الموضوع: تعليم سواقة

وعليكم السلام ورحمة الله وبركاته
* اهم حاجه فالسواقه بلاش خوف و قلق
* بدايه التعليم الأفضل يكون فمكان فاضى و يكون بوجود شخص محترف و عنده خبره اكبر فالتعامل مع العربيه
* اهم حاجه تكون العربيه اللى بتتعلم عليها السواقه سليمه بدون مشاكل كهرباء او ميكانيكا
بخصوص الدركسيون والمرايات
# الدركسيون
* الدركسيون لازم يكون فوضع ثابت مش متجه يمين او شمال و لو لاقيت العربيه بتحدف منك حاول تحافظ على السير فخط مستقيم
# المرايات
* العربيه فيها 3 المرايات واحده داخليه و 2 فالأجناب لازم تظبطهم كويس قبل السواقه
* المرايا الداخليه هتشوف بها السيارات اللى فالخلف اما المرايا الجانبيه هتشوف بها العربيات اللى يمين و شمال عربيتك و خلى بالك قبل ما تقرر انك تنتقل من حاره للتانيه بص كويس فالمرايات الجانبيه يمين او شمال على حسب الحاره اللى قررت تنتقل لها و كمان خلى بالك المرايات الجانبيه مش هتبين كل العربيات اللى فالجنب لان فيه حاجه اسمها blind spot او نقطه العمى و دى سبب حوادث كتير

المشاركة الأصلية كتبت بواسطة hanysalah750

شكراً جزيلاً على الرد
بالنسبة للمرايات :-
لو هنقل للحارة الشمال أوتخطى لسيارة أمامى أبص فى المرايه الشمال بس ونفس الامر لو حرجع للحارة اليمين تانى أبص يمين ولا أيه

العفو, الشكر لله وحده
اشاره شمال الأول و بعد كده بص فالمرايا الشمال و اتأكد ان مفيش عربيات شمالك فالحظه دى او بعيده و بتقرب بسرعه نفس الكلام لو هتنتقل لحاره يمين
لما تكون بتتخطى عربيه امامك اشاره شمال او يمين على حسب المتاح و بمجرد ما تتخطاها اشاره تانيه انك راجع للحاره الأولى قبل التخطى و بكده هتكون بقيت امامه و فنفس الوقت لو فيه عربيات تانيه فالخلف يكونوا عارفيين انك هترجع نفس الحاره اللى كنت فيها الأول
خلى بالك اولويه العبور للقادم من الخلف بمعنى انك عايز تنتقل لحاره تانيه و مشغل اشاره شمال او يمين لازم تستنى العربيات اللى بتعدى فالحاره دى لما تعدى الأول و بعد كده تنتقل للحاره دى لانك لما هتتخطى العربيه اللى امامك و تنتقل لحاره تانيه سرعتك هتكون اقل من سرعه العربيات القادمه من الخلف و ممكن تسبب حادث لا قدر الله

المشاركة الأصلية كتبت بواسطة J A G U A R

ساعات بقع فيها لما تكون السكه زحمه وعلى طول بشوف ناس بتقع فيها
هيا عاوزه واحد مصحصح وواخد باله من المرايات واجناب العربيه

هى للأسف مشكله فعلا و مش هتفرق اذا كنت مصحصح ولا لأ لانك هتلاقى عربيه او موتوسيكل جنبك و مش هتشوفهم خالص حتى لو كنت باصص فالمرايا قبلها بثانيه واحده
حلها
1- اشترى عربيه فيها تنبيه الموضوع ده
2- حرك المرايا لأقصى درجه للخارج و اظبطها و انت قاعد فنص العربيه و وشك قريب من المرايا الداخليه (بس احتمال مش هتشوف اى حاجه بعد كده من المرايا بس هتشوف الجزء اللى كان مش ظاهر قبل كده)
3- اشترى المرايا الصغيره اللى بتتركب على المرايا الجانبيه

4- اقفل المرايا خالص و بكده مش هيبقى عندك مشكله الـ blind spot خالص

الدركسيون بتاع العربيه متجيبوش يمين ولا شمال الا لما تبص فى المرايات الاول وطبعاً تكون مدى إشاره
وخد بالك من المنطقه العاميه
وديه تقدر تتحاشها عن طريق انك تلف راسك بسرعه
وده بيحصل فى الدول العربيه لما تيجى تطلع رخصه لازم تعمل كل الخطوات ديه علشان تنقل من حاره للتانيه