الموضوع: زياده التامين

السلام عليكم

كل عام وكل اعضاء المنتدى بخير

لو سمحتوا عندى استفسار خاص بالتامين
انا مأمنه على عربيتى نيسان صنى الجديده من سنتين ولانى مبسوقش كتير الحمد لله :)
اول سنه عدت الحمد لله من غير حوادث وجددت التامين من غير زياده

لكن السنه التانيه عملت حدثه كبيره والنهارده بكلم شركه التامين علشان تجددلى للسنه التالته بلغونى ان السعر هيزيد اكتر من 600 جنيه بسبب الحدثه
ولما سئلت طب ليه متعمليش خصم على السنه الاولى .. الرد كان احنا مبنعملش خصم

شركه التامين اسمها اروب للتامين

انا حسه ان ده استغلال ومش عارفه اعمل ايه
هل اجدد معاهم ؟؟ ولا اغير شركه التامين ؟؟ ولا اعمل ايه ؟؟ ممكن حد يساعدنى بالمشوره لو سمحتوا

في بدائل كتير ممكن حضرتك تتحركي من خلالها من أول الشركات الملتي ناشيونال زي Allianz و AIG علي الرغم من ارتفاع القسط اللي ممكن حضرتك تدفعيه بشكل مبالغ فيه الي شركات مصريه محترمه زي مصر للتأمين أو المشرق أو غيرها من الشركات الكبيره والموضوع مش متعب في حال تغيير شركة التأمين وأما بالنسبه للزياده اللي بلغو حضرتك بيها لان حضرتك عملتي مطالبه وده موجود في كل شركات التامين عموما