ابحث عن افضل ورشة للسمكرة والدوكو في اسكندرية ؟

**egyption2012** · 03-10-2014 03:33 AM

السلام عليكم ورحمة الله وبركاته
ابحث عن افضل ورشة للسمكرة والدوكو ويكون اسعارهم معقولة
العربية اوبل استرا 2005 وفيه خبطات في بعض الابواب بالاضافة لخبطة في العتبة والخبطة ده مصدية جدا
والرفارف مصدية وبدأت تاكلها البارومة بشكل مستفز
يعني محتاج فنان وشغله نضيف يرجع العربية عروسة ان شاء الله
شكرا لكم

**samo9992003** · 03-10-2014 04:10 AM

وانا كمان محتاج حد بيفهم

**georgedada82** · 03-10-2014 05:09 AM

لو حد يعرف ياريت يبلغننا معاكم

**haisam ali** · 03-10-2014 11:20 AM

انا اعرف واحد بتاع دوكو فى الحرفيين لكن أسعاره خياليه كنت راشش عنده عربيتى الفيكترا .... لكن الراجل ده لو رش العربيه هيرجعهالك زى ماستلمتها من الزيرو بالظبط ... واتحدى اى حد فى القصه دى ... لكن غالى جدا جدا جدا جدا ... وبيعوزك تفك العربيه بالمسمار من بره ودى طبعا كلفه تانيه ... وكمان بيعوز واسطه فى حاله العربيات بتاعتنا لانه بيشتغل فى عربيات عاليه جدا ... لو حبيتم تروحوله عرفونى وانا اقولكم عليه وهوه طبعا هيدلكم على السمكرى ... اه بالحق معلش الراجل ده أخد منى فى رش العربيه بالكامل ٥٥٠٠ جنيه بالعافيه وكمان جبتله وسايط وقلبت الدنيا عشان يرضى ياخدها .... لكن صدقونى مش خساره فيه الفلوس

**Abo_Mazen** · 04-10-2014 12:10 AM

المشاركة الأصلية كتبت بواسطة ahmedkasem

بالنسبة للعتب والرفارف لو فيهم برومة انصحك انك تشيلهم وترميهم وتشتري جديد او استعمال خارج يعني تغيرهم احسن ولو هتشتريهم استيراد حاول تنقيهم ميكونش فيهم خبطات زي ما انا عملت

وباقي التلاقيط اللي في العربية والبيبان السمكري يعدلهملك بالتسخين
بس اهم حاجة تلاقي سمكري نضيف وماتروحش للسمكرية اللي بيشتغلوا في العربيات المربعة (اللادا وال 128) عشان عربياتنا فيها دورانات وسوك مش هيعرفوا يظبطوهالك كويس

ههههه حلوه حكاية سمكري بيشتغل في العربيات المربعه ..تصدق فعلا نظريه ..اللادا والتمانيه وعشرين عربيات مربعه فعلا

**egyption2012** · 04-10-2014 04:26 AM

المشاركة الأصلية كتبت بواسطة haisam ali

انا اعرف واحد بتاع دوكو فى الحرفيين لكن أسعاره خياليه كنت راشش عنده عربيتى الفيكترا .... لكن الراجل ده لو رش العربيه هيرجعهالك زى ماستلمتها من الزيرو بالظبط ... واتحدى اى حد فى القصه دى ... لكن غالى جدا جدا جدا جدا ... وبيعوزك تفك العربيه بالمسمار من بره ودى طبعا كلفه تانيه ... وكمان بيعوز واسطه فى حاله العربيات بتاعتنا لانه بيشتغل فى عربيات عاليه جدا ... لو حبيتم تروحوله عرفونى وانا اقولكم عليه وهوه طبعا هيدلكم على السمكرى ... اه بالحق معلش الراجل ده أخد منى فى رش العربيه بالكامل ٥٥٠٠ جنيه بالعافيه وكمان جبتله وسايط وقلبت الدنيا عشان يرضى ياخدها .... لكن صدقونى مش خساره فيه الفلوس

بصراحة حضرتك خوفتنا من الراجل ده لذلك مضطرين نستبعده

**egyption2012** · 04-10-2014 04:27 AM

المشاركة الأصلية كتبت بواسطة zerocar

يا جماعة انا صاحب مركز صيانة سيارات في المنصورة وتحت امركم في اي خدمة وطبعا مش هقولكم علي صنايعية المنصورة مع كامل احترامي لصنايعية الحرفيين والاسكندرية صنايعية المنصورة لا يعلي عليهم وبشهادة الجميع
ولو محتاجيين اي خدمة انا تحت امركم
اخوكم شريف 01091801808

ربنا يباركلك بس مشوار المنصورة بعيد خصوصا ان العربية اكيد حتحتاج تبات
لذلك انا بدور على حد من الاسكندرية
شكرا لرد حضرتك

**egyption2012** · 04-10-2014 04:29 AM

المشاركة الأصلية كتبت بواسطة ahmedkasem

بالنسبة للعتب والرفارف لو فيهم برومة انصحك انك تشيلهم وترميهم وتشتري جديد او استعمال خارج يعني تغيرهم احسن ولو هتشتريهم استيراد حاول تنقيهم ميكونش فيهم خبطات زي ما انا عملت

وباقي التلاقيط اللي في العربية والبيبان السمكري يعدلهملك بالتسخين
بس اهم حاجة تلاقي سمكري نضيف وماتروحش للسمكرية اللي بيشتغلوا في العربيات المربعة (اللادا وال 128) عشان عربياتنا فيها دورانات وسوك مش هيعرفوا يظبطوهالك كويس

مفيش مشكلة لو اسعارهم مقبولة
لكن حاجة زي الرفرف الخلفي تقريبا موال لانه واخد من ورا العربية لفوق وممتد لمقدمة العربية
وموضوع العتب انا معرفش حكايته ايه