اقتباس:
المشاركة الأصلية كتبت بواسطة karim_monir
وحضر شاهد من اهم الشهود في الموضوع
لانه في نطاق عملة
فعلا يا محمد ممكن اكون بدخل اجيب اكسسوار او حاجة من محل موبيلات
والاقي ناس ظراف عماليت يجربو كل النغمات
انا يمكن زي حالاتك بس من زمان قوي كمان
ايام الموبيلات ال 6610 تقريبا اللي كانت بكابل غلس وتشتغل على برنامج عقيم كدة مش فاكر اي اسماء طبعا
وكانت النغمان بصيغة ميدى بس
بس والله ارحم من ال mp3 وقرفة اللي بنشوفة
وانا كمان طول عمري بحب اقطع نغماتي لنفسي عشان بضمن اني لما بسع نغمة ببقى عارف انها من موبايلي بدون اي تشابه اخر لاني بقطعها من حتت معينة
ومانساش موقف غتت قوي
كنت لسه مترقي كدة من سنتين وداخل المكتب الجديد وداخل ورايا واحد من اللي عنيهم مدووووورة والمكتب والسجاد والحوارت وموبيالي بيرن بنغمة مميزة قوي برضه وكان في جيبي وبتكلم في تليفون تاني واللي بيرن في جيبي وده عمال يزن هات النغمة دي انا فاتح البلا توووث اهو وبطلع الموبيال من جيبي وقع في الحتة الوحيدة اللي مفيهاش سجاد نزل على الرخام 817 قطعة (كان N73 )
من يومها اللي يقولليهات التون دي افتكر الذكرى السيئة دي
ربنا يعوض عليك يا كيموا ويكتر من امثال الراجل ده اللي عينه بتوقع تليفونات
علشان احنا نشتغل ونصلح ههههههههههههههههه(ممعاكش نمرته وحديله نسبه)
بس فعلا تكنولوجيا البلوتوث دي عملت طفره كبيره وبدل ما كل واحد ينزل النغمه اللي تعجبه بقت الناس عماله نتقل من بعض وطبعا نسبه الشغل قلت
واتحول الموضوع لازعاج وطفاسه وكل واحد بيفخر ان تليفونه عليه 500 نغمه و1000 نغمه وتحس انهم عياله
وفي نفس الوقت البلوتوث بقت تنقل فيروسات للموبيلات ودي حاجه جميله جدا طبعا لان بدل ما كان الواحد ييجي يحط نغمه بجنيه بقي ييجي ينزل سوفت وير ب25 جنيه هههههههههههه
نرجع للموضوع الاساسي بقي اللي هو شخصيه واضع النغمه
طبيعه شخصيه الزيون بتفرق جدا في اختيار النغمات
البنات نغماتهم رقيقه جدا (طبعا مش كلهم ) والاولاد بتقبل اكتر علي نغمات الدوشه وفيه طائفه بقي دول انا اول ما بشوف شكلهم بستغفر ربنا بتوع النغمات الشعبيه وبعرور والرماح وتحس انه بيعمل دماغ بالنغمه
وكان فيه نغمه زمان ايام الاجهزه الملونه في مرحله ما قبل البلوتوث والنغمات الصوتيه اسمها الناي الحزين
دي انا نزلتها تقريبا حوالي 5000 مره لانها كانت عاليه وكنت متميز بيها
وكان فيه ناس بتجيلي من مناطق بعيده جدا علشان تنزلها عندي
لحد ما زهقت منها ومن صوتها وكنت اروح اي حته اسمعها بترن اعرف ان فيه حد يعرفنا في المكان ده هههههههههههه
وعموما انا بطلت شغل النغمات ده ومش بعمله الا في اضيق الحدود لانها بقت شغلانه اللي ملهوش شغلانه (مش كل اللي شغالينها علشان محدش يزعل انا بتكلم علي نوعيه معينه معروفه )