ما فائدة هذه القطعة وعلاقتها بحساس الايديل؟ كورسا 1600

**haytham79** · 28-09-2014 05:58 AM

السلام عليكم

لو سمحتم ممكن اعرف مااسم القطعة اللى بتبقى ركبه فى علبة فلتر الهواء و موصول بها خرطومين .

وماهى فائدة هذه القطعة و علاقتها بحساس الايدل ؟

العربية كورسا 1600 موديل 2004

مكان القطعة موضع فى الصورة

وشكرا

**احمد فهمى** · 28-09-2014 11:16 AM

السهم على عمة الهوا فى صور ه اوضح؟

**haytham79** · 28-09-2014 07:03 PM

المشاركة الأصلية كتبت بواسطة bassem316

الاخ بيتكلم عن حساس الهوا الى فى ضهر علبه الفلتر

بالضبط . انا قصدى على القطعة المتركبة فى ضهر علبة فلتر الهوا . بس هو اسمه حساس الهواء ؟؟

معلش هى مش ظاهرة فى الصورة (هاحاول ارفع صورة اوضح) بس السهم بيشير الى ضهر علبة الفلتر وليس علبة الفتلر.

**haytham79** · 30-09-2014 02:03 PM

صورة اوضح.

**ashourashour** · 30-09-2014 05:01 PM

المشاركة الأصلية كتبت بواسطة haytham79

صورة اوضح.

من قله اعطال الكورسا الواحد مشتغلش فيها كتير

90% دا بلف بخار البنزين او التانك فينتيليشن tank ventilation valve مفروض بياخد بخار البنزين من التانك يدخله مع الهواء المسحوب للمحرك

مفروض عالسلانسيه يكون مقفول او واخد اشاره قفل ويفتح تدريجيا مع زياده ال RPM

اتاكد من ان كل الخراطيم بتاعته واصله كويس ومحكمه ومفيس تسريب

اه المشاكل اللي عندك عالسلانسيه ؟

**haytham79** · 30-09-2014 05:51 PM

المشاركة الأصلية كتبت بواسطة ashourashour

من قله اعطال الكورسا الواحد مشتغلش فيها كتير

90% دا بلف بخار البنزين او التانك فينتيليشن tank ventilation valve مفروض بياخد بخار البنزين من التانك يدخله مع الهواء المسحوب للمحرك

مفروض عالسلانسيه يكون مقفول او واخد اشاره قفل ويفتح تدريجيا مع زياده ال rpm

اتاكد من ان كل الخراطيم بتاعته واصله كويس ومحكمه ومفيس تسريب

اه المشاكل اللي عندك عالسلانسيه ؟

شكرا على الرد

المشكلة عندى من فترة لقيت العربية بترعش كتير و هى واقفة (على السلانسيه) وبتطفى لو شغلت التكييف. وساعات ممكن العربية تطفى منى و انا ماشى لو ماورت الا اذا لحقت و دست بنزين.

ناس كتير قلتلي ان حساس الايدل والميكانيكى غيرو وبعد يوم تقريبا رجعت نفس المشكلة .
بس مرة بالصدفة شلت الخرطوم اللى خارج من القطعة الموجودة فى الصورة واللى موصول بفتحة الانجكشن لقيت المشكلة اتحلت بس ال rpm باقى عالى شوية فى السلانسيه (بيعدى ال 1000 بحاجة بسيطة) ولما بدوس فرامل و انا ماشى برضو بيعلى شوية .

ايه بقى حل المشكلة دى ؟؟

**ashourashour** · 30-09-2014 06:25 PM

المشاركة الأصلية كتبت بواسطة haytham79

شكرا على الرد

المشكلة عندى من فترة لقيت العربية بترعش كتير و هى واقفة (على السلانسيه) وبتطفى لو شغلت التكييف. وساعات ممكن العربية تطفى منى و انا ماشى لو ماورت الا اذا لحقت و دست بنزين.

ناس كتير قلتلي ان حساس الايدل والميكانيكى غيرو وبعد يوم تقريبا رجعت نفس المشكلة .
بس مرة بالصدفة شلت الخرطوم اللى خارج من القطعة الموجودة فى الصورة واللى موصول بفتحة الانجكشن لقيت المشكلة اتحلت بس ال rpm باقى عالى شوية فى السلانسيه (بيعدى ال 1000 بحاجة بسيطة) ولما بدوس فرامل و انا ماشى برضو بيعلى شوية .

ايه بقى حل المشكلة دى ؟؟

انت لما شيلت الخرطوم الموتور خد هوا

او اصبح كان الايدل فاتح عالاخر و معلي العربيه عالاخر فدا مش علاج انت كدا لغيت الايدل كنترول عن طريق دخول هواء زايد من الخرطوم ده

انت غيرت ايدل جديد ولا استيراد واتعمله ريسيت ولا لا ؟