الموضوع: شرح ميكانيكة اتراج المصممة للطرق السريعة

اعرف واحد سافر بيها مطروح يعنى 400 كيلو متواصل ب 20 لتر

فى حاجه تانيه عايز اقولك عليها بالنسبه لموضوع التقفيل...العربيه مكوناتها 100 فى الميه يابانى كل قطعه فيها من اليابان و اتقفلت فى مصنع ميتسوبيشى فى تايلاند...زى الياريس....و تقفيل العربيه جيد جدا و فى الاخر دى اذواق.....ثانيا حضرتك اتكلمت على الاى 10 جراند..انا شفت العربيه دى الاسبوع الماضى بعينى و ركبتها...العربيه سيئه بجد..ناهيك عن ان مافيهاش اى وسيلة امان من الاساس و دى مصيبه.لكن العربيه ضيقه جدا جوه انا ماعرفتش اقعد ورا .العربيه فيها شبه كبير من الاكسنت بس صغيره قوى من جوه لا تصلح لعائله نهائيا....ثم دى تقفيل و مكونات هندى!!!!!!

اخيرا سؤال عايز اسالوا ليك ليه الديزاير و السويفت ماشفتهمش ولا مره فى الشارع ..رغم انى باشوف الاتراج كل يوم تقريبا دلوقتى ....عايز اعرف ايه سبب انعدام وجود العربيتين دول فى السوق رغم انهم كويسين؟

انا سافرت من مطروح لدمياط مسافة 578 كيلوا بمتوسط سرعة 120 ك و مشغل التكيف اغلب الوقت و كنت مستريح مش تعبان زي اى عربية كبيرة و استهلكت 37.5 لتر فقط و العربية وصلت بيها فى بعض الاحيان لسرعة 150 ك من غير ما اقصد و كانت العربية ثابتة جدا و مفيش شعور بالسرعة لدرجة انى كنت ماشى على سرعة 120 و أولادى بيقولولى ماشى براحة لية العربية ممتعة جدا فى السواقة و المناورة و الباور ممتاز و الفرامل تديك إحساس للأمان الاتراج عربية ممتعة مع احترامى للجميع

بعد ما الموضوع اصبح بالشكل ده
نلخص :
يا ناس افهموا شوية عربية مدينة مش معناه تقعد وتتستت فى البيت يا جماعة دى لو مدينة يعملو العداد بتاعها اخره 80 بلاش تضحكوا الناس علينا العربية فلة على الطريق
كلمة مدينة مناسبة للزحام وتوفير البنزين الطريق جوة المدينة ازبل من براها انا بحب اطلع الطريق عربيتى بحسها افضل كتير لكن جوة المدينة هتدمر من كمية الحفر والمطبات
وبلاش مصطلح مدينة لانه يضحك شوية دى مش عربية اطفال ولا سكوتر
ولو انت غاوى طرق شاقة ووعرة وفيها بلاوى سودة يبقى متفكرش غير فى الجيب ومثيلاتها اللى مصصمة لكدة
وموضوع الاحصنة والسى سى
لا يحكم عل قوة السيارة من السي سي والسلندر والاحصنة
يحكم على السيارة عند قيادتها فقط ( ادائها )
لان السيارات تختلف بالاوزان وتختلف بالاحجام والتصميم وكل سيارة تحتاج تجربة لحساب كفائتها وتسارعها
وايضا لحساب السرعة القسوى للسيارة
والكثير من العوامل تؤثر بقوة السيارة
ومعاكم ان 4 سلند افضل من 3 سلندر بس يا بشر العربية دى مواصفاتها من وزن ومش محتاجة 4 سلندر لانها مش بتحرق كتير لو 1600 و3 سلندر المتور مش هيستحمل لكن على 1200 عادى هيتنفس طبيعى وكمان الكامات مصممة بكفاءة جيدة على قد مفهمت من موقع الشركة ان التحكم فى فتح الكمة وغلقها بيدى اداء اعلى للمتور والمتور ده مصمم بالشكل اللى يدى اداء مرتفع
ونقول تانى الموضوع شبه عربة وزنها فوق الطن بيجرها 4 احصنة وعربية اقل من الطن وبيجرها 3 احصنة هى دى معادلة اتراج والنتيجة هى هى ولو ركزت هتلاقى كمان نتائج افضل من مثيلاتها
احنا مينفعش نقارن عشوائى كدة لما نقول متور 1200 يبقى نقول وزن العربية قد ايه وظروفها ايه
ف1200 فى اتراج مكافئ 1600 لاى عربية تانى المنطق والعقل بيقول كدة ولأ ومعاك ماتور 1200 مافيك ويبانى ياعم بتقارنوا ايه بايه متور جودة ومناسب لمواصفات العربية
ولو ركنا دا كله ورحنا للاداء ممتاز اذن اتراج معادلة جديدة وناجحة يارب الناس تكون فهمت المقصد
الكل هنا بيتكلم صح 1200 لاتراج = 1600 لموديلات كتير ( والفرق اداء السيارة هو من يرجح الافضل )
ادينى عربية واحد سى سى من غير سلند وادائها ممتاز ولا تدينى سى سى عالى وسلندرات للصبح لكن مش مناسب للعربية لذلك الاداء بيكون مش حلو
والاهم ان مفيش مشاكل تصنيع واالى معاه عربية يباركله فيها ويحفظه من الشر ومش عايزين حد يزعل من حد هنا احنا بنتناقش علشان نوصل لنتيجة وعن رايى لو مع الوقت ظهر شئ سلبى اكيد هنقله بمنتهى الامانة ولو العربية عملتها معايا وزهقتنى فى يوم هبيعها واجرب غيرها
بس برضو ادائها ممتاز

يا جماعة انا شفت العربية وعجباني بس اللي محيرني وزنها الخفيف سببه ايه لو هو في الصاج انا شايف ان صاجها امتن من النيسان صني ! ياريت لو حد من الملاك يقول وجهة نظره

Omar Mahmoud

من الممكن تقبل قطع غيار غاليه لو العربيه تستحق .عربيه يابانى ماركه كويسه ممكن تستحمل قطع غيارها لكن غير كده يبقى تهريج ...
الجين 2 عربيه كويسه فعلا انا ركبتها و عجبتنى ..عربيه شبابيه و عفيه جدا...لكن لو بتتكلم على انتشارها عالميا انا ماشفتش العربيه دى غير فى مصر مع انى شبه مقيم بشكل كامل فى شرق اسيا لظروف عملى ..لكن فى كل الاحوال العربيه دى كويسه فعلا و انا شايف ان الجين 2 عربيه تستحق التقدير رغم مشكلة قطع الغيار.....
البومه عربيه تستحق حتى لو قطع غيارها غاليه لكن فعلا عربيه محترمه و هى اكتر عربيه موجوده فى الشارع ..لكن اللى استغرب له لما الاقى عربيه كورى و ماليزى و هندى قطع غيارها مساويه لليابانى و الالمانى..ده شيء غريب جدا ....