ماهو الفرق بين الافنجارد و amg

**body** · 28-09-2014 02:28 PM

السلام عليكم ورحمه الله وبركاتة

ياشباب انا مقبل على شراء سيارة مرسيدس C180 - 2010 or 2011

عايز اعرف اية الفرق بين الافنجارد و AMG

لان فى مرسيدس بتعجبنى اوى اوى بس مش عارف اية هيا دى افنجارد و لا AMG

وسعر السوق النهاردة كام لموديل 2010 و 2011 \ C180 or C200 AMG

والسيارة اللى فالصورة دى C180 ولا C200

**mrmarie** · 29-09-2014 01:39 AM

اللي في الصوره دي amg c180 بتبقي فرق بينها و بين الافنجارد، كت (اكصدمات و عتب ) و كراسي و عفشه و جنط

**body** · 29-09-2014 03:27 AM

طيب ياباشا شكرا ليك جدا جدا
طيب ارجو تقييمك ل C180 amg موديل 2010 او 2011 سعر السوق كام ؟؟؟

**mrmarie** · 29-09-2014 11:38 PM

بس اللي في الصور دي مش 2010 ولا 2011 دي Facelift يعني دي 2012 او 2013 و طبعا من جوه و بره مختلفه ال C180 AmG ٢٠١٠ سعرها في رنج ٢٧٠ ل ٢٩٠ حسب حالتها بس للمعلومه من اول ٢٠١٣ لازم بنزين ٩٥ و برضوا اي c180 amg بتكون اوطي من العادي عشان العفشة و دي تتوقف حسب المشاوير بتاعك

**body** · 01-10-2014 06:50 PM

اشكرك كل الشكر استاذى mrmarie على رد حضرتك الكريم

بس كنت عايز اعرف من معاليك C180 الافنجارد مش AMG

بما ان فى اختلاق فالعفشة هل AMG بتكون ثبات اعلى من الافنجارد ولا الاتنين ثبات واحد ؟؟ لان يهمنى نقطة الثبات جداً جداً

الجنط فى AMG بيكون اختلاف مقاس ولا اختلاف شكل

والكراسي بتكون مختلفة فى اية فى AMG عن الافنجارد

والافنجارد C180 لو حالة شاذة ونضيفة موديل 2010 او 2011 تتراوح من كام لكام

واحلى لون فى الافنجارد او AMG بيكون اية

وشكرا جدا واسف على الاطالة لانى بفكر فالعربية بشكل جاد جدا جدا

**mrmarie** · 04-10-2014 01:56 PM

المشاركة الأصلية كتبت بواسطة body

اشكرك كل الشكر استاذى mrmarie على رد حضرتك الكريم

متقولش كده، كلنا بنستفاد من بعض :) ،كل سنه وانت طيب

بس كنت عايز اعرف من معاليك c180 الافنجارد مش amg

بما ان فى اختلاق فالعفشة هل amg بتكون ثبات اعلى من الافنجارد ولا الاتنين ثبات واحد ؟؟ لان يهمنى نقطة الثبات جداً جداً

انا كانت معايا ال amg ثباتها حلو جدا ، انا الصراحة مجربتش الافنجارد بس في واحد صحبي معاه واحده 250 ولما جرب عربيتي في الطريق عجبته جدا و قالي في فرق واضح بين عربيته و عربيتي بس عربيته كانت ٢٠١٠ وانا كنت ٢٠١٣

الجنط فى amg بيكون اختلاف مقاس ولا اختلاف شكل

amg مقاس ١٧

والكراسي بتكون مختلفة فى اية فى amg عن الافنجارد

كراسي ال amg بتكون مختلفه

والافنجارد c180 لو حالة شاذة ونضيفة موديل 2010 او 2011 تتراوح من كام لكام

مش عارف الصراحة اسعار الافنجارد

واحلى لون فى الافنجارد او amg بيكون اية

انا عن نفسي بحب الالوان الفتحه (الابيض - الفضي )

وشكرا جدا واسف على الاطالة لانى بفكر فالعربية بشكل جاد جدا جدا

ولا يهمك و لو في اي حاجه قولي

**body** · 04-10-2014 06:56 PM

شكرا لحضرتك جدا استاذى الغالى وكل عام وحضرتك بألف خير وصحة وعيد سعيد عليك

وان شاء الله هدور على حاجة 2010 amg ابيض او سيلفر بس يارب الاقى جاجة نضيفة جدا وتكون فابريكة وماشية عداد قليل

بس الفتيس كان حلو معاك ولا في اى مشاكل ونقلاتة مريحة ولا لا وهو كان نقلة واستهلاك البنزين اخبارة اية

لان معايا جيتا 2010 dsg استهلاك بنزين حلو جدا بس الفتيس زبالة تاعبلى اعصابى جداً

**midors** · 05-10-2014 04:19 AM

المشاركة الأصلية كتبت بواسطة body

شكرا لحضرتك جدا استاذى الغالى وكل عام وحضرتك بألف خير وصحة وعيد سعيد عليك

وان شاء الله هدور على حاجة 2010 amg ابيض او سيلفر بس يارب الاقى جاجة نضيفة جدا وتكون فابريكة وماشية عداد قليل

بس الفتيس كان حلو معاك ولا في اى مشاكل ونقلاتة مريحة ولا لا وهو كان نقلة واستهلاك البنزين اخبارة اية

لان معايا جيتا 2010 dsg استهلاك بنزين حلو جدا بس الفتيس زبالة تاعبلى اعصابى جداً

هي ايه المشاكل اللي في dsg عند حضرتك لانهم بيقولو في التوكيل انهم صلحوا كل مشاكله فهل بيضحكو علينا ولا ايه؟