الموضوع: هو افضل انواع زيت مخصص ل ابيز 2002

الماتور عند لو وادائه كويس مافيش ترشيحات مابيكلش زيت ممكن تجرب التخليقى بالكامل full synthetic او كما يطلقون عليه تجاريأ الزيت ال 10الف كم
فى عندك وولفر - كاسترول - فيسكو بلزوجة 40 /w5

المشاركة الأصلية كتبت بواسطة hnabil6

طب ايه رايك في موبيل وشل وتواتل ?

مافيش مشكله لو حابب تجربهم بس انا قلتلك على الانواع الى أتجربت من اعضاء وشكروا فيها
وانا مأخرا مجرب وولفر 5w40 super tec ... Sm ومرتاح معاه السوبر تك وده تخليقى بالكامل ونسبة بخره عندى منعدمه
العبره هنا أن استخدم الزيت المناسب كأداء للماتور
وخلى بالك بعض الزيوت ممكن حد يشكر فيها وحد مايشكرش او تكون تجربته سيئه معاها
وده راجع لظروف كتيير زى حالة الماتور وطريقة القيادة والمكان الى اشتراه منه لان ممكن تلاقى منه مضروب
أنا لما جربت مثلا وولفر التخيقى بالكامل ملقتش حد اشتكى منه نهائيا وكان فى أجماع على نفس نقط التمييز زى هدوء ملحوظ لصوت الماتور و عدم البخر ( نقصان الزيت بعد عددة كيلو مترات ) طبعا علاوة ان المواد المحسنه المصنعه والمضافه اليه بتحافظ على عمر الماتور من خلال تقليل معامل الاحتكاك الى بدوره بيقلل نسبة استهلاك البنزين والمواد ديه بتضاف بنسب متباينه وده لاى نوع زيت تخليقى سواء وولفر او نوع تانى
ممكن تجرب التخليقى بالكامل لو لحظت بخر عالى تنزل فى الغيار الى بعده للنصف تخليقى فى لو بخر او تاكل للزيت تنزل للزيت الاتقل المعدنى
موضوع الزيت ده موضوع كبيير وله تجارب كتيير حاولت ان الخصلك الموضوع

لاكن لو حابب تعرف اكتر وتتبحر فى عالم الزيوت وأنوعها اقرأ الموضوع التالى
http://www.nilemotors.net/Nile/341680-a.html
وده موضوعات قلت اجبهالك بالمره
http://www.nilemotors.net/Nile/307065-a.html
http://www.nilemotors.net/Nile/442900-a.html
وديه تجربة م ايهاب منصور عن زيت وولفر وكنت شاركت برضو فى الموضوع براي وتجربتى

http://www.nilemotors.net/Nile/41453...40-2002-a.html

المشاركة الأصلية كتبت بواسطة khalil mohamed

هو استخدام الزيت ال 10000 كيلو وولفر دﻻلة على ان حالة الموتور كويسة
بمعنى ان فيه حد هاشترى منه قالى انه استورد الزيت ده مخصوص علشان الموتور بدون اى كﻻم هن حالة الموتور وانا لسه مكشفتش الحقيقة على العربية علشان العيد بس مجرد استفسار

الزيت التخليقى بالكامل زيت خفيف أستخدامه وأعطاء النتائج المرجوه منه
دلالة على حاجتين الماتور حلته كويسه لان خولصاته لسى ماوسعتش و الزيت مكوناته جيده