الموضوع: سيفيك vti مو 2010 بحالة الزيرو

المشاركة الأصلية كتبت بواسطة hany63

طيب ما العربيه خسرت تلت تمنها ولا المفروض ابيعها ببلاش هوا انتم مش حاطيين عامل التضخم
هسئلك سؤال عشان نقرب الفكره
افرض انك اشتريت عربيه زيرو ب ١٠٠ الف و بعد سنه الزيرو بتاعها بقى ب ١٥٠ الف
حضرتك هتبيع بكام و خصوصا انها مطلوبه شكلا عن الزيرو ؟
المفروض على كلامك تبيع ب ٨٥ الف مش كده ولا انت شايف ايه ؟

هيا عمتاً تجارة والصح انها متتباعش بسعرها لما كانت زيرو .. في ناس بتبيع التويوتا كرولا 2007 ب 150 الف مع انها زيرو كانت ب 90 الف تقريباً .. وللاسف بردو في ناس بتشتري ممع انها عربية عادية خالص تتميز بالاعتمادية والنعومة والتكييف وبس

انا مبقللش من شأن الهوندا بالعاكس الهوندا احسن من تويوتا في كل شيء وعربية محترمة جداً على مر الزمان .. بس بردو عامل سعر اعادة البيع لازم البايع يراعي فيه السوق

اتمني تكون فهمتني وفهمت اقصد ايه

وربنا يكرمك بالاحسن منها ان شاء الله

المشاركة الأصلية كتبت بواسطة eng f3lix

هيا عمتاً تجارة والصح انها متتباعش بسعرها لما كانت زيرو .. في ناس بتبيع التويوتا كرولا 2007 ب 150 الف مع انها زيرو كانت ب 90 الف تقريباً .. وللاسف بردو في ناس بتشتري ممع انها عربية عادية خالص تتميز بالاعتمادية والنعومة والتكييف وبس

انا مبقللش من شأن الهوندا بالعاكس الهوندا احسن من تويوتا في كل شيء وعربية محترمة جداً على مر الزمان .. بس بردو عامل سعر اعادة البيع لازم البايع يراعي فيه السوق

اتمني تكون فهمتني وفهمت اقصد ايه

وربنا يكرمك بالاحسن منها ان شاء الله

احنا كدا متفقين طالما قلت انها تتقيم من سعر الزيرو بتاع النهارده
بس اسمح لي اصحح لحضرتك مفهوم انها تجاره
التجاره يا عزيزي مكسب و خساره انما عمر ما المستعمل هتكسب فيه نهائي حتى لو مكسب ظاهري على اساس سعر زمان هتلقى الزيرو زاد برضه عشان اي حد بيبيع يا هيركب زيرو نفس الشكل او اعلى يبقى هيكمل مبلغ محترم يبقى فين المكسب اللهم الا اذا كان بيبيع لظروف عشان يمسك سيوله ويركب الاقل
الصح نقول عرض و طلب و اعتقد من حق اي حد بيبيع يقدر لعربيته اعلى سعر و في الاخر هيبيع بسعر السوق والا يبقى بيهزر
ولعلم حضرتك لسه واحده فاضيه مش ال vti مو ٢٠٠٩ متباعه ب ١٤٠ الف
لما تكون مو ٢٠١٠ ادي المفروض ١٠ الاف زياده و vti تزيد ١٥ الف و كماليات اضافيه بعشرة الالف تاني يبقى كان المفروض ابيع ب ١٧٥ الف على كده
بس انا كنت عامل موضوع في قسم هوندا و فيه ناس قدرت العربيه باءكتر من كده و فيه ناس قدرتها باءقل من قيمتها قمت واخد المتوسط
وده السبب ان المشتري عندي خلص فيها و دفع فلوسها و راح سجل كل ده في ساعتين زمن عشان تعب من اللف و التدوير في حاجات غاليه فعلا و حالتها تعبانه
تحياتي

المشاركة الأصلية كتبت بواسطة swimmer25

مبروك عليك البيع
عربية جميلة فعلا وللأسف عشان الأسعار للجديد في مصر بتعلى فلازم المستعمل يعلى ومالوش علاقة بثمن الشراء وده بسبب التضخم وإرتفاع الدولار
واضح إن عربية هاني باشا نضيفة ما بالكم بقى بالعربيات اللي طالع عينها ويقولك "فابريكا بس رشة إكصدامين وكبوت ورفرف" مش فاهم إزاي أو "فابريكا ورشة نضافة"

أنا شايف إن السيفيك 2009 vti ثوبها 130-140 ودي عربيات عادية علي دوبيزل وعاملين كم كتير
إنما لو حالة نضيفة أوي وكم قليل ممكن المشتري شايف إنه يدفع زيادة بس يريح دماغه وده حقه

ولا العربيات ال 2013 و2014 مستعمل وعاملة فوق ال 20 ألف وتلاقيها بنفس سعر الزيرو أو فرق 3000 جنيه

صحيح هو فيه سيفيك 2011؟ ليه مش بشوف 2011 في السوق على كونتكت ودوبيزل
وكمان هل كل ال vti فيه شفتات بالطارة ولون الفرش بيكون إيه؟ إمتى يكون الفرش إسود وإمتي يكون بيج؟

الله ينور عليك يبقى لما تتباع ب ١٥٦ الف و خصوصا انها مو ٢٠١٠ و حاله زيرو و فيها نافيجيشن و بلوتوث و دي في دي و كاميرا و سبويلرز غير انها في تي اي يبقى كويس جدا
السيفيك مفيش منها ٢٠١١ عشان زي ما انت عارف متعودين بيجيبوا الموديل متاءخر بعد بداية السنه و سنتها قامت الثوره و الدنيا خربت و كان عندهم استوك قديم
و شيفتات الطاره و الزينون موجودين بس في ال ٢٠٠٩ و ال ٢٠١٠ الشكل القديم في تي اي منزلوش في الشكل الجديد نهائي
و الفرش البيج كان بينزل مع اللون الاسود و الجالاكسي غير كده بينزل غامق

المشاركة الأصلية كتبت بواسطة swimmer25

تمام معنى كدا إن أي vti 2009-2010 المفروض يكون فيها شيفتات في الطارة ؟

ده اكيد والا متبقاش في تي اي
ده حتى الفتيس بتاعها نقلاته مختلفه