نظام التأمين ضد الاقتحام اوكتافيا a7

**Hoszahran** · 08-10-2014 01:29 PM

عربيتى زى عربيتك الفئة التانية 2015 MPI

اول لما حضرتك تدوس على الزرار بتاع منع الاقتحام امام الفتيس بتسمع صوت اللوك الخارجى بوضوح وبكده محدش يقدر يفتح عليك العربية من بره بس لازم تدوس على الزرار و الطبيعى انه يشتغل مانيوال الا اذا عملته اتوماتيك من اعدادات الكمبيوتر انا عملته اتوماتك بس مش فاكر الطريقة بس هى من Car setup جرب لو معرفتش ممكن اشوف الطريقة و اكتبهالك

المشاركة الأصلية كتبت بواسطة Mostafa Hamoda

عربيتك موديل كام ياباشا ,
عربيتى موديل 2015 mpi 1600 الفئه االثاتيه
بس انا جربت الى انت قولته و مشتغلش

**mohameddawoud** · 08-10-2014 01:59 PM

المشاركة الأصلية كتبت بواسطة hoszahran

عربيتى زى عربيتك الفئة التانية 2015 mpi

اول لما حضرتك تدوس على الزرار بتاع منع الاقتحام امام الفتيس بتسمع صوت اللوك الخارجى بوضوح وبكده محدش يقدر يفتح عليك العربية من بره بس لازم تدوس على الزرار و الطبيعى انه يشتغل مانيوال الا اذا عملته اتوماتيك من اعدادات الكمبيوتر انا عملته اتوماتك بس مش فاكر الطريقة بس هى من car setup جرب لو معرفتش ممكن اشوف الطريقة و اكتبهالك

هو بيتكلم علي حاجه تانيه غير اللي انت بتقوله علي فكره
وياريت حد معاه العربيه يقولنا فعلا الموضوع ده مش موجود في 2015 ولا ايه

**mohameddawoud** · 08-10-2014 02:02 PM

المشاركة الأصلية كتبت بواسطة hoszahran

عربيتى زى عربيتك الفئة التانية 2015 mpi

اول لما حضرتك تدوس على الزرار بتاع منع الاقتحام امام الفتيس بتسمع صوت اللوك الخارجى بوضوح وبكده محدش يقدر يفتح عليك العربية من بره بس لازم تدوس على الزرار و الطبيعى انه يشتغل مانيوال الا اذا عملته اتوماتيك من اعدادات الكمبيوتر انا عملته اتوماتك بس مش فاكر الطريقة بس هى من car setup جرب لو معرفتش ممكن اشوف الطريقة و اكتبهالك

بص جرب تشيل المفتاح من الكونتاكت وتقفل العربيه من الريموت وانت جواها وجرب تفتح الباب شوفه حيفتح ولا ﻷ وقولنا

**Mostafa Hamoda** · 08-10-2014 02:33 PM

المشاركة الأصلية كتبت بواسطة mohameddawoud

بص جرب تشيل المفتاح من الكونتاكت وتقفل العربيه من الريموت وانت جواها وجرب تفتح الباب شوفه حيفتح ولا ﻷ وقولنا

بيفتح ياباشا
والمفروض انه ميفتحش من جوه لما تقفل بالريموت

**mohameddawoud** · 08-10-2014 02:39 PM

المشاركة الأصلية كتبت بواسطة mostafa hamoda

بيفتح ياباشا
والمفروض انه ميفتحش من جوه لما تقفل بالريموت

مانا عايز ا/حسام او اي حد معاه العربيه غيرك يجربها في عربيته لانها المفروض متفتحش فعلا ولا حتي زرار اللوك يفتح العربيه

**waelamin123** · 08-10-2014 03:13 PM

انا جربت كل الطرق السيارة بتفتح من الداخل نفس الموديل

**Mostafa Hamoda** · 08-10-2014 05:58 PM

المشاركة الأصلية كتبت بواسطة waelamin123

انا جربت كل الطرق السيارة بتفتح من الداخل نفس الموديل

انا وصلت لمهندس في التوكيل و كلمته على العيب ده قلى لاء المفروض انها متفتحش قولتلوا ان العربيه بتاعتى بتفتح و خاصيه منع الاقتحام دى مش موجوده عندى مع ان الخاصيه دى موجوده في كل المودلات القديمه قام قلى طب جرب عربيه تانيه قلتله جربت و نفس المشكله قلى خلاص يبقى هي كده , قلتله ازاى يعنى اكيد في حاجه غلط راح قلى طب هاتها نبص عليها
يعنى التوكيل نفسه مش عارف مع انها ميزه امنيه مهمه جدا في العربيه في ظل الظروف السوده الى بنعشها في مصر

**Welsherif** · 08-10-2014 06:03 PM

المشاركة الأصلية كتبت بواسطة waelamin123

انا جربت كل الطرق السيارة بتفتح من الداخل نفس الموديل

منع الاقتحام معناه انك مش عاوز حد يفتح الابواب من بره و ده موجود فى العربية لكن من جوه تقدر تفتح لكن فيه child safty lock فى الابواب الخلفية

**Hany Saad** · 08-10-2014 06:59 PM

الموضوع ده كان بينزل فى الميجان II الموديلات اللى نازله انجلترا و كانت الخاصية اسمها dead lock
و معناها انك لو قفلت العربية من الريموت بدوستين ورا بعض: اى حد بداخل العربية مش ممكن يفتحها من الداخل او الخارج
يعنى كأنك سجنته بداخل العربية
و لو حرامى كسر الزجاج علشان يفتح الباب من الداخل مش هيفتح معاه و ده كان حماية مضاعفة ضد السرقة
للأسف الموديلات اللى كانت بتنزل مصر مكنش فيها هذه الخاصية

اغلب الظن انهم شالوها من الاوكتافيا الجديدة او ان التوكيل مش عارف عنها اصلاً (يعنى نزلت منزلتش مش فارقة) فمطلبهاش مخصوص فى مواصفات السيارة

تحياتى