سؤال فى فورد فيستا

**ابن الحتة** · 05-10-2014 01:02 AM

السلام عليكم
اهلا اخواتى
انا عايز عربية فورد فيستا
انا كان معايا ابيزا 94 وبعتها من كام شهر
والوقتى معايا فى حدود 25 وبفكر فى الفورد فيستا
ياترى العربية دا قطع غيارها عامل اية وخصوصا فى المنصورة
انا الابيزا ماشاء الله كانت عربية ممتازة
بس بعتها لان كان عندى ظروف ومحتاج فلوس
وياريت عيوب العربية من عفضة وميكانيكا وكهربا وخلافة
وشكرا يارجالة مقدما على التعاون

**bigbibo** · 08-10-2014 10:44 AM

طيب بص انا هجاوبك فى حدود معلوماتى البسيطة عربية جميلة وركوبتها حلوة .. تتبسط منها .. بالنسبة للأسئلة اللى حضرتك بتسألها فأنا عملياً مش هقدر افيدك اوى لأن العربية مبقالش معايا كتير لكن مبسوط منها الحمد لله وفى نفس الوقت مركبتش ابيزا عشان اقارن بينهم .. قطع غيارها ((قاهرة وجيزة)) متوفرة (جديد واستيراد) عكس مالناس كانت بتقولى قبل ما شترى .. يفضل يشتغل فيها ميكانيكى فورد او انا شابف ان اى ميكانيكى كويس بيشتغل فى الموديلات الحديثة هيتعامل لأن العربية الحمد لله مفيهاش حاجة صعبة .. يفضل انك تشترى ال 1300 سى سى لأن موتورها اسهل وقطع غياره متوفرة اكتر ومش غالية زى الموتور 1250 ... وهسيب الاجابات التقنية اكتر من كده بقى للخبرا اللى اقدم منى .. وربنا يوفقك ان شاء الله

**Ramadan Kader** · 09-10-2014 01:13 PM

أنا فى راى الابيزا أفضل من الفيستا كتير من حيث توافر قطع الغيار الصيانه . الفيستا مما لا شك فيه قطع غيار كلها موجوده عند كل بتوع الفورد بس فى النهايه هما 7 ولا 8 تجار جديد و 7 و 8 أستيراد و و خمس ست مكانيكيا و مركز خدمه و التوكيل .
على عكس الأبيزا كانت مع أخويا بيصلحها عند أي حد و كل الورش الى فيها كمبيوتر بتشتغل عليها و تصينها انا لما الكنترول هيس أضطريت انى أروح لمركز الخدمه تكنو بوش و طبعا الى عندهم الكمبيوتر هاند بتاع الفورد خمس او ست أماكن على عكس ان اى حد عنده هاند بيصلح الأبيزا و اكمان بتوع قطع الغيار الأبيزا اكتر بكتير و الأبيزا كمان اوسع من الفيستا.
انا و والدي معانا فورد أسكورت و فيستا و كل قطع الغيار بتاعتهم موجوده وكتير و درجات كمان فيه تركي و أسبانى و المانى و ايطالي و ............. و أستيراد و جديد بس عند ناس معينين و موجود اسمايهم وعاناوينهم وارقام تليفونتهم على المنتدى هنا و العفشه اى حد نضيف يقدر يشتغلك فيها و اى كهربائي بيقفهم حلو هيقدر يظبتهالك كويس اما الموتور مفيش ادامك اى حل غير ميكانيكة الفورد و اى ميكانيكى مش بتاع فورد هى مسألة وقت قبل ما تدمر الموتور فنصيحه بلاش تصلح عربيتك عند اى ميكانيكي و ده العيب الكبييييييير اوي فالفورد . غير كده العربيه فى السحب ممتازه الثبات ممتازه الأعتماديه ممتازه قطع الغيار النضيفه هتعيش معاك كويس جدا جدا. البنزين العربيه بتعمل معاك لحد 275ك فى ال20 ليتر عالسريع و 160 ل 180 ك فى البلد والزحمه. الموديل طبعا احدث من الأبيزا و بسعر أقل من الأبيزا و ديه ميزه كبيره لو معندكش مشكل فى المرمته بتاعت قطع الغيار أن عدد التجار والميكانيكيه بتوعها محدودين توكل على الله و اشتريها

**Ramadan Kader** · 09-10-2014 01:16 PM

دول الناس الى موجود بيانتهو هنا لعى المنتدي و كمان من المنصوره أتصل و اتاكد منهم قبل ما تشتريها لانى ما اتصلتش بيهم قبل كده

- إبراهيم السروجي 0106769596 - 0502348419 المنصورة شارع حسين بيك-امام صيدلية اللواء الحسينية قطع غيار المنصوره المنصوره
- شركة الصفا للاستيراد 050-2232656 المنصورة الحسينية شـ النقراشي امام مدرسة الامريكان قطع غيار المنصوره المنصوره
- إيهاب الميهي 012-02626381 قطع غيار أستيراد المنصوره المنصوره

**kabo_dody** · 19-11-2014 05:46 PM

انا معايا فورد فيستا 1100 موديل 1997 عربيه جميله جدا وثابته على الطريق دركسيون ناعم مع انه مش باور عفشه ناعمه سحب ممتاز اقتصاديه فى البنزين اى ميكانيكى بيشتغل فيها انا بتكلم على ال 1100 الكربراتير بالنسبه لقطع الغيار كلها موجوده بلا استثناء وباسعار عاديه جدا يعنى الماتور كامل مثلا بكل حاجته والفتيس ب 3500 ولو عايز شورت بلوك بس فى حدود 1000 الى 1500 كربراتير ب 400 بيجوهات من 25 الى 95 حسب مانت عايز مرايات بيركب عليها مرايات شاهين ب 60 جنيه ومرايتها الاصليه ب 250 الفتيس فى حدود 700 الاربع كبالن ب و 400وحشوهم ب 250 الزراعات كالكس ومساحات ب 150 فانوس امامى الطقم كامل ب 250 استيراد و الخلفى ب 200 كامل استيراد والجديد نفس القصه فانوسين الاشارة قدام ب 120 جنيه الطقم و طقم اشارة الجنب بيركب عليه اى حاجه وكل ما افتكر حاجه هقولهالك
طبعا الاسعار ديه بالنسبه لعربيات تانيه عاديه جدا