اقتباس:
بذمتك فين التحيز اذا كنت انا باقولك 3 امثله لشركات كبيره و عندهم مشاكل و باقول لك برضه دول شركات كبيره .
الموضوع مش موضوع تسقيط مشكله على ماركات تانيه , الموضوع انت بتقارن فى اللى موجود حولك علشان تقدر تقيم صح , هل هيه شركه كبيره و لا لأ ؟ انا قولتلك 3 امثله بنفس الظروف و فى نفس القصه ( الفتيس ) مش فى حاجه تانيه مختلفه .
طيب ليه الميجان باعت المبيعات دى كلها داخل مصر و خارج مصر برغم المشكله اللى انت بتقول عليها دى ؟ و مازالت الميجان مطلوبه الموديلات الجديده منها , هل كل الناس مش شايفه انه التكنولوجيا اللى كانت فيها ما لهاش اهميه بالنسبه للفتيس ؟ و لا حسبوها مميزات امام مميزات اخرى و وجدوا انه برغم مشكلة الفتيس المميزات التانيه تكسب ؟
قد تكون انت مش شايف المميزات التانيه لها اهميه و انها مش هيه اللى تبيع العربيه او رينو تبيع عربيه على اساسها , بس الواضح انه السوق و الناس التانيه شايفه غير كده :) .
الميجان برغم كل مشاكلها الا لما باشوفها فى الشارع احب اقف اتفرج عليها لغاية النهارده و اعرف نوعية و استايل الشخص اللى راكبها و باشوفها فى خلال اليوم ما لا يقل عن 8 مرات و لما كنت فى اوروبا و المانيا خصوصا اللى بصعوبه فيها تلاقى حد مش راكب المانى كانت موجوده و بعدد كويس .
حضرتك بتقول لى حلوا المشكله بالفتيس ال cvt من نيسان برغم انه ده تفكير ناجح انه يروح يشترى شركه كبيره و يدفع استثمارت علشان يحل مشكله او يحسن من انتاجه , تعرف ايه عن مشاكل الفتيس ده :) ؟ هل تعلم انه كان مبهدل الدنيا فى النيسان التيما فى الخليج و دول تانيه ؟ بس احنا ما نعرفش لان الالتيما ما بتنزلش مصر و بعد كده طوروه بنسخه الحاليه , لدرجة انه تيوتا كورولا الموديل الجديد ما بتنزلش به فى الخليج و بتنزل بالاربع سرعات علشان سمعته .
لا يمكن الحكم على شركه باصطياد اخطاء او مشاكل ظهرت عندها و تناسى او تقليل من بقية مميزاتها , يا راجل ده الميجان كانت نازله ب 6 و سائد هوا و لا يمكن 8 كانت عربيات تانيه لسه ما تعرفش شكل و سائد الهوا دى ايه :)))
يعني انا والله المفروض ازعل منكم انتو الاتنين اصلا :Copy of rfds: