والله يامعالى الباشا والحمد لله برضه انا طول عمرى بغسل موتور عربياتى كالاتى وربنا بيسترها معايا اوى :-
١- بجيب لترين جاز محترمين ... أحطهم فى زجاجه ميه معدنيه واخرم الغطاء من فوق ... وارش الموتور بالهواء والجاز رشه محترمه جدا جدا
٢- اسيبهم حوالى ١٥ دقيقه
٣- أجيب جردل مياه برغاوى الصابون وفيهم اسفنجه ... وأمسك السفنجه وهاتك يادعك على خفيف كده وتتكى على الحتت اللى مفيهاش كهرباء وخلافه
٤- أمسك خرطوم ضغط الميه وابعد عن كبوت العربيه المفتوح مسافه حوالى من ٢ م الى ٣ متر وارشه على خفيف جدا بحيث اوقع الميه بصابون اللى على الوش كده بهبو ورزاز ضغط الميه من بعيد جدا
٥- سريعا جدا أمسك خرطوم الهواء تانى ونفض حوض العربيه كله بالموتور تانى كده وعيد عليه بالهواء كذا مره
٦- اعمل الموضوع ده مره واحده بس كل ٦ شهور وتابع دايما نظافه الموتور بالفوم بتاع غسيل الموتور وفوطه ناشفه
٧- ادعيلى بعد ماتخلص ونفذ الكلام بالحرف الواحد عشان ماتدعيش عليا هههههههههههههه
٨- استنى آراء اخواتنا الكبار هنا وهوما هيقولولك على طرق تانيه كتييير وانت اختار منها ... ولو اننا كنا اتناقشنا فى الموضوع ده قبل كده وكلهم قالولى اللى انت بتعمله ده غلط جدا جدا ... بس انا كنت بعمله فى كل عربياتى حتى الميجان ملكه التعقيد والحمد لله ربنا بيسترها وبتعدى ... أسف للاطاله وكل عام وانتم بخير
المفضلات