ندمان على شراء كيا سيراتو 2015

**motaz60002003** · 09-10-2014 02:26 AM

المشاركة الأصلية كتبت بواسطة teto222

باشا هو ايه السايت اللى يبين بلد العربية , شكرا للافادة.

باشا ادخل على الموضوع ده زميل عمله لاستفده منه الجميع
http://www.nilemotors.net/Nile/186717-vin.html

**aelsayed74** · 09-10-2014 03:21 AM

المشاركة الأصلية كتبت بواسطة motaz60002003

شكرا ياباشا على فهمك وجه نظرى الى قليل فهما من الناس

العفو يا استاذ معتز دا انا مش فاهمك وبس دا انا عارف اللى انت حاسس بيه علشان انت فكرتنى بواحد كان عنده سبورتاج ٢٠١٣ لمدة ٨ شهور وربنا قدر انها تتخبط وقرر يبيعها (موسوسسسسسسس) ويجيب ٢٠١٤ وفرح جدا لما عرف انها تجميع اوروبى بس للاسف لقاها غير الكورى خالص زى مثلا الدريكسيون مش جلد خياطة واستهلاك البنزين ازيد ب ٢٠٪ وكفاءة التكييف اقل والفرش عامل زى الصوف مش زى الووتربروف اللى كان فى الكورى وحتى عزل الزجاج للشمس مش زى الكورى ولازم ترزع الباب علشان يتقفل وصوت الموتور ولا اكنها جرار تخيل فى عربيه سعرهل ٢٢٤٠٠٠ جنيه وعلشان كده بعها بعد ٣ شهور بس.
على العموم لو انت تقدر تستحمل اللى انت شايفه فى العربية خليها شويه لحد لما ربنا ييسرلك تبيعها وتجيب الالمانى ان شاء الله.

**Omar Mahmoud** · 09-10-2014 11:16 AM

المشاركة الأصلية كتبت بواسطة medo-312

يعني انت محسسني أن قطع غيار الاوبل رخيصة بالكلام ده.. حاجة غريبة؟؟ وبعدين اللي يقارن عربيتين لازم يكونوا فئة واحدة وكمان اقارن أوروبي بالاوروبي وكوري بالكوري وياباني بالياباني وهكذا وإلا المقارنة هتبقى ظالمة

علي اساس إن الاسترا فئة و السيراتو فئة تانية يعني؟؟؟
الاتنين نفس الفئة
قصة اوروبي باوروبي و كوري بكوري لو كدة مكانتش السوبارو امبريزا و الهوندا سيفيك اتقارنوا غير باللانسر و الكورولا.مواقع عالمية زي whatcar و car advice بيقارنوا عربيات نفس الفئة من كذا بلد.

**K.Ossama** · 09-10-2014 03:37 PM

المشاركة الأصلية كتبت بواسطة medo-312

يعني انت محسسني أن قطع غيار الاوبل رخيصة بالكلام ده.. حاجة غريبة؟؟ وبعدين اللي يقارن عربيتين لازم يكونوا فئة واحدة وكمان اقارن أوروبي بالاوروبي وكوري بالكوري وياباني بالياباني وهكذا وإلا المقارنة هتبقى ظالمة

فعلاً قطع غيار الأسترا والكورسا ٢٠٠٤ رخيصة جداً مقارنة بعربيات تانية كتير فى السوق....فمش غريبة ولا حاجة.
اسمح لى بس اعترض على كلام الأوروبى مع بعض والياباني مع بعض، ده غير سليم بالمرة

**aymn6666** · 09-10-2014 04:15 PM

طيب السؤال هنا
انت رحت دفعت 160 الف جنيه في عربيه --- بدون متكون جربتها او عرفت مميزتها وعيوبها
يعني حضرتك اشتريت قبل متجرب --علي وزن سلخت قبل مدبح
انا معايا فيرنا 2008 والحمد لله
وناوي اجيب السيراتو وقدامي فتره بتاع 6 شهور
انا بقي في الفتره دي مفيش حاجه غير اني اسال واستفسر واتابع واجرب
علشان في الاخر لما اشتري ابقي عارف بجيب ايه واي الي معايا
ومتفجاش باي حاجه
مش هو ده المفروض