ظاهرة الإمجرند

**Eng.Geo** · 05-10-2014 02:11 PM

الموضوع مش مخصص عن العربية بحد ذاتها
جيلي امجراند عربية جديدة رخيصة ( مش معناه انه في متناول الناس بس هي فعلا من أرخص العربيات ) شكلها من ورا جميل جدا ... من قدام تقليدية جدا
بقالي فترة بلفلف عالدائري ... مش فسح بس أجرائات ترحيل جيش ومشاوير ما يعلم بيها الا ربنا ... ما علينا
طبعا كلنا ملاحظين ان الدائري تقريبا كله شع لأبعد الحدود
كل يوم الاقي مش أقل من 6 عربيات (مش مبالغة) عالطريق معاهم امجراند وطايرين بيها ... حاسس اني شايف مرسيدس يا جداعان !
وانا ربنا هداني وبطلت جري
بس مش معقول فعلا كل يوم وكلهم بيغرزوا و يجروا
انا كل اللي في دماغي هو اللي راكب ده حاسس بأيه ؟ ... هي ثابته فعلا ولا مدياله ثبات وهمي ؟ ... أصلي شنطة العربية بتنط قدامي !
ده في عربية سابت الأرض من ورا !! .... وصاحبها مكمل ولا في دماغه ودايس !!!!!!!
لا مستحيل
قولت في مرة أشوف واحد من السخنانين دول واجيب أخره أشوف هيحصل ايه
في حتة كدة عالدائري بين المرج والسلام ( أقرب للسلام ) الأرض فيها بتطلع وتنزل جامد زي الموجة ... وخصوصا الأقرب للحارة الشمال وواخدة كيرف محترم
لقيت واحد امه داعياله جالي في المنطقة ده .... زودت سرعة لغاية ما عديت 160 وهو طاير ورايا .... جيت عند الملف ومرديتش أهدي وباصص في المراية عليه وكل العربية عمالة بتتنطت وسرعتهم متجيبش 100 ... الحمد لله عربيتي لازقة في الأرض مابتميلش حتي
فجأة الاقي أخونا اللي ماشي ورايا ضهر عربيته بقي جنبه والعربية بتطوح بعيد !
لوكنت أعرف انها كدة مكنتش سخنته بصراحة .... بس هو أكيد مش كل اللي بيسوقها غشيم عشان مايعرفش أخر عربيته ايه !
وقيس علي ده كتير ... كل يوم بلاقي من ده ... دائري وجوزيف تيتو ومصر اسماعيلية وكتير جدا ... مش فاهم ليه كل اللي راكبينها بيعملوا كدة !
أصلا موتور انا شايفه عيان ! مش بتاع جري خالص
وكل كام يوم ألاقي حادثة !
نفس الحال حصل بالظبط مع الفيرنا أول ما نزلت ... وبعدها السيراتو
كلنا عارفين الفيرنا دلوقتي وعارفين عيوبها وتقريبا كلنا سوقناها
والسيراتو والنطة الغريبة اللي بتنطها من ورا والعفشة ال aggressive
انا ماركبتش الأمجراند غير مرة واحدة وهي واقفة ... كانت زيرو وصاحبها كان بيشتكي ان البا ورا مابيقفلش !!! ... لازم يترفع وانت بتقفل عشان ترضي تقفل
يا ريت لو حد ساق العربية يقولنا أحساسه ايه موتور وثبات ... وخبرته في العربيات
ويا ريت اللي سايقينها او سايق اي عربية ماتتغرش بيها .. احنا ماشيين علي هوا
انا مش هاجم اي عربية ... كل عربية وفيها عيوبها ده طبيعي
شكلها جميل وسعرها كويس وربنا يبارك لكل واحد في عربيته

**Hunting_Eagle** · 05-10-2014 03:37 PM

بعيدا عن اي عربية بعينها

تقييم ثبات اي عربية .. بيعتمد على العربيات اللي ركبتها قبل كده

يعني لما تبقى راكب عربية على قد حالها و تركب بعدها عربية متوسطة .. هتحس انك اتنقلت نقلة تاريخية

و العكس لما تبقى راكب عربية ثابتة و تروح تركب عربية اقل منها و الناس منبهرة بأدائها و تقول ان العربية دي مش قد كده هتلاقي الناس بتبصلك باستغراب و كأنك لا تفقه شيء

أول عربية ركبتها كانت لانوس .. و كنت بمشي بيها على 160

ولما ركبت سيات كوردوبا بعدها .. قولت انا ايه اللي كنت بعمله بالانوس ده

و بعدها لما ركبت السوبارو ليجاسي ال awd و الهوندا الأكورد و المازدا 6 .. قولت أنا أول مرة اركب عربية

دلوقتي بعد ما جربت السيارات الأفضل عمري ما اعدي ال 120 الا على طريق مفتوح .. و عمري ما اعمل غرزة

و هكذا .. كل ما تركب عربية افضل ثباتا هتستغرب الناس راكبة العربيات الأقل ازاي

قبل كده عملت تست درايف لل 316 .. عجبني جدا الموتور و كان ليا تحفظات على ثبات العربية !!

الكلام ده كله ينطبق على اي حاجة تانية غير الثبات .. التسارع و جودة الخامات و وسائل الأمان

طالما ما جربتش الأفضل .. هتعتقد دائما انك معاك أفضل حاجة

**S O P H O S** · 05-10-2014 03:50 PM

انا بشوفها كتير فعلا
بس بصراحة مقبلتش جري بزيادة بيها
دايما الاقي الناس ماشين بهدوء

**hany63** · 05-10-2014 04:05 PM

المشاركة الأصلية كتبت بواسطة hunting_eagle

بعيدا عن اي عربية بعينها

تقييم ثبات اي عربية .. بيعتمد على العربيات اللي ركبتها قبل كده

يعني لما تبقى راكب عربية على قد حالها و تركب بعدها عربية متوسطة .. هتحس انك اتنقلت نقلة تاريخية

و العكس لما تبقى راكب عربية ثابتة و تروح تركب عربية اقل منها و الناس منبهرة بأدائها و تقول ان العربية دي مش قد كده هتلاقي الناس بتبصلك باستغراب و كأنك لا تفقه شيء

أول عربية ركبتها كانت لانوس .. و كنت بمشي بيها على 160

ولما ركبت سيات كوردوبا بعدها .. قولت انا ايه اللي كنت بعمله بالانوس ده

و بعدها لما ركبت السوبارو ليجاسي ال awd و الهوندا الأكورد و المازدا 6 .. قولت أنا أول مرة اركب عربية

دلوقتي بعد ما جربت السيارات الأفضل عمري ما اعدي ال 120 الا على طريق مفتوح .. و عمري ما اعمل غرزة

و هكذا .. كل ما تركب عربية افضل ثباتا هتستغرب الناس راكبة العربيات الأقل ازاي

قبل كده عملت تست درايف لل 316 .. عجبني جدا الموتور و كان ليا تحفظات على ثبات العربية !!

الكلام ده كله ينطبق على اي حاجة تانية غير الثبات .. التسارع و جودة الخامات و وسائل الأمان

طالما ما جربتش الأفضل .. هتعتقد دائما انك معاك أفضل حاجة

استاذ و رئيس قسم
النهارده سقت السيفيك و كانت الشوارع فاضيه عشان العيد و كان احساسي ان العربيه ثباتها وحش و مش بتاعة جري و ده طبعا بعد ما خدت على ثبات البيجو ٥٠٨

**2CODE** · 05-10-2014 05:28 PM

من غير ما تحير نفسك

عربية بالسعر ده وصيني مستنيهم يحطولك 5link rear suspension ولا ايه !!!!!!!! ؟؟؟؟؟؟؟؟؟

أكيد حاجة على قد سعرها طبعاً علشان المصنع مش هيخسر :D

هو بس الشعب المصري قلبه جامد ياعم بيطلعوا يجروا بالفيرنا لغاية دلوقتي وبيجروا جنبي كمان !!!! بكون عايز اطلع راسي واقوله يابني اعقل انا 150 وسايب الدريكسون اساساً روح العب بعيد هههههههههههه

بس لاشك في انه عربية كويسه على سعرها بس لو ينزل منها اوتوماتيك تبقى عربية محترمة جداً لكن الناس تعقل دي مش عربية ثبات وجري وشد وفرامل بلاش بلاش بلاش !!!!!!!!

**egyptian_eagle** · 06-10-2014 01:40 AM

متابع

**hugan** · 06-10-2014 02:54 AM

العربيه عاجباك
بس انت مش عايز تقول

**adel_edrees** · 07-10-2014 10:54 PM

و الله أي عربية ما ينفعش تجرى بيه بالسرعات الفلكية دى

**M I D O** · 09-10-2014 12:06 AM

العربية فعلا انتشرت بشكل كبير وثبات العربية ما شاء الله جيد جدااا بس لو الارض مكسرة جامد وممسكتش الطارة كويس هترمي منك جامد واي عربية طبعا كدة الطريق بياثر عليها

الموضوع: ظاهرة الإمجرند

LinkBack

أدوات الموضوع

عرض

ظاهرة الإمجرند - انشر الموضوع فى :

-

-

-

-

المواضيع المتشابهه

ظاهرة غريبة

ظاهرة انتشار المختلين عقلياً ....... ظاهرة يجب الوقوف عليها .

ظاهرة فى المنصورة

ظاهرة غريبة جدا

الكلمات الدلالية لهذا الموضوع

المفضلات

المفضلات

ضوابط المشاركة