الموضوع: لو حد معاه او كان معاه شيروكى 93 ياريت يدخل يرد عليا ضرورى

[overline]السلام عليكم

كل سنه وانتم طيبين يا جماعه وعيد سعيد عليكم

اانا معايا جيب شيروكى 93 وعندى حاجه غريبه فيها كنت بعتبرها ميزه لكن لما اشتركت فى الجراج بقيت عيب

دلوقتى عندى الكونتاك المفتاح ممكن تطلع المفتاح والعربيه دايره وهيا ماشيه عادى ومفيش اى مشكله وممكن تدورها من غير مفتاح اصلا بتلف الكونتاك كان المفتاخ موجود بالظبط

طبعا ناس كتير هتقول دى كده ممكن تتسرق لكن لا هيا فى تحت الكونتاك دراع كده بعد ما تبطل العربيه بتشده فالعربيه مستحيل تدور أول مره الا بالمفتاح غير كده مستحيل

نيجي بقى للمشكله : دلوقتى لما بركن فى الجراج واسيب المفتاح وهما عاوزين يحركوا العربيه يخش الباشا السايس يدور يفتح الازاز يحرك العربيه يبطل بعد كده يفتكر انه ناسى الازاز مفتوح يقوم فاتح الكونتاك فقط من غير ما يدور يدوب يوصل كهرباء يرفع الزجاج تانى ويشد المفتاح وينزل وهوه ناسى الكونتاك شغال وطبعا المفتاح بيطلع معاه واجى انا الصبح الاقى البطاريه فاضيه والعربيه مبتدوش -_- حصلت اكتر من مره

نيجي بقى للسؤال : هيا العربيه دى موضوع المفتاح اللى بيطلع والعربيه دايره او شغاله كونتاك ده اوبشن فيها اصلا ؟ كل الموديلات دى كده ؟ ولا انا عندى العربيه متعدله ؟

وازاى ممكن اخلص من المشكله دى واخلى المفتاح ميطلعش غير والعربيه مبطله تماما ؟[/overline]

المشاركة الأصلية كتبت بواسطة mostafa araby

انا معايا شيروكى 92 و فيها نفس المشكلة دى بس الدراع الى تحت ده معرفش لزمته لحد دلوقتى و بتدور من غير مفتاح و بتفتح كونتاكت برضو و الداراع مبيعملش حاجة

بص يا باشا بعد ما تبطل العربيه خالص نزل الدراع ده لتحت وانت منزله لف الكونتاك اتجاه الغلق تانى هتلاقيه جه معاك ولما تتأكد انه اتلف للأخر طلع الدراع لفوق تانى هنا مستحيل العربيه تدور غير بالمفتاح :)

بس انا بقى عايز ألغى الدراع ده خالص وأخلى المفتاح ميطلعش من الكونتاك غير والعربيه مبطله تماما عشان الأغبيه بتوع الجراج بيطلعوا المفتاح وينسوا الكونتاك مفتوح :(