والله يا أفندم برضو هى ما ينفعش تقوللي إن شالله ما روحت ، رد فعلي الطبيعي هيكون كدة ودي أول مرة تطول لسانها كدة. أنا مش بعرف أعبر بالكلام كتير لأن بعد وجود الأولاد وضيق الوقت مفيش فرصة ، بس أنا لا أبخل عليها بشيء ، وكانت أمنية حياتها تطلع عمرة خدتها معايا في فبراير اللي فات ، ولما جيبت لنفسي نوت 2 كانت هى عاوزة تغير موبايلها (مينفعش أقول الكلام ده بس لازم أوضح) وكانت عاوزة حاجة أقل من النوت 2 وكانت هى اللي هتدفع تمنه ، جيبت لها موبايل زي بتاعي بالضبط وقلت لها ده هدية مني ومش عاوز فلوسه ده على سبيل المثال. تابع بقية ردودي. وشكراً لردك.
كلمتها كتير في أهمية حرص المرأة على أن تلبي طلبات زوجها ، وقلت القصة المأثورة للست اللي مات ابنها ورجع جوزها من الشغل حضرت العشاء وتزينت له وقعدو مع بعض ثم ذكرت له أن الله استرد وديعته. ده أنا بإذن في مالطة بقالي 12 سنة. وممكن عصبيتي بتزيد نتيجة انغماسها مع الاولاد والبيت ، ده حتى في أجازة الدارس على طول في المطبخ يا إما بتكلم مامتها في التليفون بالساعات. وكلمتها في موضوع التيفون ده كتير وإن مامتها أو هى ما يكلموش بعض في نص الليل لمدة تصل إلى ساعة دون فائدة.
أنا عشان ما أشمتش (أنا مش بشمها بأهلها لا سمح الله ولا بأي شتيمة تانية ، هى كلمة مش عاوز قلة أدب أو أنتي قليلة الأدب هو أقصى ما أتفوه به) يبقى لازم هى تتكلم معايا بطريقة كويسة. تابع بقية ردودي أخي الفاضل. وشكراً لك يا غالي.
عندك حق
أخي الفاضل ، وضوع هشششش ده رد يدل على الاحتقار ، هتحس بكدة لما تيجي تتكلم مع حد أو تزعق معاه يقولك هششششش وكأنك دبانة ، لو زعقت زيي وردت بنرفزة أفضل ما تقوللي هش.
وأنا كنت متنرفز جدا ساعتها احنا كنا متخانقين وأنا رجعت من الشغل خدتها من عند مامتها ورجعنا البيت وكنت ما فطرتش ، نمت وقلت هتصحيني على الغدا صحيت المغرب ولا لقيت أكل ولا هى قالت لي اشتري أكل واحنا راجعين عشان ما عملتش أكل ولا صحيتني في ماعد الغدا وقالت لي قوم هات أكل ولا أي حاجة ، فبعاتبها بس طبعا كان بصوت عالي لقيت ردها كدة.
بالنسبة للزعيق والصوت العالي فأنا لا أحبذ أن المرأة يعلو صوتها وإن كنت بعديه كتير ، ولكن لما تغلط في الكلام هو ده اللي لا أطيقه ولا تقبله كرامتي.
بارك الله فيك ، كلها فعلا تفاهات بس الغلط من ناحيتها بالنسبة لي خط أحمر. الرجال قوامون على النساء ، وأنا أقصى حاجة بقولها مش عاوز قلة أدب وده لما أحس انها غلطت أو هتخش في الغلط.