ركبت سماعات Sony وعندي استفسار

**Scuderia.M** · 30-09-2014 01:07 AM

سلام عليكم
أنا ركبت سماعات Sony 500w بيضاوي, والراجل اللي بيركب قال لي إنهم مش هيستحملوا الشمس وإن الcoil بتاع الSony بيتحمص بسرعة غير البيونير والكينود, الكلام ده حقيقي ولا فتي من الراجل؟ ولو عملت فيميه خفيف على الزجاج الخلفي يحميهم شوية ولا لأ؟
أنا جبت Sony عشان عندي الكاسيت والسماعات اللي راكبة sony.
آه أنا جبتهم بـ 325 جنيه من عند راديو طلعت اللي في مدينة نصر.

**sonaeg** · 30-09-2014 03:13 AM

حضرتك نصيحة متجربة بقالها 12 سنة .... حضرتك هات فرو بلون فرش العربية بيتباع حتت وحطه عالسماعات ورا .... مابيأثرش عالصوت ابدا وانسي السماعات يجرالها حاجة ....لكن ماتسيبش اي سماعات في الشمس ...

اعتقد لو فيميه تقيل اوي ممكن يحافظ عليها شوية بس مش زي الفرو

تحياتي وكل عام وانتم بخير

**hesham fawzy h** · 30-09-2014 03:56 AM

متابع

**ahmad--ezzat** · 30-09-2014 10:17 AM

الفرو دة بيلم تراب بطريقه بشعه وشكله مبيبقاش ظريف....

اي سماعه بتتاثر من الشمس على المدي البعيد مش سوني لوحدها يعنى... ومتقلقش انت داخل على الشتا :)

انت ممكن تركب ستاره خلفيه تحمي السماعات وسعرها 50 جنيه من اى محل اكسسوارات وفي منها الوان

ونوع السماعات ملهاش علاقه بنوع الكاسيت نهائى...مجرد شيء نفسي

الفاميه بلاش منه عشان المخالفات

**mwanted** · 01-10-2014 12:46 PM

والله انا عندي السماعات السوني زي الفل وطبيعي لما بركب العربية برمي الشماسة الفويل اللي بتتحط علي الزجاج الامامي اثناء الركنة في الشمس ورة علي السماعات هي مبتغطيهاش كلها بس اهو

**Scuderia.M** · 05-10-2014 01:07 AM

تمام شكرا يا رجالة طمنتوني d:
مش هينفع الفرو شكله مش هيبقى حلو مع بقيت الفرش.
هشوف الستارة الخلفيه, دلوقتي أنا بحط الشماسة عليهم لما بركن كتير.

شكرا على الردود وكل سنة وأنتم طيبين

**body7733** · 05-10-2014 01:52 AM

شوف يا باشا
ممكن تعمل حاجه بسيطه جدا ومش بتبقه ملحوظه بالنسبه للمرور
تروح عند اى حد بتاع اكسسوارات وتغطى الربع الزجاج الخلفى من تحت بالاصق الاسود اللى زى الجلد
او الاصق الجلد الاسود الكاربون اللى بيتعمل بيه جسم العربيه من بره ده هيحمى السماعات جدا من الشمس وهيحجب عنها اشعة الشمس خالص
او ممكن ستاره خلفيه زى ما الاستاذ احمد عزت قالك
وبالنسبه لموضوع ان السماعات زى الكاسيت دى فعلا بتبقه راحه نفسيه بس مش شرط تكون السماعات نفس نوع الكاسيت
واعتقد ان الراجل اللى بيقولك ان السماعات ضعيفه والكويلات هتبوظ من الشمس ده بيفتى وخلاص
متقلقش السماعات السونى كويسه مش وحشه ومعقوله
وكل سنه وجميع الاعضاء بخير وسعاده وعيد اضحى مبارك عليكم جميعا وعلى جميع المسلمين