يا ريت تقولنا......و إن شاء الله بسيطة
عرض للطباعة
يا ريت تقولنا......و إن شاء الله بسيطة
المهندس اللى كشف على العربية كلمنى وقالى ان الاثنين مبرد بتوع الفيتيس اتحرقو وزيت الفيتيس نقص ودخل على مياه الريداتير وانا كنت اول مره اعرف المعلومة الغريبة دى
المهم انه قالى لازم نغيرهم ونغير زيت الفتيس و مياه الريداتير وشوية خراطيم وبعدين نشوف كده المشكلة اتحلت ولا لأ
قولتله كل ده ولسه هنشوف اتحلت ولا لا
قالى ايوة ممكن يكون الفتيس باظ من السخونية وبالمناسبة سعره عندهم ٧٥٠٠٠
قولتله انا ابيعها بالكيلو ارحم هههههه
وسألته عن تكلفة الحاجات اللى هيغيرها قالى حوالى ٦٠٠٠ جنيه
ولا حول ولا قوة الا بالله
انا استعوضت ربنا وقولتله توكل على الله واعملها
عندى وسواس قهرى من الميكانيكية خاصة لو قربو ناحية الفيتيس او الموتور
ان شاء الله خير و الناس هناك فاهمين هما بيعملو ايه. عامة لازم تشوف الحاجات القديمة و تعرف بالظبط ايه اللي تغير عشان تكون مطمن أن اللي قالو عليه كله اتغير. و ان شاء الله مش هيطلع فيه حاجة تاني.
الحمد لله والله عندك حق
اكتر حاجة خنقانى انى تعبت جدا لحد ما قدرت اجيب بى ام بحالة عربيتى
العربية تقريبا زيرو
انا اشتريتها فى ٣ شهور بدور بدون توقف واتفرجت على حوالى ٥٠ عربية وكانت عربيتى اغلاهم وافضلهم بكل المقاييس
وفى الاخر افضل البس بالشكل ده !!!
تقريبا البى ام كلها كده طول ما انت راكب بتصرف كتيييير
انا قربت اكره الماركة دى
حصل ايه بعد تغيير الكلام ده؟
طمنا عليك
والله انت صعبان عليا جدا
بس انا زى ماقلتلك ماكانش حقك تروح التوكيل.. التوكيل تروحه لما تكون مش عارف تحل المشكله بره
واللى هايغيره التوكيل هاتغيره بره..وعلى فكره الناس اللى بتشتغل كتير فى البى ام بره بتكون فاهمه زى التوكيل بالظبط
طيب عشان الكلام ده مالوش فايده دلوقت....لو التوكيل قالك نغير فتيس قلهم شكرآ واطلع على محمود ف الحرفيين ولو محتاج مساعده كلمنى