ايه رأيكم في زيت توتال 169933 ال5000 كيلو للماروتي

**elpilot** · 28-09-2014 11:15 PM

السلام عليكم
طول عمري بسمع ان انضف زيوت هي موبيلxhb و شيل هيلكس
النهارده وانا بغير زيت للماروتي في التوكيل وبعد لما روحت فوجئت انهم كاتبين في الفاتورة انهم حاطين زيت توتال 169933 ال5000كيلو
فانتوا ايه رأيكم في الزيت ده هل كويس ولا اغيرة بدل ما يبوظلي حاجه في العربية؟؟
ثانيا لقيتهم كاتبين تغيير 3لتر فهل كده كويس ولا هم مذودين1/4 لتر مع العلم انهم مغيرين زيت وفلتر علي حد ماهم كاتبين؟؟
ثالثا لما سألت المهندس هناك قولتله اغيره بعد قد ايه 3.5قالي لأ غيرة علي5 هو مصمم لكده فانتوا ايه رأيكم انهي احسن اغيرة علي3000ولا3500 ولا اسمع كلامهم واسيبه ل5000؟؟
رابعا كنت محتاج اعرف ايه غسيل الماتور اللي كل لما اروح يخلوني اغسلة واي اصلا اللي بيوسخ الماتور كده ومفيش طريقة تخليني انا انضفه كل شوية في البيت ؟؟؟
وشكرا لسعة صدوركم

**elpilot** · 29-09-2014 08:35 PM

كنت عند الميكانيكي النهارده ولما عرفوا اني غيرت الزيت في التوكيل قعدوا يقول التوكيلات دي نصابه وقالي الزيت ده شكله تعبان حاول تنزلة بس انا صعبان عليا الفلوس اللي اتدفعن فيه وصعبان عليا ينزل وهو مكملش200كيلو فانتوا ايه رأيكم انزله ولا استني عليه شوية عبال ما يحلل تمنة ؟؟

**borio1704** · 30-09-2014 11:31 AM

أولا... مفيش زيت في توتال اسمه 169933...

ده ببساطة رقم كود الصنف في مخزن التوكيل

يا ريت لو تقدر تصورلنا شكل العبوة بتاعت الزيت.. أو على الأقل تجيبلنا إسمه التجاري صح علشان نقدر نفيدك.

ثانيا... متطلبات الماروتي من ناحية الزيوت تعتبر متواضعة جدا... وأي زيت في السوق يمشي معاها (بلا مبالغة.. أي زيت).. بس المهم تختار اللزوجة المناسبة.

بمعنى أصح ... الزيت اللي حطوهولك أعلى من متطلبات كتالوج العربية .. يعني كويس جدا وما عندكش أي مشاكل.

وما تخافش ... العربية لازم تبقى كده علشان هي أصلا معمولة علشان توفرلك في المصاريف.. فتحط فيها أي زيت.

لو عايز تعرف إيه الفرق بين أنواع الزيوت.. اتفضل وادخل على الموضوع ده

http://www.nilemotors.net/Nile/341680-a.html

ونصيحة تانية.. يا ريت كمان تدخل على الموضوع ده

http://www.nilemotors.net/Nile/434256-a.html

...