اهلا زميل الكفاح:))
المعادله الصعبه دي ايه حلها طمني حليتها ولقيت واتجوزت ولا زي حالاتي
اامشكله مفيش حد يشد ولو لقيت من المعارف مبقاش عندي استعداد اخطب واجرب الطباع والتعامل لسه لاني فسخت قبل كدا وزهقت
ايه الحل يا زميل
عرض للطباعة
ياغالي انت نفس سني تقريبا .... اخوك لسة ماشي بنور الله وبيدعي ويقول يارب ....المعادلة هتتحل لوحدها
كون انك بتقنع نفسك ان ماعندكش استعداد تخطب وتشوف طباع يبقي انت كده بتقفل السكك كلها قدامك
حط في علمك ان برده الطرف التاني هيدرس طباعك انت كمان يعني مش حقك انت بس .... يبقي ليه ماتديش لنفسك فرصة زيه تدرس انت كمان ماتخليش تجربة سيئة تحكم بيها بالعموم عالكل
يمكن ربنا خلاك تشوف الاسوأ عشان لما تشوف الحلو تمسك فيه
اكيد في ناس علطول قدامك من المعارف او الاقارب بس عمرك مابصيتلهم من منظور الجواز فمش مشدودلهم بالضرورة
حاول تدي لنفسك فرصة وماتقولش ماعنديش استعداد اتعرف علي طباع انت كده بتحط العقدة قدام المنشار ....
نصيحتي لو لسة طالع من تجربة قريب ادي لنفسك بريك وريح دماغك من التفكير بعدها دور بتأني
ربنا يرزقك يا باشا وتتحل معادلتك :)
فكره الاستعداد مش مرفوضه نهائيا الحقيقه بس تقدر تقول محتاج حد يشدني لدرجه اني اتشجع واروح اخاطر اتقدم لاني بعتبرها مخاطره دلوقتي بعد التجارب السيئه الي مريت بيخا وشوفت غيري مر بيها
ساعات بحس اني انا الي بفكر غلط او في حاجه مشواخد بالي منها
البنت الي كنت عرفتها خارج الاطار الرسمي دي كانت زي حلم فيها كل الي كنت عايزه ومع الوقت والتعامل لقبت طبعها لايناسبني ابدا وبعدنا عشان كدا بقول دي اتعاملت معاها ما بالك بقي بالي معرفش حاجه عنها ولسه هنشوف وبتاع
بجد الموضوع بقي كيميا عندي لو قعدت احسبها تجارب مقارنه بتجارب
شوف واحدة من قرايبك يعنى بنت خالك ,, بنت عمتك ,, او اتغلل فى عيلتك كويس و شوف حد يناسبك دا هيبقى جواز ناجح لانكم على الاقل عارفيبن عائلات بعض ,, ومش هتاخذ اى حاجه ممكن تطلع عينك بعد كدا ,,, او عيله تتضحك عليك او تخمك فى بنت ,, ولكن قبل الجواز عملمو انتم الاثنين تحليلات مناعه عشان تضمئن ان مفيش مشاكل انجابية
ما شاء الله فتوك؟ و كمان المحتار؟ ايه الاقتباس الكامل ده؟ ده ذنب فتكات اللي قطعتوها تريئه و في الاخر الاجتماعي قلب فتكات . الغريبة ان انا عرفت فتكات اصلا من نايل موتورز من كلامكم و دخلت اتفرج بس عجبني الاكلات و الاقسام اللي فبها حاجات للمنزل لكن المحتارة ده دخلته حب استطلاع اتفرج و اخرج.
اسفة لصاحب الموضوع بس الاسم مبتكر و البنات و الشباب في الحيرة سواء
ربنا يرزقك و كل الشباب و البنات و يحل مشاكل كل المحتارين و المحتارات
المفروض الاعضاء هنا تدخل تدعيلي ونعمل بتاع عشرميت صفحه دعوات زي ربنا يوفقك يا فتوك وربنا يريح بالك هههههههه
وشويه صور بيبهات في التوقيع علي كلمتين حامضين زي ربنا بجمع بيني وبين خطيبتي علي خير وربنا يتمم حمل زوجتي علي خير
وكدا بقينا نايل فتكات هههههههههههههه
آآه يا مرارتي ههههههه
اكيد يافندم في ناس هنا كتير شايله المراره والي شايل مرارته دا اكيد بسبب فتكوته ربنا يخليهاله وتخوش علي باقي الاعضاء لحد ما نبقي كلنا قطع غيار
احنا نقدر نعيش من غير الي فاقعينا قصدي نصنا التاني :)
شكرا لتمنيانك بالتوفيق يافندم
اسعدني مرورك في موضوعي وزاده بريقا وتألقا
قريت الموضوع ومع كل تعليق ومشاركه مش عارف اضحك واللا أعيط ..
صاحب الموضوع الغالى .. كل شيئ جايلك فى وقت مكتوبلك وهاتشوفه .. فماتقلقش .. اللى يضحك .. حيرتك وعذابك
رغم ان نصيبك ربنا شايلهولك .. ممكن تأخيرة يكون فى مصلحتك ..
مثلا ممكن انته وصاحبك عاوزين تاكلو فاتتطلبو سندوتشين
واحد يطلب فول مثلا والتانى حواوشى .. الفول يجهز بسرعة وطبيعى يخرج بسرعة لكن الحواوشى لو طلع معاه يبقى بايظ ..
ليه مابتشتكيش صاحب المحل وتقوله أخرتنى ..!!!!
اللى يبكى بقى .. الجواز اللى نفسك فيه .. الجواز ده مسؤليه كبيرة جدا للى يقدرها .. وهقولك على حاجه واحده بس من ميت حاجه ..
ربنا يكرمك وتجرب .. القلق على ولادك على صحتهم ونفسيتهم ومستقبلهم .. واسأل مجرب ..
فما تزعلش .. التقيل جاااااااى .. ربنا يوفقك .