على رأى صاحب الموضوع ،، دايما موجود مواضيع بتتكلم عن مشاكل الارتباط و اعباء الزواج .... الخ
خدوا الموقف الساخر دا ، اللى بيعرض النظرة المادية للأمر :
مبدأيا ، الموضوع ماديا صعب ... على رأيكم ، ادفع ربع مليون فى شراكة مجهولة المصير ! غير معروفة الشروط :\-مبروك يا معلم ..عقبال البكارى ..
-وانتا مش ناوى تفرحنا بيك ؟
-انتا عارف وجهة نظرى فى الجواز ..
-ايوة بس يابنى ..حتى لو الموضوع متعب مادياً ..بس كل ده يهون ادام لما تروح و تلاقى وجبة سخنة ...وهدوم نضيفة و مكان نضيف ومكان جميل و دنيا جميلة ممتعة ..وراحة نفسية ..ده غير شوية دلع ...انتا فاهمنى طبعاً ..واستقرار نفسى ...الجواز جميل.
-عندك حق ...
-قولتلك ..
-عشان كدة من اسبوع روحت اشتريت ميكرويف و غسالة بمجفف و غسالة اطباق و شاشة 50 و بلاى ستيشن 4 و كام اسطوانة و اشتركت فى اعلى باقة نت ...واشتريت لابتوب محترم ..وكرسى دفاية و تدليك ..وتكييف ...وبأجر طباخ بييجى يحضرلى الأكل اللى يكفينى اسبوع ..اكلات مختلفة من كل انحاء العالم ..وبيغلفها بفويل و بيحطها فى التلاجة ..30 ثانية فى الميكرويف وبتبقا احلى حاجة فى الدنيا.
-والليلة دى كلفتك كام ؟
-يعنى ..35 ألف ..بس ..
-بس ؟
-اه ..
-بس برضه الجواز فيه حاجات ..
-اعلى باقة نت ...
-اه ...
-...
-هو الطلاق دلوقتى شكله وحش صح ؟
-اه احنا فى الفرح ...استنى 3 شهور مثلاً ...
#مراجعة_النفس
#قبل_أن_تحاسبوا
متابع معكم .. و أهو نحلل الموضوع من باقى النواحى ، مش المادية فقط .
المفضلات