ماذا يحدث فى سوق السيارات

**El Prince** · 28-09-2014 03:20 PM

المشاركة الأصلية كتبت بواسطة mokem

بالاسعار دى الواحد يدفع مقدم عربية زيرو ويقسط الباقى. والاسم راكب عربية زيرو وعارف كل مسمار فيها .
رائيكو اية؟

+ 11111111111110 هو ده الكلام المظبوط

**طارق _عبد السلام** · 28-09-2014 03:38 PM

مع هبل تجار العربيات ده يبقى الزيرو يكسب

هتشترى عربيه جديده وتفرمها خمس سنين وبعدين تبيعها باكثر من ثمن شراءها زيرو

هتسمع الكلام ده فى التويوتا والكيا وبعض الماركات

قمه الاستهبال والاستفزاز والتاجر لازم يبقى كذاب ويطير السعر وحظه بقى لما يقع فى زبون بيلف على عربيه من فتره طويله دا بيكون خلاص زهق واستسلم وبيشيل الليله كلها

**Molham** · 28-09-2014 10:34 PM

أنا رأيي ان الزيرو مفيش احسن وفرق مش كبير يعنى لو بصيت لفيرنا 2013 يقولك كسر زيرو وعايز 75 الف فيها وزود انت كمان 3 عقد مسجل ورخصة مع انك ممكن تجيبها زيرو موديل السنة 82 الف وباسمك وانت اول واحد راكبها .واخواتنا هنا بيقولوا مفيش حد عربية مريحاه وبيبعها الا نادرا جدا جدا جدا

**VANTROY** · 01-10-2014 12:21 AM

انا نزلت مرة واحدة فقط السوق دا ...
السمه الرئيسيه للبيع هناك هى " الدهلكة "

اغلب اللى فى السوق ان لم يكن كلهم تجار .... وحتى عربياتهم مشكوك فى امرها

معلش العربيه النضيفه مش بتقعد تاخد تنت فى السوق تحت الشمس

يبقى علشان تروح السوق لازم تكون
1 تاجر وحابب تعملك مصلحة
2 زبون ومعاك عربيه تعبانه وعايز تخلص منها

**amr_elrashidy** · 05-10-2014 11:41 AM

السوق ده بقي تقريبا لتجار المحافظات بينزلوا يلقطوا اي حاجه و يرجعوا محافظاتهم يشتغلوا الناس هناك أو العكس يشتروا من أهلهم بتمن واقع و ينزلوا يعملوا المصلحه في السوق

**Delta Force** · 06-10-2014 04:27 AM

بص انا من تجربتى شوفت العجب لدرجه انى تذبذبت كتير
فى الاول كنت بدور على كليو 2003 شوفت منها بأسعار متفاوتة جدا
من اول 20 الف لحد 40 الف الاعلى من كدة و لو شلم مكنتش بركز معاه
قولت اكيد الأغلى ماسكة سعر عشان الحالة اكتشفت العكس
و فعلا ام 20 الف دى اثبتت وجهت نظرى فتره لانها كانت ميكانيكتها ملخلخه و الماتور مش ثابت
بص الغالى دايما يا اما واحد اول مالك و مش مصدق ان دى مستعملة بمبدا الاثار
يا اما تاجر و اهى مرمية عنده بيقضى بيها مشاوير و بيغير كل يوم عربيه و بيتفسح بيها لحد ما يقع مغفل و يشترى
اتجهت للسيينا و دورت كتير لقيتها من اول 25 لحد 35
احب اقولك اقسم بالله اتباعت ادامى عربيتين بس فى الوقت ده مكانش معايا فلوس
واحده بيضه ب27 و واحدة سودا ب29
لو قولت على الاسعار دى فى المنتدى لو حد من ملاك السيينا حتى لو مش ناوى يبيع هيقولى اكيد فيهم عيب
ده لانه مش عايز يحس ان الاسعار وقت البيع و الفلوس بتقل جدا
و احب اقولكم ان العربيتين كانوا فابريكة و بالأخص السودا تحس انها زيرو و الكلام ده من لسان ملاكها الجداد
و قالولى انها حببتهم فى العربيه دى جدا
بص يا باشا من الاخر الى بيطلب بيطلب و وقت البيع بيقل النص
من خلال اتصالاتى بأكتر الناس الى حاطه اعلانات لما يقولى العربيه اتباعت ممكن يكون طالب فى الاعلان 34 و اقولة بيعت على كام مش بيرضى يقول اقولة والله انا بسئل عشان متخمش يقولى بيعت ب28 او 29 كدة يعنى
فأنت هتسمع المغفل هيشترى فعلا و الى مش مغفل لو فاصل بدون غتاته و فلوسه حاضره هينقص من السعر جامد
و الاضمن فى النهايه ان البيع قبول
حتى لو واحد أشترى عربيه بخمسين و باعها بسبعين اهم حاجه تراضى الطرفين

**S O P H O S** · 06-10-2014 08:39 PM

السوق بقي للتجار فقط فعمليات البيع والشراء
وادي النتيجة بيتحكموا فالاسعار بشكل خيالي
واصبح الجديد هو المنفذ الوحيد او الشراء من الاشخاص
العادين هو الحل الاخير