و هما عاملين حاسبهم كويس قوووووى
يجى واحد مياخدش باله و يقعد ينزل بالموتور علشان يوسع للمسمار يجى الكوبلن يفرك من الفتيس و ممكن يكسره يبقى انتا داخلت نفسك فى قصة تانية

ربك المستعان

تحياتى بالتوفيق للجميع
منسق قسم سكودا
م / احمد سيد

---

الله ينور يا باشمهندس احمد كلامك سليم 100 % لان تجربتى مع الموضوع ده كانت مريرة جداً والميكانيكى الفاشل قعدنى عنده من 11 صباحاً وحتى 7 مساء وقام بأمالة الموتور بشكل مستفز ادى الى تلف وفرك صليبة الكردان و كان هيعوج طارة الكرنك ودمرلى الدنيا وندمت انى غيرتها وكان يوم مش ممكن انساه ابداً وكان فيه ميكانيكى قبله كان قالى لازم اشيل الموتور كله بره علشان اغير الطلمبة مش عارف ليه الزنقة دى فى الفيليشيا انا كنت بغيرها فى عربيتى 127 القديمة فى ربع ساعة بالكتير ...
ارجو تثبيت الموضوع لاهميتة وشكراً ..

اقتباس:

---

المشاركة الأصلية كتبت بواسطة maged_samy

الله ينور يا باشمهندس احمد كلامك سليم 100 % لان تجربتى مع الموضوع ده كانت مريرة جداً والميكانيكى الفاشل قعدنى عنده من 11 صباحاً وحتى 7 مساء وقام بأمالة الموتور بشكل مستفز ادى الى تلف وفرك صليبة الكردان و كان هيعوج طارة الكرنك ودمرلى الدنيا وندمت انى غيرتها وكان يوم مش ممكن انساه ابداً وكان فيه ميكانيكى قبله كان قالى لازم اشيل الموتور كله بره علشان اغير الطلمبة مش عارف ليه الزنقة دى فى الفيليشيا انا كنت بغيرها فى عربيتى 127 القديمة فى ربع ساعة بالكتير ...
ارجو تثبيت الموضوع لاهميتة وشكراً ..

---

انتا فينك ياراجل يا طيب انتا تختفى تختفى و ترجع
عاوزينك معانا على طول دة حتى انتا من القداما
و موضوع فك الطلمبة اللى ميفهمش فى الفليشيا يخرب الدنيا
و دى قصة الفليشيا و قول بقى لعم صبحى علشان الناس هنا مش مصدقانى
انى ممكن فك الطلمبة يعمل خسائر و على فكرة بالقصة اللى انا شارحها بالظبط ساعة زمن و اية دلع
ربك المستعان

اقتباس:

---

المشاركة الأصلية كتبت بواسطة EngAhmedSayed

انتا فينك ياراجل يا طيب انتا تختفى تختفى و ترجع
عاوزينك معانا على طول دة حتى انتا من القداما
اكيد معاكم علطول بس شوية مشاغل
و موضوع فك الطلمبة اللى ميفهمش فى الفليشيا يخرب الدنيا
و دى قصة الفليشيا و قول بقى لعم صبحى علشان الناس هنا مش مصدقانى
انا بعمل كل حاجة فى العربية بأيدى بس اليوم ده مش عارف ايه اللى خلانى اروح لميكانيكى وكانت تجربة مريرة فعلاًَ و انا قولته حاسب الصليبة يقولى متقلقش يا بيه وعامل فاهم وهو .. مش فاهم حاجة ، بس فعلاً موضوع الطلمبه ده اللى مش عارف طريقته لازم يقول فك موتور او ينيل الدنيا علشان يغيرها من غير ما يفك الموتور وكلامك كله مظبوط جداً واللى مش مصدق يجرب يفكها هو بطريقتة ويقولنا لو كانت اسهل يبقى كتر خيره .

ربك المستعان

---

وده رابط المشاركة اللى انا كنت عاملها سنة 2012 لما غيرت الطلمبة

http://www.nilemotors.net/Nile/318727-a.html

انتا عارف يا استاذ ماجد انتا بردك بتفكرنى بحاجة تانية
و هى اية
علبة الدركسون هههههههههه
دى بردك فى للغز للى مبيفهمش هيعمل اية هيخبط و يرزع و يخرب الدنيا
و انا رديت عليك فى الموضوع ده قبل كدة
و هو انتا لازم تفك عمود علبة الدركسيون من تحت التابلوه الاول
يعنى لو هنقول بالترتيب
هتفك فبرة الدركسيون هتلاقى مشرشر مربوط بصامولة 13
و بعدين هتفك المشرشر
و اديها بضهر المفك دقة كدة خفيفه هتملص من بعض
افتح بقى الكبوت و فك مسامير قاعدة العلبة و عيش
و للغز تانى هتسحب العلبة منين
اسحبها من عند ناحية باب السواق و فك العجلة علشان توسع لنفسك
دخل العلبة الجديدة من نفس مكان القديمة

هيجى واحد فتك هيقولى هو انا لازم افك الفبرة و فك المشرشر
هقولو جرب يا باشا
هيجرب فعلا بس هيجى يطلع العلبة من المشرشر بقى بتاع العلبة مش الصالون هتقف معاه على 2 او 3 مللى و هيجى يمين و شمال و يدق بشكوش و يرزع و يغطس فى حوض الموتور
اهو 2 او 3 ملى بتوع ملص المشرشر من علبة الدركسيون مش هتجيبهم الا لما تفك المشرشر بتاع الصالون
شوفت بقى
اافهم نفذ هتنجح

فى مقولة سمعتاها من لواء مهندس وراجل خبرة عليا جداااا و يعتبر استاذى و كل كلمة فاكرها
بيقولى اية
قسم المشكلة للعدة اقسام
اعرف سبب المشكلة يبقى انتا حليت المشكلة بنسبة 50%
تحضير قطعة الغيار 10%
اعرف هتفك و هتركب ازاى و اتخيل الفك و التركيب يبقى انتا حليت 40%
بالتوفيق للجميع

تمام الله ينور انا غيرتها قبل كده وكانت بهدلة وفعلاً معرفتش اركبها الا لما فكيت العمود بتاع الدركسيون من تحت الفبرة .... الفيليشيا دى كلها اسراااااااار ..

اقتباس:

---

المشاركة الأصلية كتبت بواسطة maged_samy

تمام الله ينور انا غيرتها قبل كده وكانت بهدلة وفعلاً معرفتش اركبها الا لما فكيت العمود بتاع الدركسيون من تحت الفبرة .... الفيليشيا دى كلها اسراااااااار ..

---

و لسة فيها اسرار لم تكتشف بعد
ربك يسهل الحال

تسلم يا باشمهندس احمد .