الموضوع: الأمطار تمنعنا من الذهاب لمقابلة دايوو

يوم الجمعة إتفقت أنا و Horsepower إننا نتقابل فى محطة بنزين إمارات مصر اللى على الدائرى جنب المقطم ، عشان نروح مقابلة دايوو فى المقطم

إتقابلت مع Horsepower و راح مظبط عربيته ، حط زيت إمارات مصر 10000 وفلتر و Fuel System Clener STP وكله تمام ، وأنا ظبط الهوا بس عشان أغيظ Kimo-nubira بالكاوتش ال 205 !!!

ظبطنا العربيات وقلنا ناخد سندويتش بقا من برجر كنج اللى فى المحطة ، وعليها بقا ....

كأن جردل تراب إتحدف فى وشنا ، هوا شديد برمل وتراب وبعدين أمطار شديدة ، فجرينا على برجر كنج نضرب الساندويتشات !! عقبال ما الدنيا تروق
وهووووب وإحنا جوا المطعم لقينا المطر بيمطر فوق الساندويتشات :k31:
والسقف بتاع المطعم كأنه مش موجود

طبعاً كانت مهزلة ، والشباب بتوع البنزينة خافوا من الكهرباء والمياه لتعمل ماس وشرارة ، والناس تقولهم ماتخافوش دى بنزينة !!!!!

المهم فصلوا الكهربا عن المحطة ، و طبعاً إتحبسنا جوا السوبر ماركت بتاع نص ساعة لحد المطر ما خف ، وبعدين طلعنا قولنا أكيد شباب نايل موتورز مايفرقش معاهم المطر والكلام ده خالص ، حتى لو المقابلة كانت فى المقطم !

عشان كدة أخدنا بعضنا وروحنا قضينا اليوم فى الرحاب !! وقولنا مش معقول حد هيجى المقابلة !!! :k44: