احذروا الزيوت المغشوشة (التعاون و فوكس)

**wella3330** · 29-09-2014 08:07 AM

طبعا الخبر كما ورد في مصراوي احب اضيف ان الجراكن المستخدمة هي لزيوت التعاون و فوكس , و لا نستثني الانواع الاخري طالما و جدت الجراكن .

لذلك ارجو من الاعضاء التاكد من مصدر الزيت و يفضل لو تم شرائه من موزعه المعتمد و ايضا التاكد من وجود"lock seal" او البرشام علشان نبقي عملنا اللي علينا و ربنا يستر

تمكن ضباط مباحث التموين بالشرقية ، بالتنسيق مع ضباط مركز شرطة فاقوس ، اليوم الاثنين، من ضبط تاجر وشقيقه لقيامهما بإعادة تصنيع زيوت السيارات المستعلمة، وتم ضبط 3 طن من الزيوت، وتحرر المحضر اللازم للعرض علي النيابة.
تلقى اللواء سامح الكيلاني - مدير أمن الشرقية، إخطارًا من اللواء رفعت خضر - مدير المباحث الجنائية، يفيد قيام ضباط مباحث التموين بالمديرية من ضبط ''محمود ال ص'' - 37 عامًا، تاجر ومقيم العرين مركز فاقوس وشقيقه '' سليمان'' - 40 عامًا، تاجر، لقيامهما بتعبئة زيوت سيارات بدون ترخيص بناحية العرين مركز فاقوس، وإعادة تعبئة زيوت سيارات السابق استخدامها (الرجوع) وإعادة تعبئتها في جراكن خاصة بشركات الشهيرة و المتداولة بالأسواق مما يتسبب في إتلاف محركات السيارات الخاصة بالمواطنين التي تستخدم تلك الزيوت.
وتم ضبط ''عدد 15 برميل زيت زنة الواحد 200 لتر بإجمالي 3 طن من الزيوت السابق استخدامها والتي تمت معالجتها استعداد لتعبئتها وطرحها في الأسواق.
وتم التحفظ على المضبوطات تحت تصرف النيابة العامة.

**mostafalatahan** · 04-11-2014 03:23 PM

انا قريت وفاكر ان الشركتين غشاشين
لقيتك بتشتكي من ناس بتعبي ف جراكن شركات محترمة
طيب العنوان مش كده ويا ريت تاخد بالك عشان دي شركات محترمةو بتشتغل وبتاكل عيش وفاتحة بيوت حرام تفتري عليهم
والزيت المستعمل اصلا باين اوي ومش يبقى زي الجديد دا لو انت فاهم
لو فيه مشكله في الزيوت من الشركات المكتوبة في العنوان التعاون ولا فوكس قول على المشاكل دي لكن متزجش باساميهم ع الفاضي حرام دول اتنين من انضف الناس
وشكرا
ارجو من مشرف الموضوعات حذف الاشاعات والمواضيع الكيدية :)

**wella3330** · 05-11-2014 01:40 PM

المشاركة الأصلية كتبت بواسطة mostafalatahan

انا قريت وفاكر ان الشركتين غشاشين
لقيتك بتشتكي من ناس بتعبي ف جراكن شركات محترمة
طيب العنوان مش كده ويا ريت تاخد بالك عشان دي شركات محترمةو بتشتغل وبتاكل عيش وفاتحة بيوت حرام تفتري عليهم
والزيت المستعمل اصلا باين اوي ومش يبقى زي الجديد دا لو انت فاهم
لو فيه مشكله في الزيوت من الشركات المكتوبة في العنوان التعاون ولا فوكس قول على المشاكل دي لكن متزجش باساميهم ع الفاضي حرام دول اتنين من انضف الناس
وشكرا
ارجو من مشرف الموضوعات حذف الاشاعات والمواضيع الكيدية :)

اولا: انا معنديش مشكلة ده خبر منقول من مصروي للافادة.

ثانيا : لو كنت تعبت نفسك و قراءت الموضوع كويس كنت فهمت انها جراكن مضروبة للشركتين دول كما واضح من الصور بيتم اعادة تعبئة الزيوت المستعملة فيهم بعد معالجتها, و كنت فهمت برضه معني كلامي كويس لما بقول نشتري من اماكن معتمدة و نتاكد انها متبرشمة مظبوط.

ثالثا: اهديء شويه في كلامك , الموضوع للافادة مش اكتر لان في ناس معندهاش الخبرة في معرفة الفرق بين الاصلي و المغشوش لذا وجب التنويه !!