السلام عليكم شكرا على عرضك للسيارة بس كنت عاوزة تفاصيل اكتر عنها وعن الكماليات وسعرها فى السوق المحلى فى مصر كام بظبط؟ وفى تقارب بين سعرها وسعر بيجو 308 ارجو الرد شكرا لك
عرض للطباعة
السلام عليكم شكرا على عرضك للسيارة بس كنت عاوزة تفاصيل اكتر عنها وعن الكماليات وسعرها فى السوق المحلى فى مصر كام بظبط؟ وفى تقارب بين سعرها وسعر بيجو 308 ارجو الرد شكرا لك
اولا اهلا بيك ، وارجو انك تكوني استفدتي ، بالنسبه للكماليات انا ذكرتها في مشاركة سابقه في الموضوع ، بالنسبه للسعر هي ب 145000 تقريبا لان لسه سعرها النهائي متحددش بالظبط بس الحد الأقصى 150000 ده من التوكيل وهو نفس سعر ال 308 برضو ، بس انا شايف ان تصميم و صالون ال c4 اجمل بكتير وكمان التارة المثبته بالمالتي فانكشن اللي فيها جميلة جدا ومش موجوده في ال 308 ومفيش مالتي فنكشن في 308 لكن كموتور وميكانيكا وشاسيه هما الأثنين واحد بالظبط، ولو فيه حاجه محدده عاوزه تسالي عنها انا تحت امرك
ألف مبروك الحجز و منتظرين منك تقرير بالصور بعد الإستلام للرائعة c4.. لكن يا ترى شكل الفوانيس من ورا إتغير عن ال 2007 و لا لأ.... و لو إتغير ممكن صورة للفوانيس الخلفية ...و مبروك مرة تانية...
يا باشا ربنا يبارك فيك ، وان شاء الله مجرد ما استلم هعملكم تقرير مفصل بالصور حتى تعم الفائده ، وبالنسبه للفوانيس الخلفيه دي صورتها
http://static.blogo.it/autoblog/citr..._my2009_02.jpg
هي وزنها قد إيه ؟؟ حسيت فيها انها ناشفة ولا إيه، كتير بسمع انها ناعمة ومش بتاعة فحت وردم .
العربية وزنها 1273 فاضيه ، وده طبعا حلو جدا ، والعربية دي على فكره هي عربية الراليات بتاع سيروين ومحققه نتايج هايله يعني مش عربية دلوعة بالعكس دي عربية رياضية وافحت واردم براحتك :) وكمان عفشتها ناعمة مش ناشفه زي معظم الأوروبي على فكره محبوبه جدا في اوروبا وباعت مليون عربيه في اربع سنين من ساعت ما نزلت ، واي خدمه يا باشا
ميرسى لك كتير على ردك السريع على طلبى
الف مبرووك تانى يابشااا بسش ياريت تقول اول ماتستلم (مش تنسى المنتدى بقا خلاص بقى معاك عربية :sifone:) ومستنين تقرير حلو بقا
يا باشا ربنا يبارك فيك تاني :) ، وطبعا ان شاء الله اول ما استلم هقولكم واصور العربية واعملكم تقرير مفصل عن كل حاجه فيها ، وعمري ما اقدر استغنى عن المنتدى ولا عنكم وانا معاية عربية اصلا بس بغيرها يعني مش مش اول مرة اركب عربيه وعمري ما كان هدفي ان اخد رأي الناس في عربيه واشتريها وشكرا ومتهيألي الناس عارفه كده من حجات سابقه ، وان شاء الله هعملكم تقرير من الأبره للصاروخ :)
العربيه دى انا بعشقها موووت وكان نفسى اجيبها بس محصلش نصيب بسبب موضوع الخساره الكبيره فى اعادة البيع
اسمحولى اعمل تقييم سريع للعربيه دى على هيئه نقاط
المميزات
1- العربيه دى احسن حاجه فيها شكلها الشكل بيبقى وجهات نظر بس انا شايف انها احلى من الاسترا الجديده ومن الليون والبيجو 307 يعنى احلى عربيه فى السوق دى غير من الداخل بالعدادت الديجيتال والتكييف التاتش وشاشة المعلومات والدريكسيون وشكلة المختلف الجميل جدا
2- العزل .....العربيه دى عزلها مش ممكن يا جماعه حاجه تمشى بيها على 130 كم ولا تسمع صوت ولا هواء ولا موتور ولا اى حاجه طبعا عزلها افضل من ابنة عمها البيجو307 وممكن اقول ان عزلها تقريبا نفس عزل الباسات
3-العفشه بتاعاتها جامده قوى مش ناعمه قوى ولا خشنه ولكنها بصراحه انشف من البيجو 307 وفى المقابل ثبات اعلى من البيجو 307
4- التصميم الايروديناميكى وده اكتر حاجه بعشقها فى شركة ستروين استاذه رائده فى التصميم الايروديناميكى اللى يعنى مقاومه الهواء ممتازه وصعب جدا تحس ان الهواء بيلعب فى العربيه اضافة الى الوزن وهو 1275كجم وده وزن عالى بالنسبة لفئتها ويقترب بشده نحو الاوكتافيا a5 اللى وزنها 1290كجم
5- الثبات جامد جامد على اى سرعات واشد من البيجو 307 وده مش كلام لوحدى ده كلان المواقع الاجنبيه والتقيمات العالميه بتقول كدا
العيوب
1- العربيه شدها مش جامد قوى وخصوصا الطلعه يمكن ده يعود لثقل وزنها وكويس ان الموتور الجديد اصبح 120 حصان للتغلب على النقطه دى
2- استهلاك للبنزين مش مثالى يعنى وسط بين الكورولا واللانسر
3- اعادة البيع مش كويسه موديل 2006 حالة الفابريكه حوالى 87 الف
4- التوكيل غالى نسبيا فى قطع الغيار اللى هو عز العرب