عرض للطباعة
اخوانى الاعزاء الاسكوداويه
كل سنة وانتم يارب طيبين وبفرحة وسعادة دايماً متهنين
وبعد كده قلنا نستغل الاجازة وندردش سوا
ياريت كل واحد عنده فيفوريت او فليشيا يقولنا ليه اختارها وازاى وكانت قدامه خيارات تانى ايه غيرها
يعنى بالبسيط يحيلنا اشتراها ازاى
ولو رجع بيه الزمان هيختارها ولا هيختار غيرها
يلا بقى عايزين ردود للصبح
كل سنة وانتا طيب ياوائل***
حكايتى مع الفيفوريت:
انا لما نويت اشترى عربية سمعت ان الفليشيا عربية اقدم الحديث بدل ما تركب 128 مو77 اركب فليشيا 95 مثلا فقررت انى اشترى فليشا وكنت معرفش يعنى اى فيفوريت واهو كله عند العرب صابون******
المهم روحنا السوق نشترى عربية معى زميلى سمسار سيارات لفين مالقيناش حاجة على كد الفلوس اللى معايا وعامل عليها حسابى قال تعال خلاص الاسبوع اللى جاى ودا كان من سوق الجمعه بالاسماعيلية قلت ماشى ركبنا قال حعدى على واحد صاحبى سمسار برضو قابلنا فى السوق اول ما شفنا ايه مالقيتوش طلبكم قلنا اه مالقناش قال ما تخد دى قلتله اسكودا دى قال اه وصاحبتها ساكنه فوق يام فلان هاتى مفتاح العربية فى ناس عاوزة تشوفها صديقى السمسار لف حولين العربية من غير ما يدور الماتور قال بلاش العربية دى على طول لذقت فى دماغى العربية قالت له ازاى تحكم عليها قبل ما تدورها ونكشف على الموتور كال انا باقالك قلت وانا باقولك لازم علشان نحكم ندور العربية وحسيت انه بيحاول يبعدنى عنها علشان اشترى عن طريقة واكون اسير فكرة فقط قلت انا حاخد العربية دة بكام يامدام من هنا لهنا توصلنا لسعر معقول وكان معايا الفلوس وكتبنا العقد الابتدائى واديتهم 100 سمسرة وانا ماكنتش باعرف اسوق طبعا قلت ودوهالى عند البيت ركبت من صديقى زميلى وزميلى بعربيتة ووصلنا للبيت ركنها وانا شخصيا ما بعرفش العربية بتمشى ازاى وازاى وازاى المهم اصدقاء اولادى بيسوقو اتعلمت شوية منهم وشوية من النت والحمد لله اتعلم السواقة من غير مدارس اطلعت الرخصة وكله تمام***
فى النهاية عاوز اقول لو رجع بيا الزمان حختار الفيفوريت ولن استغنى على الفيفورت ابدا عشق متعرفش حب متعرفش ويمكن يكون هبل**
اكيد مش هشتريها لو رجع الزمن
اقتباس:
المشاركة الأصلية كتبت بواسطة sakr_skoda
صديقى الغالى والعضو الماسى عم صبحى
اشكر مرورك الكريم وكلماتك الجميلة وصدقنى العربيات الفليشيا والفيفوريت عربيات محيرة قوى بس اللى عاجبنى انك فعلاً عاشقها وفاهمها وعارف كل كبيرة وصغيرة فيها
والاهم انى انا اتشرفت انك اول واحد رديت عليا
اقتباس:
المشاركة الأصلية كتبت بواسطة jojoamr
ليه بس احكيلنا مال الفليشيا ومالك
59 مشاهدة ومفيش حد يتكرم علينا بتعليق ؟؟؟؟؟؟؟؟؟
دى قصتى مع العربية فى الموضوع ده ولو فكرت اشترى عربية دلوقتى تانيه مش حشترى غير فليشيا برضة !!
http://www.nilemotors.net/Nile/314543-a.html
ليه بس احكيلنا مال الفليشيا ومالك[/quote]
المشكله عندى انى جايب العربية اريحها هى مش تريحتى يعنى مخرجش فى زحمة وخصوصا فى الصيف بالنهار السخوتة عندى هتجننى .......
لسة اهو هشترى مروحة كبيرة اللى هى 6 ريشة من العزبة وهغسل دورة التبريد واغير الميه وهشوف النتيجة رغم ان الجو اختلف دلوقتى لان المهم عندى الصيف اللى هيجننى لو عندكو حل قولولى
السلام عليكم
انا فاكر ايامها مكنش فى دماغى غير هيونداى اكسيل او كيا بريد او لادا. وقولت لقريبى فاهم فى العربيات لو لقيت حاجة كويسة كلمنى. طبعا موضوع شراء عربية كويسة ممكن يعدى شهر وشهرين وقالى متستعجلش. فوجئت بيكلمنى بعديها باربع ايام بيقولى فى سكودا فليشيا حالتها كويسة وكان بيقولى اول مرة اركب الفليشيا وكان حاسس انو راكب عربية حديثه مش حاسس بأى مطبات واتزان عالى فى السرعات
واتوكلت على الله واشترتها. عايز اقولكم اول 6 شهور بهدلتنى لغاية مظبتها وصرفت عليها. وبقت عربية من الصعب تبدلها بأى عربية مستعمله تانية.
كنت رايح بيها مشوار وكنت مركب معايا 5 افراد. والله وحش على الطريق. كان معايا قريبى معاة شيفوليه لانوس 2013 مركب معاة 4 افراد. العربية بتزحف بية على الارض وكل المطبات بتكحت فى بطن العربية وحاسس ان رجليك لامسة الارض
عيب الفليشا الوحيد موضوع التكييف. ولو كانت نازله بتكييف قوى. كان اقل سعر للعربيه مش هيقل عن 40 الف جنية
لو فكرت ابيعها. ان شاء الله اشترى عربية زيرو . دة حتى الزيرو يحير مش ممكن ابدلها بفيرنا اللى لو عربية نقل معدية جنبك هواها ممكن يطيرك من عى الطريق ولا ممكن ابدلها بشفورلية اللى خامتها رديئة وتكنولوجيه موتورها 1500 بدائية . ان شاء الله لو ربنا كرمنى هشترى لوجان معظم الناس بتشكر فيها.
محيرانى يافليشيتى:plusone1:
انا أخترت الفليشيا عن اقتناع بعد ماعملت مقارنات كتير بينها وبين الاكسل والكيا برايد العصفورة وشوية عربيات تانية منها البيجو القديم والاسبرانزا a111 والماروتي وبعد تفكير عميق والقراءة المتأنية فى ميزات وعيوب تلك السيارات كانت المتيجة لصالح الفليشيا عن اقتناع تام ورغبة اكيدة فى اقتناء الفليشيا
انا اخترت الفليشيا بعد نصيحه احد زملائي في العمل علشان كان معاه زيها زمان
والحمد لله انا مبسوط بيها جدا
فليشيا بعد تجربة عربيات تانيه المشكله عشان تركب بعده هتفكر فى a4 او الاوبل عموما حاجه تانيه
هتفشل فى المقرنه مع الفليشيا
اقتباس:
المشاركة الأصلية كتبت بواسطة aw2100
اخونا الكريم الف مبروك على الفليشيا وربنا يحفظهالك ويحفظك والف شكر على تفاعلك فى الموضوع
اقتباس:
المشاركة الأصلية كتبت بواسطة jojoamr
[/QUOTE]
المشكله عندى انى جايب العربية اريحها هى مش تريحتى يعنى مخرجش فى زحمة وخصوصا فى الصيف بالنهار السخوتة عندى هتجننى .......
لسة اهو هشترى مروحة كبيرة اللى هى 6 ريشة من العزبة وهغسل دورة التبريد واغير الميه وهشوف النتيجة رغم ان الجو اختلف دلوقتى لان المهم عندى الصيف اللى هيجننى لو عندكو حل قولولى
طبعاً انا عايز اقولك انى مع عم صبحى وغيره من الاعضاء اللى بيقولوا العربية دى محيرة فمن ملاكها من يعشقها ومن ملاكها من يكرهها
بس من واقع خبرتى مفيش صنايعى امين غير ناس قليلة ويمكن انت واقع مع حد من اللى بيحب يخلى صاحب العربية زبون مستمر عنده بس نصيحة من اخوك دور على دورة التبريد وضبط التاكيهات وان شاء الله مشكلة السخونة تروح
ومتنساش
(تعديل مهم للفلشيا انا شوفته وما صدقتش وحل رهيب للسحب ( فتيس 1600( على مكنه 1300)http://www.nilemotors.net/Nile/214411-1600-1300-a.html
(سكودا فليشيا أو فيفوريت درس تعليمي لضبط تاكيهات الموتور)http://www.nilemotors.net/Nile/331345-a.html
اقتباس:
المشاركة الأصلية كتبت بواسطة أحمد جودة
ودى شهادة اعتز بيها واقدمها لكل الناس اللى بتقارن الفليشيا مع الكورى او الصينى
اقتباس:
المشاركة الأصلية كتبت بواسطة abanobsamy
تانى شهادة لصالح الفليشيا ولازال سهم الفليشيا فى الصعود
اقتباس:
المشاركة الأصلية كتبت بواسطة mostafa hassan
واحنا كمان مبسوطين علشان انت مبسوط منها