الحقونى ..... مفتاح العربيه جوه العربيه و العربيه مقفوله e90

**pioneerahmed** · 05-10-2014 06:19 PM

انسي ان العربية دي تتفتح من غير مفتاحها
يا اما التوكيل يعملك نسخة بحوالى 3000 جم و هتاخد وقت
يا اما تكسر الازاز

بس سؤال هو الاسبير فين؟

**svneleven** · 06-10-2014 04:48 AM

بردو أنا مش عارف هي قفلت ازاي و المفتاح جواها؟ يعني عشان الواحد يتجنب ان ده يحصل.

**sherif84** · 06-10-2014 07:17 AM

العربيه متقفلتش لوحدها . المفتاح كان فى جيبى و خبطه و العربيه قفلت السنتر و الازاز كله كان مقفول و كنت جوه العربيه و ما اخدتش بالى ان اللوك اتقفل بس كنت سمعت صوت اللوك بس مركزتش ايه اللى حصل اذا كان اتفتح و لا اتقفل . و بعدين المفتاح وقع من جيبى و انا بنظف العربيه و نزلت علشان ارجع انظف ورا و رديت الباب و اتقفل نص قفله و مارداش يفتح و ملقيتش المفتاح فى جيبى و شوفته من الازاز.انا اللى غلطان و نصيحه لازم يكون فيه مفتاح اسبير و ياريت لو اى حد فى مشوار يكون فاصل المفتاح عن الريموت علشان لو حصل حاجه زى كده

**ISLAMNOSSIR** · 06-10-2014 02:21 PM

بص يا معلم ماتكسرش الازاز ولا تكلف نفسك الموضوع اهبل.
الراجل اللي فتحلي العربيه جاب معاه حاجه شبه الكيس و المنفاخ بتوع جهاز قياس ضغط الدم و بتشتغل بنفس الطريقه، دخل طرف البتاعه ديه ف الباب بحيث يعمل فجوه يعدي منها سلك طويل يقدر يفتح بيه الأكره او الإزاز.
الراجل خد مني ١٥٠ جنيه لما شاف العربيه مع انها شغلانه كبيرها اوي ٢٠ جنيه.

**adolf** · 06-10-2014 11:01 PM

بتوع المفاتيح بيعالجوا الموضوع ده انهم بيدخلوا مفك ملفوف فى فوطة فى فاصل الباب و يقوم شادد الباب لبره و بعدين يدخل سلكة و يفتح اللوك و اعتقد فى حالتك دي الافضل يكون معاه عصاية يدوس بيها على زرار اللوك اللى فى التابلوة فوق الكاسيت

**sherif84** · 11-10-2014 11:27 PM

زرار اللوك اللى فى التابلوه بيبقى مفصول عنه كهرباء علشان مقفول بالريموت و العربيه مبطله و الريموت مش فى الكونتكت . ملهاش حل غير الفتح عن طريق الريموت او كالون الباب بالمفتاح

**ACE** · 12-10-2014 03:05 AM

كنت عايز اقولك اسأل على ارخص قطعة زجاج فيها واكسرها
بس افتكرت انك لازم تمسك المفتاح فى ايدك لان العربية مش هتتفتح حتى لو دخت ايدك وفتحت الاكرة من الداخل

**ACE** · 12-10-2014 03:07 AM

الناس دى غريبة بجد واحيانا ببقى مش فاهم هما ليه بيعملو فينا كده

**sherif84** · 12-10-2014 11:40 AM

هى حاجه كويسه انها متأمنه بالشكل ده مش وحشه . انا كسرت الازاز بتاع الباب اللى ورا و جبت المفتاح و فتحتها .بس ياريت لو حد يقولى سعره كام . انا قدامى واحد استيراد ب 350

**pioneerahmed** · 13-10-2014 08:15 PM

افحمد للة ان الاير باج مضربش و انت بتكسر الازاز

الموضوع: الحقونى ..... مفتاح العربيه جوه العربيه و العربيه مقفوله e90

LinkBack

أدوات الموضوع

عرض

-

-

-

-

-

المواضيع المتشابهه

دخان ابيض او ازرق لما اسيب العربيه يومين ويظهر لماادور العربيه

صوت خروشه لما العربيه بتكون دايره وبتروح لما افصل العربيه ممكن حل؟

ايه رأيكم في تهبيط العربيه ، ناوي اظبط العربيه بمساعدة أيمن مومو

فلشيا الفرق بين اداء العربيه الصبح واداء العربيه باليل

ارجوكم الحقونى العربيه بترعش وبتقطع الحقونى

الكلمات الدلالية لهذا الموضوع

المفضلات

المفضلات

ضوابط المشاركة