مش عارف..مش عارف..اخطب زي الناس!!

**فتوك حائر** · 01-10-2014 11:49 PM

المشاركة الأصلية كتبت بواسطة mk3

المشاكل دى بتقفلها فى وشنا من قبل ما ندور..الواحد قفل من كتر المشاكل

عندك حق الواحد بقي بيهزر ويضحك علي الوضع الي هو فيه بسبب الامبالاه الي كسبتها من كتر المشاكل وخيبات الامل من ورا السعي في الموضوع دا

**micromoud** · 02-10-2014 08:39 AM

عزيزى دى مشكله البنات فى مصر عموما ودى برضه مشكله الشباب ونصيحه بلاش تجرى ورا الجمال اوى عشان هتقابل مفاجآآت..

**mr_safwt** · 02-10-2014 02:12 PM

المشاركة الأصلية كتبت بواسطة micromoud

عزيزى دى مشكله البنات فى مصر عموما ودى برضه مشكله الشباب ونصيحه بلاش تجرى ورا الجمال اوى عشان هتقابل مفاجآآت..

ايوة بس برضة الواحد لازم ياخد وواحدة هو شايفها جميلة معلش الواحد عشان يتجوز بيطلع عيبنة وكمان ياخد واحدة مش مالية عينة دة كدة الموضوع بقى صعب اوى

**ahmed4000** · 02-10-2014 02:28 PM

والله عن تجربة وياما اتقال الكلام ده ومحدش راضى يسمع
حلوة ولا وحشة مش حتفرق بعد الجواز
مش بقول هات واحدة قبيحة ولكن خليك فى المعقول
والاهم الطبااااااااااااااااااااا ااااااااااااااااااااااااا اااااع دى اللى حتطلع عينك

ونصيحة عايزة تعرف مراتك شكلها الحقيقى حيبقى ايه بعد الجواز.....بص على حماتك

**فتوك حائر** · 02-10-2014 02:40 PM

المشاركة الأصلية كتبت بواسطة mr_safwt

ايوة بس برضة الواحد لازم ياخد وواحدة هو شايفها جميلة معلش الواحد عشان يتجوز بيطلع عيبنة وكمان ياخد واحدة مش مالية عينة دة كدة الموضوع بقى صعب اوى

+1

المشاركة الأصلية كتبت بواسطة micromoud

عزيزى دى مشكله البنات فى مصر عموما ودى برضه مشكله الشباب ونصيحه بلاش تجرى ورا الجمال اوى عشان هتقابل مفاجآآت..

طيب ايه الحل من وجهه نطرك عشان انا دايما بسمع راي حضرنك دا من ناس كتير بس من غير حل
الحل اخد واحده مش مقتنع بيها يعني وياعالم بقي هعرف اتأقلم معاها بعدين ولا لا

**فتوك حائر** · 02-10-2014 02:45 PM

المشاركة الأصلية كتبت بواسطة ahmed4000

والله عن تجربة وياما اتقال الكلام ده ومحدش راضى يسمع
حلوة ولا وحشة مش حتفرق بعد الجواز
مش بقول هات واحدة قبيحة ولكن خليك فى المعقول
والاهم الطبااااااااااااااااااااا ااااااااااااااااااااااااا اااااع دى اللى حتطلع عينك

ونصيحة عايزة تعرف مراتك شكلها الحقيقى حيبقى ايه بعد الجواز.....بص على حماتك

الكلام جميل بس صعب تنفيذه،اخد واحده ازاي مش ماليه عيني هو انا هتجوز كل يوم
الصراحه انا مش قادر اخد الجواز كانه محطه زي شراء عربيه ولا شقه زي ما ناس كتير بتعمل
والطباع دي مش بتبان الا بالمعاشره وخصوصا فتره الخطوبه ورديه ومفهاش اي ضغط يخلي شريكك يبان علي حقيقته
ووارد جدا زي ما قلت اخد واحده عاديه وبعد الجواز تطلع طبعها وحش كمان يبقي ساعتها اعمل زي نور الشريف شقي عمرررررررررري راح

**micromoud** · 02-10-2014 05:49 PM

المشاركة الأصلية كتبت بواسطة فتوك حائر

+1

طيب ايه الحل من وجهه نطرك عشان انا دايما بسمع راي حضرنك دا من ناس كتير بس من غير حل
الحل اخد واحده مش مقتنع بيها يعني وياعالم بقي هعرف اتأقلم معاها بعدين ولا لا

قرد يهنينى ولا غزال يطلع عينى

**xman7461** · 02-10-2014 05:51 PM

لما تختار بص للتدين والادب اهم حاجة.
ومتاخدهاش جميلة اوي او ملفتة للنظر خدها مقبولة شكلا ليك لان طبعا القبول عمليه نسبيه انما الجميلة اوي بتكون في الغالب فتنة

**sonaeg** · 02-10-2014 06:04 PM

حاسس بيك الحقيقة : )))

موضوع انك تشك في اي بنت انها تكون (عطيطة ) زي ماقلت يبقي كده مش هترتاح لاي بنت وحتفترض سوء النية دايما. عندك حق ما اكتر البنات اللي كده الا من رحم ربي.

يبقي الحل تشوف واحدة تعرفها ... زميلتك في الشغل ... جارتك .... قريبتك

ساعتها مش حتشك اوي لو عارفها وعارف اهلها كويس.

نيجي للنقطة التانية ... الجمال ... قليل لما تلاقي بنت جميلة اوي ومتواضعة وطبعها حلو .... ربنا مابيديش كل حاجة ...

الجمال مش هيدوم غير الطبع ... مش معني كلامي تشوف واحدة مش جميلة خاااالص لا طبعا لازم تملي عينك انت وترتاحلها ... وواضح ان مش بالساهل حد يملي عينك زي اخوك برده : )))

انها المعادلة الصعبة يا صديقي لازملها عامل حفاز وهتفرقع في وشنا كلنا

كلنا هذا الرجل... نصيحة دور علي المعارف او القرايب لو لقيت كل السكك مقفولة ..... وكل حاجة ليها عيوبها الصالونات او القرايب برده لكن بنسب متفاوتة.

كلنا هذا الرجل ... قلبت عليا المراتب : )))

**فتوك حائر** · 02-10-2014 07:18 PM

المشاركة الأصلية كتبت بواسطة micromoud

قرد يهنينى ولا غزال يطلع عينى

لا لو بقت كدا بلاها القرود والغزلان حته بي ام بدل الجواز
شوف قطر الجواز لاما اركب ركوبه مريحه لاما يغور وخليني مكاني

المشاركة الأصلية كتبت بواسطة xman7461

لما تختار بص للتدين والادب اهم حاجة.
ومتاخدهاش جميلة اوي او ملفتة للنظر خدها مقبولة شكلا ليك لان طبعا القبول عمليه نسبيه انما الجميلة اوي بتكون في الغالب فتنة

مش عايز والله جميله اوي علي فكره انا كنت مقيم في شرم الشيخ فتره طويله ولو بدور علي الجمال الملفت كنت اتجوزت اجنبيه
انا عايز واحده جمالها كويس احب ابصلها وتعاشر جوزها بالمعروف ..صعبه اوي دي للدرجه دي ولا انا الي بدور غلط