الموضوع: تجربتى الاولى عند العفشجى ومش مرتاح

شباب كل سنة وانتم جميعا طيبين ورمضان كريم انا اضطريت انى اروح للعفشجى وذلك للاسباب الاتية :
1- لقيت المساعدين اليمين مفكوكة وكنت مسافر وربطها لغاية مارجعت مصر
2- الدركسيون به خبطة خفيفة غير موضوع الصليبة اللى كان قاللى عليها الجرجاوى
3- فى المدقات كنت بحس ان العربية سايبه.

المهم اول سبب طلعت الجلبة بتاعت البطاحة او بتاعت المساعد بايظة ودى كانت بتعمل صوت تزييق فى الملفات ولما قفشت خلت الصامولة بتاعت المساعد هوت ومكنش تحتها اى ورد ده سبب تانى انها فكت ، وتانى سبب قاللى ان البارات الداخلية مش ناعة وانا كنت كشفت عليهم وانا بظبت زوايا قاللى خفاف وممكن يمشوا 10000 كيلو ولما سالت الناس هنا قالولى متغيرش مش هاتحس بفرق او انا اللى فهمت غلط جائز جدا المهم رحت علشان اشترى البارات الداخلية فقط قاللى الخارجية اكتر من ممتازة الاصلى بتاعت العربية المهم وانا بشتريهم لاقيت نوعيتهم رديئة جدا ومكنش عندى الفرصة انى انزل التوفيقية علشان العفشجى بتاعى فى عين شمس المهم مرضيتش اجيبهم ولقيت عنده النوع 555 وكنت سمعت من الناس اللى هنا ان النوع ده كويس ويابانى وفعلا محترم بس قابلتنى مشكلة انى لازم اخد الطقم على بعضه يعنى داخلى وخارجى وبصراحة لقيت ان كده احسن علشان كله يكون جديد مع بعضه وطبعا كان عندى كاوتشة مقطوعة فى علبة الدريكسيون جبتها بالمرة طقم 2 كاوتشة وخلاص خلصنا كل حاجة جت بقى على الزوايا طبعا كان لازم اظبط زوايا بعد ما خلصت زوايا ماشى من عند الراجل الساعة 12.30 صباحا وكنت عنده من الساعة 8 طبعا كان زحمة جدا وبعد ماجربت اكتشقت الاتى العربية الحمد لله بقت احسن كتير خصوصا فى المدقات والمطبات لكن فى حدفى يمين ملحوظة مع غربلة مكنتش موجودة قبل كده ابتداء من سرعة 100 وبتزيد بشكل مش عاجبنى عند 120 وبصراحة مرضيتش اجرب تانى لانى كنت هلكت ومروح الساعة 3.30 كان يوم غريب وعلشان اجرب طلعت الدائرى انا بقى سؤالى هل الرعشة دى طبيعية وانى لازم ارصص من جديد ومرجعتش للراجل تانى علشان كان قفل وانهاردة طبعا الاحد الناس قافلة معلش طولت عليكم واليكم الاسعار

طقم بارات داخللى وخارجى 375 جنيه
جلبة مساعد استيراد ملقيتهاش جديدة ب 25 من عند العفشجى
طقم كاوتش تراب علبة دريكسيون ب 40 جنيه بس اخدتهم هما وطقم البارات مع بعض ب400 جنيه
والعفشجى اخد منى 50 جنيه
زوايا 25 جنيه
تحياتى

المشاركة الأصلية كتبت بواسطة mohammedabdallh

اعفشجى بيظبط بمسطره حديد ويعقد يقيس اما الكمبيوتر افضل بكتيير لازم الكوتشات الى قدام تبقى زى بعض على الشاشة الى قدامه وتقربيا لازم يكونوا الاتنين صفر بمعنى مفيش انحارف فى اى اتجاه
وانا جربت دى ودى حسيت ان الكبيوتر افضل بكتيير
جرب مش هتخسر حاجه

كلامك منطقى بس انا كنت فاكر العكس لان المسطرة ممكن تتهز فى ايد الصنايعى واللى اكتشفته ان مش الصنايعى بنفسه اللى بيظبها ممكن اى عيل صغير هوة اللى يعملها وكان ليا تحفظ على كده بس هوة اكدللى ان شغلهم كويس وبعدين الراجل ده مشهور جدا فى عين شمس ده انا علشان اظبط من الساعة 8 بليل لغاية 12.30 صباحا كان قدامى 11 عربية سمعته كويسة وانا اثق فيه بس موضوع الكمبيوتر ده شايفه احسن ومحمد بك الجرجاوى طمنى وقاللى دايما موجودة الحدفة يبقى تمام انا معنديش مشاكل فى الزوايا والترصيص ظبط الحدفة كتير بقت كل فين وفين لما تيجى سيكا صغيرة