الموضوع: حصريا : لقائــــى مع صدام المواطن وتشغيل السيراتو عن بعد بالريموت !!!!!

المشاركة الأصلية كتبت بواسطة M.ABDOU

يا فندم لو بيتركب على العربيات وفيها ايموبلايزر يبقى ايه فايده الايموبلايزر


مع احترامى لحضرتك بس الكلام ده مش منطقى الا لو بقى شال او ركب شريحه اللى جوا المفتاح وحطها بالقرب من الكونتاكت وبالطريقه دى يبقى لا مؤاخذه ده واحد اضر اكثر مما نفع لان ساعتها اى حد حيجى ويلمس سلكتين فى بعض العربيه حتدور


لو حضرتك لسه معترض يبقى يا ريت تشرحلنا ازاى بيتم الموضوع علشان نستفاد برضه

حضرتك فيه حاجة اسمها Bypass Module بتركب عشان تعمل كوبري على ال-immobilizer.

اتفضل يا فندم القي نظرة:

Remote Start FAQ – Get Your Remote Car Starter from Cartronix

https://www.youtube.com/watch?v=Mp0gGRFSZR0

Information about Remote Car Starter Bypass & Interface Modules


الموضوع بسيط جداً...احنا بس اللي معتقدين إن ال-immobilizer دة هو منتهى التكنولوجيا.


تحياتي

المشاركة الأصلية كتبت بواسطة M.ABDOU

السلام عليكم

اولا انا حسأل حضرتك سؤال انت شوفت الفيديو اللى حضرتك حاطط اللينك بتاعه ده ولا يدوبك حضرتك شوفت العنوان وحطيت اللينك؟؟؟؟


بص يا فندم

اللى هوا عمله فى الفيديو ده انه زى ما انا قولت خلى مفتاح العربيه او الشريحه اللى فى المفتاح فى العربيه علشان فى الاخر لازم اشاره الايموبلايزر توصل للكمبيوتر علشان يدى اشاره لتشغيل العربيه

لو حضرتك شوفت الفيديو حتلاقى بالظبط فى الدقيقه الرابعه انه جاب مفتاح العربيه وحاطه فى ملف كهرباء شبه اللى موجود كونتاكت العربيه بالظبط وبياخد الاشاره دى يوصلها للكمبيوتر عن يعنى بالظبط زى ما يكون المفتاح فى الكونتاكت

حتى لو تسمع لكلامه كويس بيقولك لازم تخفى الجزء ده من الجهاز فى مكان مخفى كويس فى العربيه لانك لو معملتش كده كأنك اديت الحرامى العربيه بمفتاحها

باختصار هوا كل اللى عمله ان خلى نظام الايموباليزر off على طوول

انا حسأل حضرتك سؤال واحد علشان نفصل وننهى الموضوع ده!!!!!!

انت بعد ما تركب النظام ده فى عربيتك هل عربيتك كده ينفع تتسرق ولا لا؟؟؟؟؟؟


وزى ما قولت سابقا بع ما تركب الجهاز ده اى واحد يعرف انك عامل عربيتك تشغيل عن بعد وعنده شويه اساسيات علم ممكن بمنتهى البساطه ادخل عربيتك ومش محتاج اعرف انت حاطط الجهاز ومخبيه فين كل اللى حعمله حوصل سلوك زى اى عمليه سرقه لعربيه بيجوا 504

انت ركبت فعلا ريموت لعربيتك بس للاسف استغنيت عن ان يبقى عندك ايموبلايزر

وعلى فكره هوا محدش هنا قال ان الايموباليزر هوا الاختراع العظيم ولا حاجه وهوا اهم الاختراعات بس على الاقل احنا فاهمين هوا بيشتغل ازاى وليه !!!!!!!

اساسيات العلم على الاقل فاهمنا كويس

تحياتى

هو حضرتك واخد الموضوع شخصي ليه يا فندم وكأني بعيب في حضرتك؟؟؟

حضرتك قولت ماينفعش وأثبتلك اني ينفع...أنا ماقولتش ال-immobilizer هيشتغل ولا لأ ولا العربية هتتسرق ولا لأ.

حضرتك تختار الأنسب ليك.

أيوة يا فندم أنا مركب immobilizer عشان البلد إلي فيها أمان وكمان العربية بتكون مقفولة. ولعلم حضرتك ويمكن حضرتك تكون عارف أكثر مني....بمجرد دخول العربية وهي دائرة بال-immobilizer ومع أول لمسة لبدال البنزين المحرك بيطفي ولازم تدور من الأول ...دة على الأقل عند في عربيتي الشخصية.

تابعان الرموت ليه مدى وبتكون حضرتك قريب من العربية ومش هتسيبهة نص ساعة دائرة عشان حد يسرقها وهي مقفولة.

باردو حضرتك واخد الموضوع شخصي...يا سيدي الفاضل العلم للجميع وموجود أونلاين مش بجيبه من بيتنا.

وعشان ننهي الموضوع...حضرتك اتفضل شوف موقع هوندا في أمريكا أو كندا...إختار سيفيك وشوف eloptions هتلاقي immobilizer وكمان proximity push start يعني حضرتك نازلة من المصنع كدة.

أنا مش هجادل بس أعتقد...أعتقد كدة معهنهة إن النظامين شغالين مع بعد عادي جداً.


شكراً

المشاركة الأصلية كتبت بواسطة M.ABDOU

اولا انا بعتذر لحضرتك لو كان فى كلامى اى شيىء زعلك

انا مش واخد الامر شخصى خاالص على فكره

انا بس كنت فى اول مشاركه ليا وضحت فى كلامى ان العربيات اللى فيها ايموبلايزر لو ركبته فيها فانت اكيد حتلغى النظام

وقولت باللفظ الواحد اننا كده بنضر اكثر ما بنفيد

وعلى فكره ممكن جدا العربيه تكون نازله من الاول من المصنع ان فيها ايموباليزر وريموت ستارت عاادى جدااا بس يكون الكلام ده من المصنع مش تعديل احنا بنعمله

وكمثال ليس للحصر اى عربيه فيها سمارت كى الاسمارت كى نفسه هوا اللى فى اشاره الايموباليزر وممكن تشغل العربيه عن بعد فى بعض الموديلات


واسف مره تانيه لو طريقتى فى عرض الفكره ضايق حضرتك

تقبل تحياتى

العفو يا فندم أنا مش زعلان ولا أي حاجة...المهم حضرتك ماتكونش زعلان وأسف لو كلامي ضايق حضرتك في أي شيء.

مفيش جدال حضرتك فاهم النظام كويس...وأكيد معاك حق لو التركيب هيوقف ال-immobilizer والكلام دة في مصر يبقى عيب مش ميزة خالص.

عندنا الوضع مختلق تمام...والهدف هو تسخين العربية في الثلج وتسخين الكابينة أيضاً عشان الحرارة بتوصل ناقص 30. عشان كدة يعتبر حاجة ضرورية في الشتاء.

معلومة متأكد منها إن التوكيل بيركب ال remote starter للعرنيات كلها...هحاول أسأل اه التأثير على ال-immobilizer في الحالات اللي العربية فيه مش كدة في الفابريكة.



تحياتي

المهم ايه نوع الانذار ده ً؟
وبيتركب فين ؟

لسه الدنيا بخير