مياه مفلترة مسكرة!!!

**Hanan Ahmed** · 30-09-2014 02:33 PM

السلام عليكم
كنت في زيارة عند ناس وطلبت كوباية مية قالولى عندنا مية جميلة اصل جبنا فلتر 3 مراحل ولما دقت المية هي فعلا حلوة بس فيها طعم مسكر كده وكانك دوبت ربع معلقة سكر في الكوباية
انا انكسفت اسال على نوع الفلتر بس كنت حابة اسأل هو ده طبيعى ولا شيء مضر ان المية يكون طعمها كده
كمان سؤال انا جبت فلتر ووتر ورلد 3 مراحل والمية طعمها دوا ولما بتسقع طعم الدوا ده بيختفى لما كلمت الشركة قالوا ان الشمعات معقمة وهتخد وقت بس علشان الطعم ده يختفى ... بقيت اغسل المواعين بمية الفلتر علشان اسرع اختفاء طعم الدوا ... بقاله أسبوع وما زال طعم المية دوا الا اذا سقعت !!!!
مش عارفة المشكلة في الفلتر ولا اصبر شوية ولا اسأل الناس اللى شربت عندهم على نوع الفلتر بتاعهم ... دول قالوا لى انه ب 200 جنيه ارخص من اللى اشتريته ... بس مش عارفة ايه سر طعم المية المسكر ده
لو حد يعرف يفيدنى أكون شاكرة ليه

**naser_56** · 30-09-2014 03:55 PM

طعم المياه بيختلف من مكان لاخر نظرا لظروف المحطه نفسها والتانكات وعوامل كتير بغض النظر عن نوع الفلتر انتي من الممكن انك كان طلبتي من الناس الي رحتي لهم كوب مياه مش مفلتر وكان شفتي الطعم عامل اذاي بدون فلتر وبعديها تقدري تحكمي ان السبب في حلاوه المياه الفلتر او غيره

**3abdo.it** · 30-09-2014 04:12 PM

انا عندى فلتر تنك 3 مرحلة

قعد تقريبا 10 ايام او اققل والمية طعمها اتعدل

بس انا فى مرة سبت الماية تنزل منة حوالى ساعة متواصلة

**Hanan Ahmed** · 30-09-2014 04:15 PM

شكرا لردك
بس الناس دى في نفس العمارة يعنى المية واحدة
انا سؤالى ان حد عنده كده المية مسكرة وهل هي صحية ولا لأ .... وهل طعم الدواء اللى في المية عندى ده طبيعى ولا لأ وليه بيختفى لما المية بتسقع...

**Ahmed abdkarim** · 30-09-2014 04:24 PM

متابع

**Hanan Ahmed** · 30-09-2014 04:37 PM

الف شكر لردك
انا مستغربة ان بقالى 3 أيام بغسل بيه المواعين غير ان اول يوم ركب سبته نص ساعة مفتوح وبرضه فيه طعم دوا
اى كوب شاى طبعا طعمه وحش لانه دوا
انا اخترت ووتر وورلد لانى لاقيت ناس كتيييييييييييييييييييييير اوووووووووووووى شكروا في الشركة ومنتجاتها وخصوصا هنا في نايل موتورز عشان كده رجعت اسال تانى اللى مركب الفلتر ده طعم الدوا ده اختفى بعد قد ايه وايه سببه ..... وليه طعم الدوا ده بيختفى لما المية تسقع ولو سبتها برة التلاجة تسخن ويرجع طعم الدوا تانى؟!!!
وهل المفروض المية يكون طعمها ايه عادى من غير طعم ولا بدوا ولا مسكرة زى اللى شربتها عند جيرانى ...

**J A G U A R** · 30-09-2014 04:58 PM

انا عندى سبع مراحل والمياه فيه كانت مره خالص فى الاول لدرجه انى كنت بسيبه واشرب من مياه الحنفيه بس بعد 3 اسابيع تقريبا او شهر بقت مظبوطه

**حسام الغرباوي** · 30-09-2014 06:12 PM

على فكرة شيء مش كويس ان مية الفلتر تطلع مسكرة ...اصلا المية لازم يكون فيها نسبة املاح
فلاتر المياة: تصبيك بهشاشة العظام والشيخوخة.

اقرأ دا

الفلتر الرخيص بيكون بيعمل تنقية كاملة من الاملاح ودا مضر جدا

**طارق _عبد السلام** · 30-09-2014 09:43 PM

مسكره دى غريبه شويه

السبع مراحل بيخلى الميه طعمها مر بس اسبوع كده وبنتعود عليها لدرجه انى مبستطعمش اى ميه غير من الفلتر عندى

والثلاث مراحل هى فلتر ابيض العادى بتاع الشوائب وشمعه للكلور حبيبات وشمعه بردوا للكلور شبكيه فمفيش اى جديد ولا اضافات للثلاث مراحل لتغير طعم المياه

السبع مراحل بيزيد الميمبرين لضبط الاملاح وشمعتين لتغير الطعم وشمعه الميكروبات ؟

-

الموضوع: مياه مفلترة مسكرة!!!

LinkBack

أدوات الموضوع

عرض

-

-

-

المواضيع المتشابهه

مياه خضراء ام مياه حمراء ايهم افضل

تهريب مياه فى دوره مياه فيكترا b

محتار بين فلتر مياه تانك وفلتر مياه باناسونك

كيفية تغير مياه الرادتير من مياه عاديه الى خضراء ؟؟

معلومة صغيّرة .. بس مسكرة

الكلمات الدلالية لهذا الموضوع

المفضلات

المفضلات

ضوابط المشاركة