الموضوع: ** منافس جديد قوي في سوق الــــــسبـ 70ـــعين الف جنيه ** Brilliance FRV **

المشاركة الأصلية كتبت بواسطة SE_coralsea

طيب ياجماعة البريليانس الجديدة دي و لا الجين 2 , ارجو الافادة لان ماعنديش معلومات كافية عن العربيتين دول و بفكر اشتري عربية جديدة خلال الكام شهر الجايين

في رأيي الجين2، على الأقل متجربة و أعضاء كتير هنا بيمتلكوها و ممكن تسألهم عن كل اللي انت عايزه، انما البريليانس لسه محدش جربها و يعتبر شرائها مخاطرة.

المشاركة الأصلية كتبت بواسطة SE_coralsea

بصراحة كده انا عايز اشتريها لزوجتي لذا عايز عربية اوتوماتيك و فيها مواصفات امان عالية علي الاقل ( ايرباج - ABS )و كمان شكلها يكون انسيابي , لذلك متارجح حاليا بين الجين 2 و السيريون و لما شوفت العربية دي بصراحة دخلت دماغي بس حكاية الصيني دي هي اللي تخوف

عموما انا لسه عندي وقت علي موضوع الشراء علشان كده بدرس الموضوع بهدوء و بشكل موضوعي , و املي كبير في مساعدة نايل موتورز و اعضائها الكرام

بالنسبة لسيدة متهيألي السيريون هاتكون مناسبة ليها أكتر من الجين2. هي دي المنطقة الوحيدة اللي أقدر أقارنهم ببعض فيها.. غير كده الاتنين أحسن من بعض، و لو ان توكيل دايهاتسو ممكن يكون أفضل من توكيل الجين2 اللي كثرت الشكاوى منه في الفترة الأخيرة، في حين ان توكيل دايهاتسو الشكاوى منه قليلة جدا، ده ان لم تكن منعدمة.

المشاركة الأصلية كتبت بواسطة SE_coralsea

شكرا علي ردك السريع يا اخت علا , واضح ان عندك معلومات جيدة في الموضوع ده ياريت لو تمديني بيها خصوصا السيريون لاني مش عارف الاقي اي موقع احصل منه علي معلومات عنها

و لكي جزيل الشكر

طيب عشان ما نخرجش من سياق الموضوع هنا تعالى قسم الدايهاتسو خد لك جولة و لو عندك أي سؤال فيه ناس هناك أكتر خبرة في السيريون مني بكتير هايبقوا سعدا انهم يردوا على كل أسئلتك :)

سؤال لاخ مسلم الموتور دة مكتوب عليى Made in Japan
ولا فى حتة تانية لان فى لانسر بتتصنع فى الصين