المشاركة الأصلية كتبت بواسطة waled369
ايه بس يا محمد بيه الجمدنة دي .
ماشاء الله دي ( بي ام 535 ) يعني مش محتاجة حاجة خالص بس تسلم ايدك يا محمد .
طبعا أكيد انته اللي مركب التيربو ده صح ؟
طيب ممكن تقول اتكلف كم بالتفصيل يعني كم تمن التيربو + تمن المصنعية ؟
لأني شفت هنا تيربو بس اعتقد تمنه كان مبالغ فيه بعض الشئ كنت عايز أجيبه للتويوتا بس استغليته شوية ( 450 دينار ) (9000 جنيه ) غير الشحن و التركيب طبعا .
و لو حبيت أركب واحد بمصر يعمل كم بالرغم انا عربيتي تويوتا كرولا 97 و اشتريت ماكينة م السعودية 1600 انجيكشن طبعا بدلا من ماكينتها الحالية 1300 .
و عايز أغير الفيتيس اللي على الماكينة الجديدة لأنه أتوماتيك و انا مش باحبه . فهل المانيوال بتاع الماكينة القديمة شغال و لا لأ و مين أحسن واحد في رأيك ممكن يشتغل فيه .
كمان جبت مع الماكينة الجديدة ضفيرة كاملة لأن الماكينة القديمة كربراتير .
اعذرني تقلت عليك في الطلبات بس أنا كلي عشم و ثقة فيك و ربنا يديم المحبة بيننا .