وش السلندر فى فيرنا 1600 سى سى

**dipole_moment** · 30-09-2014 09:25 PM

السلام عليكم و رحمة الله و بركاته

انا لسه مغير جوان وش السلندر فى فيرنتى المحبوبة 1600 سى سى موديل 2008
الميكانيكى خرط وش السلندر و قاللى انه زود فيه المونيا
و قاللى ان دى اخر مره هينفع انه يتخرط
و ان لو الجوان ضرب تانى يبقى هنجيب وش سلندر جديد او هنغير الماكينه كلها لانه بيقوللى ان وش السلندر مش موجود فى السوق
هل فعلا وش السلندر مش موجود فى السوق و لو موجود سعره يعمل كام ؟
و نصايحكم لو الجوان ضرب تانى اغير وش السلندر لوحده و لا اغير الماكينه كلها؟
و سعر ماكينة الفيرنا 1600 سى سى يعمل كام و اجيبه منين ؟
معلش انا طولت عليكم فى الاسئلة بس اخوكم مش عارف يعمل ايه بصراحة

**Fadi Ezzat** · 04-10-2014 08:43 PM

هتغير حاجة اسمها الشورت بلوك للماتور ودة بيبقى عبارة عن الماتور كامل بس بدون التغذيات والكلام دة البلوكة بس بتاعت الماتور
ودى هتلاقيها للفيرنا فى حدود 2500/3000

**noureldenadel4** · 05-10-2014 03:12 AM

متابع

**Fadi Ezzat** · 05-10-2014 12:10 PM

اة هتحتاج تغير رقم الماتور فى المرور وممكن لو بلوكة الماتور سليمة
بتجيب شورت بلوك بردةو بتاخد كل حاجة حواة عمود كرنك بالبساتم بوش السلندر والصبابات وكل حاجة

**dipole_moment** · 06-10-2014 01:01 PM

المشاركة الأصلية كتبت بواسطة zerocar

اخي انا عندي وش السلندر بتاع الفيرنا موجود
وكمان عندي الماكينة كاملة
بس انصحك طالما الماكينة سليمة ممكن تغير وش السلندر بس
وانا تحت امرك في اي وقت ورقمي معاك 01091801808
اخوك شريف صاحب مركز صيانة زيرو للسيارات بالمنصورة

شكرا يا استاذ شريف
الرقم سجلته معايا

**Fadi Ezzat** · 06-10-2014 01:12 PM

المشاركة الأصلية كتبت بواسطة dipole_moment

طيب موضوع ان الميكانيكى زود الوش المونيا عند الخراط ده ممكن يعيش معايا و لا ابدأ ادور على شورت بلوك من دلوقتى و ايه المكان اللى ممكن الاقيه فيه بسعر كويس ؟

دور على وش احسن من دلوقتى مش هيكمل

**dipole_moment** · 07-10-2014 03:38 AM

المشاركة الأصلية كتبت بواسطة m_m_sh_a

واضح إن حضرتك بستخدم مياه حنفيه ..لغاية وش السلندر ما ملح وبقي عامل زي المخلل ..عشان كده الميكانيكي زود الوش ..وخصوصا إن هي لسه موديل 2008 ..

وبعدين أنا فعلا لاحظت إن وش السلندر بتاع الفيرنا مش موجود ..ودي غريبه بصراحه ..مش عارف إزاي عربيه زي دي منتشره إنتشار اللادا في إسكندرية ميبقاش وش السلندر بتاعها موجود إستيراد..عموما حاول تدور على وش إستيراد يكون للمكنه ال 1600 ..هتلاقيه إن شاء الله ..وإعمل حسابك عليه ..على فكره ..تزويد الوش ما يعيبوش ..بس حافظ عليه ..حاول تستخدم مياه ملونه كويسه عشان تحافظ عليه قدر الإمكان

بصراحة انا شارى العربية بقالها سنة و 3 شهور معايا بس لاقيت فيها عجائب و غرائب الدنيا
مش عاوز اقول لحضرتك ان كل حاجة فى العربية كانت تقريبا ملزوقة بلزق أمير
و فكت منى أول ما سجلت العربية بإسمى فى الشهر العقارى
لقيت كل حاجة فى العربية لوحدها
فصرفت عليها كتير لحد ما بقت الى حد ما تنفع تتركب
تقريبا اللى كان راكبها قبلى كان بيمونها برسيم مش بنزين

فمش مستغرب انه يكون اصلا بيحط فى الرادياتير ميه من البحر لان العربية كانت مرخصة اسكندرية

الموضوع: وش السلندر فى فيرنا 1600 سى سى

LinkBack

أدوات الموضوع

عرض

-

-

-

المواضيع المتشابهه

ارجو المقارنة بين شاهين 1600 و فيرنا 1600

وش السلندر فيكترا 1600

فيرنا 1600 ولا فيات سينا 1600 2001

فيرنا 1600 مانيوال - فيرنا 1600 اتوماتيك - نيو اكسنت مانيوال

فيرنا 1500 كاملة و لا فيرنا 1600 فاضية

الكلمات الدلالية لهذا الموضوع

المفضلات

المفضلات

ضوابط المشاركة