الموضوع: الرائع محمد طلبة

بصراحه كنت قرأت عنه فى النت وكنت بتلكك علشان اروح اشوف شغله لحد العربية ما اجبرتنى إنى اروح له
بمجرد مشاهدته للسياره كان التشخيص الصحيح
وشغال معاه صنيعيه محترمين بصراحه حسيت إن السياره دخلت التوكيل شاف كل حاجه فى السياره وعمل المطلوب كما يجب

مش عايز اتكلم كثيراً علشان مايعتبرش اعلان
بس بصراحه ربنا يبارك لهم

محمد طلبه محترم و ممتاز, مؤمن بالتخصص و ده مخليه شاطر جداً فى شغله

بس عموما اللادا عربيه بسيطه وسهله ومحفوظه لكل ميكانيكيه مصر

مع إحترامى لرأى حضرتك بس فيه فنيات فى اللادا مش أى ميكانيكة يعرفها

أنا كان عندى رجه فى العربية بعد سرعه 40 و لحد 60 بعد كده مفيش
دوخت بيها ترصيص و ضبط زوايا و أتزان و تغير كاوتش و ....
معرفش الحل غير محمد طلبه, و من أول مقولتله عالمشكله بدون تجريب
فك الكردان و علّم و عوجه و ركبه تانى طلعت أجرب, بسم الله ماشاء الله
من ساعتها بأروحله من حلوان للوراق, مشوار أنا عارف بس كأنى رايح التوكيل
و قاطعت كل الميكانيكية و العفشجية اللى هنا, كلهم .... لامؤاخذة

بياناته للإفاده و ليس للإعلان - الراجل مبيدخلش عالنت أصلاً , بس جربنا فيه خير و بنفيد بيه زى مبنستفيد منكم و من تجاربكم

محمد طلبة الميكانيكى (توكيل لادا)
الدائرى - نزلة الوراق - شركة الغاز
شركة الغاز و انت رايح ع الدائري هايبقى على يمينك و لو انت جاى من الدائري هاتلف من عند الغاز و ترجع تانى و تخش تالت شارع شمال
او كلمه بالتليفون و انت عند الغاز احسن
01111966816
محمد طلبة :- 11966816 - 011