مقبل علي شرا ٕ الكروز اريد كل معلومه عنها

**Alaa H Ghannam** · 06-10-2014 08:01 AM

السلام عليكم اولا شكرا للاعضا ٕ الكرام علي وقتهم مقدما ثانيا ارجو الافاده باسعار كروز الجديده 2015 انا سمعت ان الجديده فئه واحده و سعرها 153000 و ارجو ان يكون دا فعلا السعر الحالي لان الbudget بتاعتي دا اخرها ثانيا انا عايز اعرف مواصفات السياره و كمالياتها و الاهم من دا كلو عيوبها لان مافيش سياره بدون عيوب و لكن في عيوب عاديه او مقبوله (تعدي ) و اذا كان في سياره اخري في نفس السعر دا او اقل لكن مش اكتر اكون شاكر للاقتراح انا فكرت في ريو هاي لاين و rb هاي لاين و لكن باضافه مبلغ بسيط يمكن الوصول للكروز فهل دا تفكير سليم ارجو الافاده و سرعه الرد

**monamize4** · 06-10-2014 10:28 AM

http://www.nilemotors.net/Nile/339689-2013.html

دا تقرير من الاخر عن الكروز

الموتور و الفتيس الجداد و ال Esp عملوا شغل جامد
و بالسعر دا هى حاليا الافضل ف فئتها و طبعا افضل من الريو و ال rb

**hero 99** · 06-10-2014 02:01 PM

كروز ٢٠١٥ لسا منزلتش والموجودة ٢٠١٤ وسعرها ١٥٣ الف وتعتبر هي افضل اختيار في الفئة دي

**Alaa H Ghannam** · 06-10-2014 07:38 PM

مشكورين علي الرد و لكن هل معلوماتي عن السعر صحيحه و ايه هي عيوب الكروز اكيد في عيوب و لو بسيطه

**teto222** · 06-10-2014 07:55 PM

اللى اعرفه يا باشا ان العربية تقيلة شوية فى اعادة البيع والاكصدام الامامى بيبقى مفكوك من مكانه من الجناب لان الكليبسات بتاعته ضعيفة وبتتكسر علطول العيب دا شوفتو كتير جدااا بس مش عارف فى الفيس ليفت عالجو العيب دا ولا لا , غير كدا اعتقد العربية ممتازة.

**Alaa H Ghannam** · 06-10-2014 08:00 PM

يا فندم ربنا يخليك و مشكور علي سرعه الرد و لو اي حد عنده معلومه عن مشاكل في سخونيه داخل العربيه عند الدواسات و الفتيس و حامل الاكواب يبقي خدمني و بالنسبه لمشكله الفتيس سمعت انها اتحلت

**teto222** · 06-10-2014 08:16 PM

من اول الفيس ليفت 2013 الموتور والعفشة والفتيس جداد تماما هما هما بتوع الاوبل استرا الجديدة فلا غبار عليهم ما شاء الله والموتور 115حصان اقوى بكتير من القديم والعربية فارقة فالسحب جامد اما بالنسبة لموضوع السخونية معرفش عنه حاجة بصراحة.