تغيير وش سلندر افيدونى بسرعة قبل التنفيذ

**ayman emoo** · 05-10-2014 10:40 PM

انا معاايا دايو لانوس 2004 كاملة مانيوال

المهم بعد م مشيت بيها مشوار ييجى 40 كم قلت افولها بنزين ويمكن غلطة منى انى بفول وهى دايرة ودى مكنتش اعرفها الا بعد المشكلة لانى جديد بقالى شهر ف السواقة

المهم بعد م طلعت من البنزينة ومشيت حوالى كيلو العربية وقفت وانا على سرعة 60 وبطلت سحب وكل اما اجى ادور المرش مش تشتغل خالص وحلفت مش متحركة

جبت واحد لعب شوية المهم جه كهربائى ف الاخر ووصل ان المشكلة كانت ف عوامة البنزين مبتتحركش وركنت فظبطناها

مشينا بيها شوية وقفت تانى المهم الراجل اكتشف ان فية خرطوم بيسرب ماية وفعلا كانت الماية بتنقص كل يوم بس انا عشان جديد مش عارف ان دى مشكلة كنت بزودها للاخر كل يوم وقالولى دى مشكلة تاية لانها لازم تكون للنص

المهم الماية بتدخل على الزيت وبتعمل طحينة وده محصلش الا بعد العطل لانها كانت شغالة قبل كدة و جه الميكانيكى فك ولقى ان وش السلندر متاكل وهو اللى بيسرب ونصحنى انى اغيره بواحد استيراد وقالى لو صرفت ع القديم هتبقى نفس التكلفة او اقل شوية وقالى غير فلتر بنزين وغطا قربة المية لانه مش محكوم كويس

ارجو الافادة وياريت تقولو تكلفة الموضوع كام لحد مصنعية الراجل الميكانيكى
وتنصحونى باية ممكن يتعمل تانى عشان شغلى خايف يتعطل تانى

**ayman emoo** · 05-10-2014 11:04 PM

المشاركة الأصلية كتبت بواسطة zerocar

استاذ ايمن نصيحتي ليك لو وش السلندر ينفع يتخرط اخرطة هو حضرتك عند صنايعي مين

هو قالى ينفع يتخرط بس هيمشيك 4 5 شهور ويحصل كدة تانى
انا من الغربية ياريس معتقدش تعرفه انا كمان معرفوش لانى لسه بتعامل جديد

**hany essa** · 05-10-2014 11:06 PM

مع احترامى لاى راى بس تغيير وش السلندر احسن بكتير من انك تخرط وتخش فى موال ان الخلوص مش مظبوط والكلام ده وكمان لو فتحات المياه متاكله هختش فى لحامات ووجع دماغ هات واحد استيراد بحاله كويسه وميكنش اتخرط قبل كده وانصحك انك تخلى الراجل يفكه قدامك وبالتوفيق

**ayman emoo** · 05-10-2014 11:12 PM

المشاركة الأصلية كتبت بواسطة hany essa

مع احترامى لاى راى بس تغيير وش السلندر احسن بكتير من انك تخرط وتخش فى موال ان الخلوص مش مظبوط والكلام ده وكمان لو فتحات المياه متاكله هختش فى لحامات ووجع دماغ هات واحد استيراد بحاله كويسه وميكنش اتخرط قبل كده وانصحك انك تخلى الراجل يفكه قدامك وبالتوفيق

تمام بس اانا تاية لانى لسه جديد
افيدونى ف الاسعار ولو فية مشاكل معينة غير كدة يشيك عليها وتسعيرة الكلام دة واديلو كام واللى حصل دة صح ولا ايه

**hany essa** · 05-10-2014 11:21 PM

المشاركة الأصلية كتبت بواسطة ayman emoo

تمام بس اانا تاية لانى لسه جديد
افيدونى ف الاسعار ولو فية مشاكل معينة غير كدة يشيك عليها وتسعيرة الكلام دة واديلو كام واللى حصل دة صح ولا ايه

وش السلندر مش هيعدى 700 جنيه ونصيحه منى بما انك فاكك الموتور غير طرمبه الميه وبليه الكاتينه ويفضل يبقوا اصليين علشان تنساهم وجوان وش سلندر استنضف احسن حاجه
الاسعار :وش السلندر 700جنيه
طرمبه مياه: كورى 100جنيه جى ام 275جنيه
بليه كاتينه :الاصليه جى ام صنع كندى 190جنيه
سير كاتينه :120 جنيه جى ام 70جنيه دايكو ايطالى
جوان وش السلندر :كورى 30جنيه
المصنعيه لا تتجاوز 300جنيه
الاسعار دى لو قلت تقل حاجه بسيطه جدا لا تذكر ولو ذادت برضوا هتزيد حاجه بسيطه جدا
ويبقى انت كده عملت الصح مع العربيه وموضوع نقص المياه ان شاء الله هيختفى للابد
وربنا معاك

**ayman emoo** · 05-10-2014 11:35 PM

المشاركة الأصلية كتبت بواسطة hany essa

وش السلندر مش هيعدى 700 جنيه ونصيحه منى بما انك فاكك الموتور غير طرمبه الميه وبليه الكاتينه ويفضل يبقوا اصليين علشان تنساهم وجوان وش سلندر استنضف احسن حاجه
الاسعار :وش السلندر 700جنيه
طرمبه مياه: كورى 100جنيه جى ام 275جنيه
بليه كاتينه :الاصليه جى ام صنع كندى 190جنيه
سير كاتينه :120 جنيه جى ام 70جنيه دايكو ايطالى
جوان وش السلندر :كورى 30جنيه
المصنعيه لا تتجاوز 300جنيه
الاسعار دى لو قلت تقل حاجه بسيطه جدا لا تذكر ولو ذادت برضوا هتزيد حاجه بسيطه جدا
ويبقى انت كده عملت الصح مع العربيه وموضوع نقص المياه ان شاء الله هيختفى للابد
وربنا معاك

الف شكرا ع ردك
وياريت الرجالة يفيدونا برضة يمكن ليهم نظرة