الموضوع: فيات بيترا

اولا لما نيجي نتكلم عن الفيات يبقي نقارنها بالانتاج الاوربي زي البيجو و الاوبل و الرينو مثلا انما ما تتقارنش خالص بالكوري يعني تقارن البونتو بالكورسا مثلا او البرافو بالاسترا او ال 307 كده المقارنه تبقي عادله .
بالنسبه للبيترا فما هي الا سيينا متنكره (بص علي العربيه من الجنب و انت تلاحظ مدي التطابق بينهم يدوب الفوانيس متغيره و بس)
السيينا بقي او البيترا هيا اللي ممكن تقارنها بالكوري علشان السعر متقارب فقط..
طب ليه السعر متقارب؟؟
فيات لما فكرت في اواسط التسعينات بانتاج عربيه بكلفه قليله بهدف انها تغزو العالم زي ما كانت بتقول فكرت في الباليو(او ال 178 و دا اسم المشروع داخل فيات) و استعارت قاعده العجلات او الشاسيه من البونتو الجيل الاول لتخفيض التكاليف و توفير مصاريف تصميم قاعده عجلات جديده .و انتجت العربيه دي في عدد كبير من دول العالم لكنها لم تنتج في ايطاليا لارتفاع اجور الايد العامله.
و من رايي ان البيترا عربيه ممتازه بس قطع غيارها اغلي بشويه من الكوري رغم ان الاتنين يعتبروا في نفس التمن بس قطع الغيار بتعيش اكتر و معمره اكتر و الموتور اقوي و بيعيش اكتر برضه.