الموضوع: بيجوة 405 ايراني 2007 مشكله ملهاش حل !!! يا ريت لو اي حد يقدر يساعد

السلام عليكم اعضاء المنتدى جميعا


مش عارف انا حطيت الموضوع في المكان الصح ولا لاء بس محتاجين اي مساعده


صاحبي معاه بيجو 405 موديل 2007 ايراني (خلفي وليس امامي زي الفرنساوي)

المهم العربيه دي مش بتعدي ال 3 ار بي ام للاسف

يعني الاول اخره ل 3 والثاني كذلك والثالث والرابع والخامس

يعني اخرها الخامس ل 3 ار بي ام بتوصل ل 110 بالكثير

يعني بمعنى اصح العربيه يعتبر وهيا ماشيه حتى بتفصل عند 3 ار بي ام ومينفعشي تعدي

بعد لف لاكثر من ميكانيكي غيرنا الاتي :

طرمبة بنزين -- كل الرشاشات --- تنضيف دوره الوقود كامله من التك للرشاشات للبوابه كل حاجه

ديسك واسطوانه غيرناهم

العربيه مكنتها زيرو ما شاء الله بس الي بحصل ده مش لاقنله حل


حطيناها على كمبيوتر الاعطال طلع حساس الكاما


نزلنا الحرفيين امبارح كل مندخل على ميكانيكي بيجو يقولنا مش بشتغل في الايراني ( احمد ندى و3 كمان او اكثر )

جبنا الحساس وركبناه هنا في الزقازيق مكانا ولا اي حاجه وطبعا كل الي بنشتريه ونغيره فلوسه ضايعه لان القديم ببقى سليم بس كلام ميكانيكيا وخلاص ....

لو اي حد يقدر يساعد باي طريقه او يسئل حد عنده خبره يا ريت يبقى في ميزان حسناته بجد لان صاحب العربيه دي تعب بجد بجد


اسف اني طولت بس فيه حاجه نسيت اقولها ....... العربيه اما تتحط على جهاز كشف الاعطال ويمسح الاعطال لغايه دلوقتي بطلع حسسا الكاما واول مبفصل الكمبيوتر ونطلع نجرب ال ار بي ام بيعدي لغايه ال 6 ونص وكله تمام بس مبكملشي ويروح راجع ثاني لنفس الخنقه

اسف على الاطاله بجد بس حاولت اشرح الموقف بالكامل